Weather Update Today: દેશના આ 4 રાજ્યોમાં આજે થશે ભારે વરસાદ, હવામાન વિભાગે આપ્યું એલર્ટ
આજે દક્ષિણ ગુજરાત સહિત દિલ્હી-NCRમાં આજે (30 જુલાઈ) હળવો વરસાદ થવાની સંભાવના છે. જો કે આગામી સપ્તાહમાં ભારે વરસાદની કોઈ શક્યતા નથી.
Weather Update Today: દેશના વિવિધ ભાગોમાં ચોમાસાનો વરસાદ ચાલુ છે. વરસાદ બાદ પાણી ભરાવાના કારણે લોકોને અનેક સમસ્યાઓનો સામનો કરવો પડી રહ્યો છે. હવામાન વિભાગે રવિવારે (30 જુલાઈ) યુપી, બિહાર, ઝારખંડ, ઓડિશા, ગોવામાં ભારે વરસાદ માટે એલર્ટ જાહેર કર્યું છે. આ ઉપરાંત દક્ષિણ ગુજરાતમાં આજે વરસાદનો અનુમાન છે. પૂર્વ ભારતમાં પણ મધ્યમ વરસાદની શક્યતા છે. દિલ્હી, જમ્મુ કાશ્મીર, હિમાચલ પ્રદેશ અને ઉત્તરાખંડમાં પણ વરસાદનું એલર્ટ જારી કરવામાં આવ્યું છે. આ સાથે દક્ષિણ ભારતના દરિયાકાંઠાના રાજ્યોમાં હળવા વરસાદની શક્યતા છે.
દિલ્હી-NCRમાં આજે (30 જુલાઈ) હળવો વરસાદ થવાની સંભાવના છે. જો કે આગામી સપ્તાહમાં ભારે વરસાદની કોઈ શક્યતા નથી.
આજે ક્યાં ક્યાં વરસાદ પડશે
હવામાન વિભાગના જણાવ્યા અનુસાર, રવિવારે (30 જુલાઈ) અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, ઓડિશા, ઝારખંડ, બિહાર, પૂર્વ ઉત્તર પ્રદેશ, પૂર્વ મધ્ય પ્રદેશ, કોંકણ, ગોવા, મધ્યમાં છૂટોછવાયો વરસાદ થશે. મહારાષ્ટ્ર અને છત્તીસગઢના અલગ-અલગ સ્થળોએ ભારે વરસાદ પડી શકે છે. આ સિવાય આંદામાન અને નિકોબાર ટાપુઓ, નાગાલેન્ડ, મણિપુર, મિઝોરમ, ત્રિપુરા, પશ્ચિમ બંગાળ, ઓડિશા, ઝારખંડ, બિહાર, પૂર્વ ઉત્તર પ્રદેશ, કોંકણ, ગોવા અને કોસ્ટલ કર્ણાટકમાં તોફાની વરસાદની સંભાવના છે. IMD એ દેશના બાકીના ભાગોમાં છૂટાછવાયા વરસાદની આગાહી કરી છે.
દિલ્હી-એનસીઆરમાં શનિવારે વરસાદ બાદ વાતાવરણ ખુશનુમા બની ગયું હતું. હવામાન વિભાગના જણાવ્યા અનુસાર રાજધાની દિલ્હીમાં રવિવારે પણ હળવો વરસાદ થવાની સંભાવના છે. સાથે જ આગામી સપ્તાહમાં ભારે વરસાદની કોઈ શક્યતા નથી અને તાપમાનમાં પણ વધારો થશે. રાજસ્થાનના સીકરમાં છેલ્લા બે દિવસથી સતત વરસાદ પડી રહ્યો છે, જેના કારણે અનેક વિસ્તારોમાં પાણી ભરાઈ ગયા છે. શહેરના નીચાણવાળા વિસ્તારો પાણી ભરાતા લોકો મુશ્કેલીનો સામનો કરી રહ્યાં છે. લોકોને ઘરોમાં કેદ થવાની ફરજ પડી છે. રાજસ્થાનના બિસલપુર ડેમમાં પાણીમાં 7 સેમીનો વધારો થયો છે. બિસલપુર ડેમમાંથી ટોંક, જયપુર, અજમેર સહિત અનેક જિલ્લાઓમાં પાણી મળે છે.ડેમમાં પાણીની આવકથી લોકોમાં ખુશીની લહેર છે.
ઉત્તરાખંડમાં વરસાદ બાદ મુશ્કેલી વધી છે
ભારે વરસાદને કારણે જોશીમઠમાં બદ્રીનાથ નેશનલ હાઈવે પર પહાડો પરથી કાટમાળ આવી ગયો છે. કાટમાળના કારણે બદ્રીનાથ નેશનલ હાઈવે બંધ કરી દેવામાં આવ્યો છે. કાટમાળના કારણે હાઈવેની બંને બાજુ લાંબો જામ થઈ ગયો છે. ચમોલીના કર્ણપ્રયાગમાં નાળું પાર કરતી વખતે એક ગ્રામીણ ઘાયલ થયો હતો. ભારે વરસાદના કારણે રોડને પણ નુકસાન થયું હતું. ચંપાવતમાં લોકો પોતાનો જીવ જોખમમાં નાખીને નદી પાર કરી રહ્યા છે. આ સિવાય જમ્મુ-કાશ્મીરના ગાંદરબલમાં વાદળ ફાટવાને કારણે તબાહી મચી ગઈ છે. અનેક ઘરોની સાથે શાળા અને મસ્જિદમાં પણ પાણી પહોંચી ગયું છે. રવિવારે તમિલનાડુ, પુડુચેરી અને કરાઈકલમાં વિવિધ સ્થળોએ મહત્તમ તાપમાન 40 ડિગ્રી સેલ્સિયસને પાર થઇ શકે છે.
ટ્રેન્ડિંગ સમાચાર
ટોપ સ્ટોરી
