વાહન ચાલકોને રાહત આપી શકે છે સરકાર, વારંવાર લાઇસન્સ રિન્યુ કરવાની ઝંઝટ થશે દૂર

Driving License:  હવે દેશભરના કરોડો ડ્રાઈવરો માટે એક મોટા અને ખુશીના સમાચાર સામે આવ્યા છે. વાસ્તવમાં કેન્દ્ર સરકાર ડ્રાઇવિંગ લાઈસન્સની વેલિડિટીનો સમયગાળો વધારવા પર વિચાર કરી રહી છે.

દેશભરના કરોડો ડ્રાઈવરો માટે એક મોટા અને ખુશીના સમાચાર સામે આવ્યા છે.

Source : ફોટોઃ ChatGPT

Show Quick Read

Key points generated by AI, verified by newsroom

• ડ્રાઇવિંગ લાઈસન્સની માન્યતા 50 વર્ષની ઉંમર સુધી વધારવાનો પ્રસ્તાવ.
• હાલ 20 વર્ષની માન્યતા, રિન્યુઅલ પ્રક્રિયા સરળ બનશે.
• વાહન ટ્રાન્સફર, પરમિટ સેવાઓ પણ સંપૂર્ણપણે ઓનલાઈન કરાશે.
• ટ્રાફિક નિયમોના ઉલ્લંઘન પર 'નેગેટિવ પોઈન્ટ્સ', લાઈસન્સ રદ થશે.

Driving License:  હવે દેશભરના કરોડો ડ્રાઈવરો માટે એક મોટા અને ખુશીના સમાચાર સામે આવ્યા છે. વાસ્તવમાં કેન્દ્ર સરકાર ડ્રાઇવિંગ લાઈસન્સની વેલિડિટીનો સમયગાળો વધારવા પર વિચાર કરી રહી છે. ટાઈમ્સ ઓફ ઈન્ડિયાના રિપોર્ટ અનુસાર, આવી સ્થિતિમાં જો સરકારના આ પ્રસ્તાવને મંજૂરી આપવામાં આવે છે, તો ડ્રાઇવિંગ લાઇસન્સ હવે 20 વર્ષની જગ્યાએ 50 વર્ષની વય સુધી માન્ય રહી શકશે. સરકારના આ નવા પ્રસ્તાવનો હેતુ લોકોને વારંવાર લાઇસન્સ રિન્યુઅલની પ્રક્રિયામાંથી રાહત આપવાનો અને પરિવહન સેવાઓને વધુ સરળ અને ડિજિટલ બનાવવાનો છે.

ડ્રાઇવિંગ લાઈસન્સ પર સરકારનો નવો પ્રસ્તાવ

માર્ગ પરિવહન અને રાજમાર્ગ મંત્રાલય (MoRTH) ના અધિકારીઓના જણાવ્યા અનુસાર, સરકાર ડ્રાઇવિંગ લાઈસન્સની વેલિડિટી વર્તમાન 20 વર્ષથી વધારીને 50 વર્ષ કરવાની દરખાસ્ત પર વિચાર કરી રહી છે. જો કે હજુ આખરી નિર્ણય લેવાયો નથી અને ચર્ચા પ્રારંભિક તબક્કામાં છે. નોંધનીય છે કે હાલના નિયમો હેઠળ ડ્રાઈવિંગ લાઈસન્સ 20 વર્ષ સુધી માન્ય રહે છે. આ પછી લાઇસન્સ ધારકોએ લાઈસન્સ રિન્યુ કરાવવું પડે છે અને ઘણા કિસ્સામાં મેડિકલ સર્ટિફિકેટ સહિત અન્ય દસ્તાવેજો જમા કરાવવા પડે છે.

જો સરકારની આ નવી દરખાસ્ત લાગુ કરવામાં આવશે તો કરોડો લોકોને પ્રાદેશિક પરિવહન કચેરી એટલે કે RTOમાં વારંવાર જવાની જરૂર નહીં પડે. સરકારનું માનવું છે કે આનાથી નાગરિકો માટે પ્રક્રિયા સરળ બનશે અને સમયની પણ બચત થશે.

વાહન ટ્રાન્સફર અને પરમિટ સેવાઓ ઓનલાઈન હશે

સરકાર માત્ર લાઈસન્સના નિયમોમાં ફેરફાર કરવા પુરતી સીમિત રહેવા માંગતી નથી. મંત્રાલય વાહન માલિકી ટ્રાન્સફર અને પરમિટ રિન્યુઅલ જેવી સેવાઓને સંપૂર્ણપણે ઓનલાઈન બનાવવાની દિશામાં પણ કામ કરી રહ્યું છે. આનાથી લોકોને કાગળની કામગીરી અને આરટીઓ ઓફિસોમાં લાંબી કતારોમાંથી રાહત મળી શકે છે. સૂચિત સિસ્ટમમાં લાઈસન્સ, પરમિટ અને અન્ય સેવાઓ સંબંધિત ફી ડિજિટલ માધ્યમથી જમા કરવામાં આવશે.

ડ્રાઇવિંગ લાઈસન્સની સાથે સરકાર રોડ સેફ્ટીને મજબૂત કરવા માટે નવી સિસ્ટમ પર પણ વિચાર કરી રહી છે. આ યોજના હેઠળ ટ્રાફિક નિયમોનું ઉલ્લંઘન કરનારા ડ્રાઇવરોને "નેગેટિવ પોઈન્ટ્સ" આપી શકાય છે. જો ડ્રાઇવર વિરુદ્ધ વારંવાર ઉલ્લંઘન નોંધવામાં આવે છે તો તેનું ડ્રાઇવિંગ લાઇસન્સ સસ્પેન્ડ અથવા રદ પણ થઈ શકે છે.           

આ પણ વાંચો

Credit Card: ક્રેડિટ કાર્ડ ચોરી થઈ જાય તો શું કરશો? પ્રથમ કલાકમાં કરો આ પાંચ કામ નહીં તો બનશો ફ્રોડનો શિકાર

ITR News: મોત પછી પણ સમાપ્ત નથી થતો ટેક્સ, જાણો કેવી રીતે ભરી શકાય મૃત વ્યક્તિનું આઈટીઆર