વધુ એક કોંગ્રેસ નેતા પર EDએ ગાળિયો ભીંસ્યો, ડીકે શિવકુમારની કરી ધરપકડ

મની લોન્ડ્રિંગ કેસ અંતર્ગત ઈડી દ્વારા હવે કોંગ્રેસના નેતા ડીકે શિવકુમારની ધરપકડ કરવામાં આવી છે. ઈડીએ કોંગ્રેસ નેતા પર PMLA, 2002નો ઉલ્લંઘન કરીને હવાલા કારોબારમાં સામેલ હોવાનો આરોપ લગાવ્યો છે.

નવી દિલ્હીઃ મની લોન્ડ્રિંગ કેસ અંતર્ગત ઈડી દ્વારા હવે કોંગ્રેસના નેતા ડીકે શિવકુમારની ધરપકડ કરવામાં આવી છે. છેલ્લા થોડા દિવસોથી ઈડી ડીકે શિવકુમારની પૂછપરછ કરતી હતી. કર્ણાટકના પૂર્વ મંત્રી વરિષ્ઠ કોંગ્રેસી નેતા ડીકે શિવકુમાર સોમવારે ઈડી સામે કથિત મની લોન્ડ્રિંગ કેસમાં ત્રીજી વખત પૂછપરછ માટે હાજર થયા હતા. ઈડીએ આ મામલે શુક્રવાર અને શનિવારે તેમની 13 કલાક પૂછપરછ કરી હતી. ઈડીએ કોંગ્રેસ નેતા પર PMLA, 2002નો ઉલ્લંઘન કરીને હવાલા કારોબારમાં સામેલ હોવાનો આરોપ લગાવ્યો છે.

Delhi: Ruckus outside the Enforcement Directorate (ED) office as supporters of Congress leader DK Shivakumar gather in large numbers. He has been arrested by the agency, under Prevention of Money Laundering Act (PMLA). pic.twitter.com/v7Kg7dm2IG

— ANI (@ANI) September 3, 2019

શિવકુમારે તેમની ધરપકડ બાદ ટ્વિટ કરીને ભારતીય જનતા પાર્ટી પર વ્યંગ કર્યો હતો. તેમણે લખ્યું, હું બીજેપીના મિત્રોને અભિનંદન આપવા માંગું છું. આખરે તેઓને મારી ધરપકડ કરાવવામાં સફળતા મળી છે. આઈટી અને ઈડીના મારી સામે નોંધવામાં આવેલા મામલા રાજનીતિ પ્રેરિત છે. હું બીજેપીની બદલાની રાજનીતિનો શિકાર બન્યો છું.

I congratulate my BJP friends for finally being successful in their mission of arresting me. The IT and ED cases against me are politically motivated and I am a victim of BJP's politics of vengeance and vendetta.

— DK Shivakumar (@DKShivakumar) September 3, 2019

તેમણે અન્ય ટ્વિટ કરીને લખ્યું, હું મારી પાર્ટી કાર્યકર્તાઓ અને સમર્થકોને અપીલ કરું છું કે નિરાશ ન થાવ. મેં કંઈ ખોટું કર્યું નથી. મને ઈશ્વર અને દેશની ન્યાયપાલિકા પર ભરોસો છે.