‘બુલબુલ’ વાવાઝોડું કઈ-કઈ જગ્યાએ ત્રાટકી શકે છે? હવામાન વિભાગે શું કરી મોટી આગાહી? જાણો વિગત

ઓડિશામાં ‘બુલબુલ’ વાવાઝોડાના કારણે હવામાન વિભાગે ભારે વરસાદની આગાહી કરી છે. પશ્વિમ બંગાળમાં પણ વાવાઝોડાં સાથે વરસાદ થાય તેવી સંભાવના છે. બંને રાજ્યોમાં બચાવ ટૂકડીને એલર્ટ જારી કરવામાં આવ્યો

નવી દિલ્હી: ઓડિશામાં ‘બુલબુલ’ વાવાઝોડાના કારણે હવામાન વિભાગે ભારે વરસાદની આગાહી કરી છે. પશ્વિમ બંગાળમાં પણ વાવાઝોડાં સાથે વરસાદ થાય તેવી સંભાવના છે. બંને રાજ્યોમાં બચાવ ટૂકડીને એલર્ટ જારી કરવામાં આવ્યો છે.

IMD: Cyclonic storm 'Bulbul' lay centered at 8:30 am, today, over east-central Bay of Bengal, about 680 km south-southeast of Paradip, Odisha & 780 km south-southeast of Sagar islands, West Bengal. It is very likely to intensify into a severe cyclonic storm during next 24 hours. pic.twitter.com/Lsev8q5iOn

— ANI (@ANI) November 7, 2019

ઓડિશા સરકારે ભારે વરસાદની આગાહીના પગલે બચાવ ટૂકડીઓને એલર્ટ કરી દીધી છે. બંગાળની ખાડીમાં થઈને આ વાવાઝોડું ઓડિશા અને પશ્વિમ બંગાળમાં ત્રાટકે એવી ભીતિ વ્યક્ત કરવામાં આવી હતી. ભારે પવન સાથે વરસાદ પડે તેવી આગાહી હવામાન વિભાગે કરી છે. આ વાવાઝોડું બાંગ્લાદેશ તરફ ફંટાશે. તે પહેલાં ઓડિશામાં ભારે પવન સાથે વરસાદ ત્રાટકશે. લગભગ 60 કિલોમીટર પ્રતિ કલાકની ઝડપે પવન ફૂંકાવાની શરૂઆત થઈ હતી. આ ઝડપ 80થી 90 કિલોમીટર પ્રતિ કલાક સુધી પહોંચે તેવી સંભાવના વ્યક્ત કરવામાં આવી હતી. આગામી 24 કલાક સુધી ઓડિશામાં ભારે વરસાદના પગલે દરેક જિલ્લામાં તંત્રને એલર્ટ જારી કરવામાં આવ્યો હતો. નવી સૂચના જારી ન થાય ત્યાં સુધી માછીમારોને પણ દરિયામાં ન જવાની ચેતવણી આપવામાં આવી છે.