DRDOએ ચીન બોર્ડર પર નજર રાખવા માટે તૈયાર કર્યુ શક્તિશાળી ડ્રૉન 'ભારત', જાણો શું છે ખાસયિતો

સુત્રોએ કહ્યું કે આ ડ્રૉન 'ભારત' બહુ લોકપ્રિયતા મેળવી રહ્યું છે, કેમકે તે ઝૂંડના સંચાલનથી કામ કરી શકે છે. એટલે કે કોઇપણ પાયલટ વિના તે પોતાના મિશનને અંજામ સુધી પહોંચાડી શકે છે

નવી દિલ્હીઃ ભારત અને ચીન વચ્ચે ચાલી રહેલા તણાવની વચ્ચે ડીઆરડીઓએ એક ખાસ ડ્રૉન તૈયાર કર્યુ છે. DRDOએ લાઇન ઓફ એક્ચ્યૂઅલ કન્ટ્રૉલ -ચીનની સીમા માટે ભારતીય સેનાને ઉંચાઇ વાળા અને પહાડી વિસ્તારોમાં સટીક નજર રાખવા માટે સ્વદેશી ટેકનિકથી વિકસિત ડ્રૉન 'ભારત' ઉપલબ્ધ કરાવ્યુ છે. 'ભારત' નામનુ હવાઇ યૌદ્ધા આ ડ્રૉનને ડીઆરડીઓના ટર્મિનલ બૉલિસ્ટિક્સ અનુસંધાન પ્રયોગશાળા (ટીબીઆરએલ), ચંડીગઢ દ્વારા વિકસીત કરવામાં આવ્યુ છે. આને ઉંચાણવાળી જગ્યાઓ પર નજર રાખવા માટે બનાવવામાં આવ્યુ છે. તેમને જણાવ્યુ કે આને પૂર્વી લદ્દાખ એટલે કે ચીનની સરહદ પર નજર રાખવા માટે તૈનાત કરાશે. જોકે, આને તૈનાત કરવા પર સેના નિર્ણય લેશે. શું છે 'ભારત' ડ્રૉનની ખાસિયત.... દુનિયાનુ સૌથી હલ્કુ અને સ્ફૂર્તિલુ છે ડ્રૉન 'ભારત' નાઇટ વિઝન વાળુ છે ડ્રૉન 'ભારત' રિયલ ટાઇમનુ વીડિયો રેકોર્ડિંગ કરી શકે છે બાલાકૉટ જેવી એર સ્ટ્રાઇક કરવામાં સક્ષમ આર્ટિફિશિયલ ઇન્ટેલિજન્સ અને કેમેરાવાળુ છે ડ્રૉન 'ભારત' ગાઢ જંગલોમાં સંતાયેલા દુશ્મનોને પણ ટ્રેક કરી શકે છે પોતાની ડિઝાઇન અને ટેકનોલૉજીના કારણે રડાર પર નથી થતુ ડિટેક્ટ સૌથી ઠંડા પ્રદેશમાં પણ કામ કરવામાં સક્ષમ

સુત્રોએ કહ્યું કે આ ડ્રૉન 'ભારત' બહુ લોકપ્રિયતા મેળવી રહ્યું છે, કેમકે તે ઝૂંડના સંચાલનથી કામ કરી શકે છે. એટલે કે કોઇપણ પાયલટ વિના તે પોતાના મિશનને અંજામ સુધી પહોંચાડી શકે છે.