કોરોના સંક્રમણ પર રાહુલ ગાંધીએ કેંદ્ર સરકાર પર સાધ્યું નિશાન, કહ્યું- શહેરો બાદ, હવે ગામડાઓ પણ....

નવી દિલ્હી: કૉંગ્રેસના પૂર્વ અધ્યક્ષ અને સાંસદ રાહુલ ગાંધીએ કોરોના સંકટને લઈ કેંદ્રની નરેંદ્ર મોદી સરકાર પર સતત હમલાવર છે. રાહુલ ગાંધીએ કેંદ્ર સરકાર પર કટાક્ષ કરતા ટ્વિટ કર્યું છે. રાહુલ ગાંધીએ કહ્યું, 'શહેરો બાદ, હવે ગામડાઓ પણ પરમાત્મા નિર્ભર!'

નવી દિલ્હી: કૉંગ્રેસના પૂર્વ અધ્યક્ષ અને સાંસદ રાહુલ ગાંધીએ કોરોના સંકટને લઈ કેંદ્રની નરેંદ્ર મોદી સરકાર પર સતત હમલાવર છે. રાહુલ ગાંધીએ કેંદ્ર સરકાર પર કટાક્ષ કરતા ટ્વિટ કર્યું છે. રાહુલ ગાંધીએ કહ્યું, 'શહેરો બાદ, હવે ગામડાઓ પણ પરમાત્મા નિર્ભર!'

પહેલા આજે રાહુલ ગાંધીએ ટ્વિટર  પર બે તસવીરો શેર કરી હતી. પ્રથમ તસવીરમાં કેટલાક લોકો ઓક્સીજન સિલિન્ડર લેવા માટે લાઈનમાં ઉભા જોવા મળ્યા હતા. જ્યારે બીજી તસવીર દિલ્હીના ઈન્ડિયા ગેટની નજીકની છે, જ્યાં ખોદાણનું કામ ચાલી રહ્યું છે. રાહુલ ગાંધીએ ટ્વિટ પર તસવીર શેર કરતા કહ્યું, 'દેશને PM આવાસ નહી, શ્વાસ જોઈએ.'

ઉલ્લેખનીય છે કે આ પહેલા રાહુલ ગાંધીએ કોરોના સંક્રમિત દર્દીઓને પર્યાપ્ત માત્રામાં ઓક્સીજન આપવાની અપીલ કરી હતી. તેમણે કોરોના દર્દીઓને બચાવવા માટે સૂચનો પણ આપ્યા હતા. એક ટ્વિટના માધ્યમથી તેમણે કહ્યું, દેશવાસીઓને બચાવવા માટે જરુરી છે કે મોટા સ્તર પર લોકોને વેક્સીન આપવામાં આવે. યોગ્ય આંકડાઓ અને નવા કોરોના સ્ટ્રેનનું વિશ્લેષણ. આ સાથે જ નબળાવર્ગના લોકોને સહાયતા આપવી.  તેમણે કેંદ્ર સરકાર પર નિશાન સાધતા લખ્યું, 'દુર્ભાગ્યથી કેંદ્ર સરકાર સાબિત કરી રહી છે આ તેમનાથી નહી થાય.'

કૉંગ્રેસે સંપૂર્ણ લોકડાઉન લગાવવાની માંગ કરી

કૉંગ્રેસે કોરોના વાયરસની મહામારીની બીજી લહેરને લઈ શનિવારે કહ્યું કે કેંદ્ર સરકારે રાષ્ટ્રીય સ્તર પર સંપૂર્ણ લોકડાઉન લગાવવું જોઈએ અને સાથે જ ગરીબોને છ હજાર રુપિયાની આર્થિક મદદ કરવી જોઈએ. પાર્ટીએ એ આરોપ પણ લગાવ્યો કે કેંદ્ર સરકાર રસી પર જીએસટી લગાવી લૂટ કરી રહી છે. 

દેશમાં શું છે કોરોનાની સ્થિતિ

 

સ્વાસ્થ્ય મંત્રાલયના તાજા આંકડા અનુસાર, છેલ્લા 24 કલાકમાં 4,03,738 નવા કોરોનાના કેસ (Corona Cases) આવ્યા અને 4092 લોકોના મોત થયા છે. જોકે 24 કલાકમાં 3,86,444 લોકો ઠીક પણ થયા છે. 

• કુલ કેસ-  બે કરોડ 22 લાખ 96 હજાર 414
• કુલ ડિસ્ચાર્જ- એક કરોડ 83 લાખ 17 હજાર 404
• કુલ એક્ટિવ કેસ - 37 લાખ 36 હજાર 648
• કુલ મોત - 2 લાખ 42 હજાર 648