હિમાચલ-ઉત્તરાખંડમાં ભારે બરફવર્ષાથી જનજીવન પ્રભાવિત, જુઓ તસવીરો

હિમાચલ પ્રદેશ, ઉત્તરાખંડ અને કાશ્મીરમાં ભારે બરફવર્ષા થઈ રહી છે. એક તરફ જ્યાં ભારે બરફવર્ષાના કારણે જનજીવન પ્રભાવિત થયું છે, બીજી તરફ પર્યટકો બરફવર્ષાનો આનંદ માણી રહ્યા છે.

શિમલા: હિમાચલ પ્રદેશ, ઉત્તરાખંડ અને કાશ્મીરમાં ભારે બરફવર્ષા થઈ રહી છે. એક તરફ જ્યાં ભારે બરફવર્ષાના કારણે જનજીવન પ્રભાવિત થયું છે, બીજી તરફ પર્યટકો બરફવર્ષાનો આનંદ માણી રહ્યા છે. ભારે બરફવર્ષાના કારણે તસવીરોમાં જોઈ શકાય છે કે રસ્તાઓ અને ગાડીઓ પર બરફની ચાદર છવાઈ ગઈ છે. ભારે બરફવર્ષાના કારણે ટ્રાફિકજામના દ્રશ્યો સર્જાયા હતા. શિમલા, કુલ્લુ મનાલી જેવા પર્યટન સ્થળો પર ઘણા રસ્તાઓ પર ભારે ટ્રાફિકજામ જોવા મળ્યો હતો. હિમાચલ પ્રદેશની રાજધાની શિમલામા બુધવારે ભારે બરફવર્ષા થઈ હતી. શિમલા અને તેની આસાપાસના વિસ્તારોમાં આખી રાત ભારે બરફવર્ષા થઈ હતી. શિમલામાં શૂન્યથ 0.5 ડિગ્રી સેલ્સિયસ નીચે તાપમાન નોંધાયું છે, જ્યારે 20 સેન્ટીમીટરથી વધારે બરફવર્ષા થઈ હતી. જ્યારે કુફરી અને મશોબરામાં 40 સેન્ટીમીટર કરતા વધારે બરફવર્ષા થઈ હતી. મનાલીમાં તાપમાન શૂન્યથી 2.2 ડિગ્રી સેલ્સિયલ નીચે નોંધાયું હતુ, જ્યારે 22 સેન્ટિમીટર બરફવર્ષા થઈ હતી. હવામાન વિભાગે ગુરૂવારે સુધી રાજ્યમાં ભારે બરફવર્ષા અને વરસાદ પડવાની શક્યતા વ્યક્ત કરી છે.