બિહારમાં પૂરના કારણે જનજીવન અસ્ત-વ્યસ્ત, 15 જિલ્લાઓમાં એલર્ટ

ભારે વરસાદના કારણે પૂરની સ્થિતિનું નિર્માણ થતા 15 જિલ્લાઓમાં રેડ એલર્ટ જાહેર કરવામાં આવ્યું છે. નાલંદા મેડિકલ કોલેજના વોર્ડ અને આઈસીયૂમાં પણ પાણી ભરાયા છે.

પટના : બિહારમાં ભારે વરસાદના કારણે જીવન અસ્ત-વ્યસ્ત થયું છે. પટનામાં પૂરની સ્થિતિ થઈ ગઈ છે. પટના શહેરના મોટા ભાગના વિસ્તારો પાણીમાં ગરકાવ થયા છે. બિહારના મંત્રીઓના ઘરમાં પણ પાણી ભરાયા છે. ભારે વરસાદના કારણે પૂરની સ્થિતિનું નિર્માણ થતા 15 જિલ્લાઓમાં રેડ એલર્ટ જાહેર કરવામાં આવ્યું છે. નાલંદા મેડિકલ કોલેજના વોર્ડ અને આઈસીયૂમાં પણ પાણી ભરાયા છે. હવામાન વિભાગે આગામી બે દિવસ ભારે વરસાદની આગાહીના પગલે 15 જિલ્લાઓમાં રેડ એલર્ટ જાહેર કર્યું છે. ભારે વરસાદની શક્યતાને પગલે નીતીશ સરકારે પટના અને ભાગલપુર સહિત મોટાભાગના જિલ્લાઓમાં શાળાઓ બંધ કરી દિધી છે. ભારે વરસાદના કારણે રેલ વ્યવહાર પર અસર થઈ છે. ઘણી ટ્રેનો રદ્દ કરી દેવામાં આવી છે. જ્યારે અમુક ટ્રેનોના રૂટ બદલવામાં આવ્યા છે. બિહારમાં ભારે વરસાદને ધ્યાનમાં રાખીને હવામાન વિભાગે પટના, મુઝફ્ફરપુર, શિવહર, દરભંગા, ભાગલપુર સહિતના જિલ્લાઓમાં રેડ એલર્ટ જાહેર કર્યું છે.