Delhi Election Results 2025 Live: દિલ્લીમાં 27 વર્ષ બાદ ખીલ્યુ કમળ, ઝાડુના તણખલા વિખેરાયા

Delhi Assembly Election Results 2025 Live:દિલ્હી વિધાનસભા ચૂંટણીના પરિણામો આજે આવશે. એબીપી અસ્મિતા તમને દરેક ક્ષણના અપડેટ્સ આપશે. સૌથી ઝડપી અને સચોટ પરિણામો માટે લાઇવ બ્લોગ સાથે જોડાયેલા રહો.

Background

Delhi Assembly Election Results 2025 Live: દિલ્હીની 70 વિધાનસભા બેઠકો માટે મતદાન 5 ફેબ્રુઆરીએ એક જ તબક્કામાં પૂર્ણ થયું હતું. આ 70 બેઠકો પર 699 ઉમેદવારો પોતાનું નસીબ અજમાવી રહ્યા છે. મતગણતરી આજે (૮ ફેબ્રુઆરી) સવારે 8 વાગ્યે શરૂ થશે, ત્યારબાદ શરૂઆતના વલણો આવવાનું શરૂ થશે. બપોર સુધીમાં ચિત્ર સ્પષ્ટ થવા લાગશે.

15:36 PM (IST)  •  08 Feb 2025

બદરપુર બેઠક પરથી AAP આગળ

AAPના રામ સિંહ નેતાજી દિલ્હીની બદરપુર વિધાનસભા બેઠક પરથી 25 હજારથી વધુ મતોના અંતરથી આગળ છે. તે જ સમયે, ભાજપના નારાયણ દત્ત શર્મા પાછળ છે. તમને જણાવી દઈએ કે, આ સીટ ભાજપે જીતેલી 8 સીટોમાંથી એક હતી, જેના પર હવે આમ આદમી પાર્ટી આવતી જોવા મળી રહી છે

14:21 PM (IST)  •  08 Feb 2025

આતિશી કાલકાજીમાંથી જીતી

કાલકાજી વિધાનસભા બેઠક પરથી આમ આદમી પાર્ટીના ઉમેદવાર આતિષીએ જીત મેળવી છે. અહીંથી ભાજપના રમેશ બિધુરી અને કોંગ્રેસના અલકા લાંબા મેદાનમાં હતા.