શોધખોળ કરો

આવતીકાલનું હવામાન: 9 રાજ્યોમાં ભારે વરસાદ તૂટી પડશે, ગુજરાતમાં પણ હવામાન વિભાગની છે આગાહી

IMD દ્વારા ચોમાસાના અંતિમ તબક્કામાં દિલ્હી, યુપી અને બિહાર સહિતના રાજ્યો માટે એલર્ટ જારી.

Show Quick Read
Key points generated by AI, verified by newsroom
  • 19 ઓક્ટોબરે 9 રાજ્યોમાં ભારે વરસાદ, વાવાઝોડાની આગાહી.
  • ગુજરાતમાં હળવો વરસાદ, પહાડી વિસ્તારોમાં હિમવર્ષા સંભવ.
  • બંગાળની ખાડીમાં લો-પ્રેશરથી હવામાનમાં મોટો પલટો.
  • માછીમારોને દરિયો ન ખેડવા હવામાન વિભાગની સૂચના.

IMD rain alert 19 October: ચોમાસાની વિદાયની ઘડીઓ ગણાઈ રહી છે, ત્યારે હવામાન વિભાગે (IMD) ફરી એકવાર નવી ચેતવણી આપીને સૌને ચોંકાવી દીધા છે. 19 ઓક્ટોબરના રોજ દેશના ઘણા ભાગોમાં હવામાન અચાનક પલટો મારે તેવી પૂરી શક્યતા છે.

હવામાન વિભાગની નવી આગાહી પ્રમાણે, આવતીકાલે દિલ્હી, ઉત્તર પ્રદેશ અને બિહાર સહિત દેશના 9 રાજ્યોમાં ભારે વરસાદ ખાબકી શકે છે. આ સમયગાળા દરમિયાન આ વિસ્તારોમાં વાવાઝોડાની પણ પ્રબળ આશંકા છે.

આ વિસ્તારોમાં પવનની ગતિ કલાકના 80 કિલોમીટર સુધી પહોંચી શકે છે, જે સામાન્ય જનજીવનને અસર કરી શકે છે. ખાસ કરીને પશ્ચિમ બંગાળ, ઓડિશા અને છત્તીસગઢના વિસ્તારોમાં ભારે પવન ફૂંકાવાની શક્યતા છે.

ગુજરાતમાં ખેલૈયાઓ માટે માઠા સમાચાર, બે દિવસ હળવા વરસાદની શક્યતા

રાજ્યમાં નવરાત્રિના ઉત્સાહ વચ્ચે હવામાન વિભાગ દ્વારા ખેલૈયાઓની ચિંતા વધારતા સમાચાર સામે આવ્યા છે. સાયક્લોનિક સર્ક્યુલેશન સક્રિય થવાને પગલે આજથી આગામી બે દિવસ રાજ્યમાં છૂટાછવાયા વિસ્તારોમાં હળવા વરસાદી માહોલનું અનુમાન વ્યક્ત કરવામાં આવ્યું છે. ખાસ કરીને દક્ષિણ ગુજરાત અને દક્ષિણ સૌરાષ્ટ્રના ભાગોમાં હળવા ઝાપટાં પડી શકે છે.   આગાહી અનુસાર, આજે રાજકોટ, જૂનાગઢ, દાહોદ, છોટાઉદેપુર અને નર્મદા જિલ્લામાં હળવો વરસાદ વરસી શકે છે. જ્યારે આવતીકાલે ભાવનગર, અમરેલી, નવસારી, વલસાડ, તાપી તેમજ દાદરા અને નગર હવેલીમાં હળવો વરસાદ થવાની શક્યતા છે. આ ઉપરાંત અમદાવાદમાં આજે દિવસ દરમિયાન વાદળછાયું વાતાવરણ રહેવાની શક્યતા છે. બીજી તરફ, રાજ્યમાં હાલ તાપમાન સામાન્ય કરતાં ઊંચું રહેતાં ગરમી અને બફારાનો અનુભવ પણ યથાવત્ રહેશે.   

પહાડી વિસ્તારોમાં હિમવર્ષા અને કરાની આશંકા

હાલ ભલે દિલ્હીમાં વરસાદની ખાસ કોઈ આગાહી ન હોય, પરંતુ પર્વતીય રાજ્યોમાં હવામાન ઝડપથી બગડી શકે છે. પહાડી રાજ્યોના ઊંચાઈવાળા વિસ્તારોમાં ભારે વરસાદની સાથે કરા પડવાની પણ ચેતવણી અપાઈ છે.

બે રાજ્યોમાં હિમવર્ષા થવાની શક્યતા છે, જેને કારણે ત્યાંના સ્થાનિક રહેવાસીઓની મુશ્કેલીમાં વધારો થઈ શકે છે. પૂર્વી ભારતના અમુક જિલ્લાઓમાં વીજળીના કડાકા-ભડાકા સાથે વરસાદ વરસી શકે છે.

સમુદ્રકાંઠે રહેતા માછીમારો માટે પણ ખાસ સૂચના જારી કરાઈ છે. તેમને આગામી સમયમાં સલામત સ્થળે ખસી જવા અને હાલ પૂરતો દરિયો ન ખેડવા માટેની સલાહ આપવામાં આવી છે.

બંગાળની ખાડીમાં નવું લો-પ્રેશર સક્રિય

હવામાનના આ અચાનક પલટા પાછળ બંગાળની ખાડીમાં સર્જાઈ રહેલું હળવા દબાણનું ક્ષેત્ર (લો-પ્રેશર) મુખ્ય કારણ છે. આ સિસ્ટમને કારણે આસપાસના મોટાભાગના વિસ્તારોમાં વરસાદનું જોર વધવાની શક્યતા છે.

આ ઉપરાંત, ઉત્તર તમિલનાડુ અને તેને અડીને આવેલા દક્ષિણ આંધ્રપ્રદેશના કાંઠા વિસ્તારોમાં પણ સાયક્લોનિક સર્ક્યુલેશન સર્જાયું છે. બીજી તરફ, દક્ષિણ-પૂર્વ રાજસ્થાન અને દક્ષિણ મધ્યપ્રદેશ પર પણ સમાન સિસ્ટમ એક્ટિવ થઈ છે.

આ સિસ્ટમની અસરને પગલે 19 ઓક્ટોબરે કયા રાજ્યમાં કેવું હવામાન રહેશે તેની વિગતવાર માહિતી હવામાન વિભાગે જાહેર કરી છે. ચાલો જાણીએ દરેક રાજ્યનો વિસ્તૃત અહેવાલ.

કયા 9 રાજ્યોમાં છે વરસાદની મોટી ચેતવણી?

IMD ના લેટેસ્ટ અપડેટ મુજબ 19 ઓક્ટોબરે મુખ્યત્વે 9 રાજ્યોમાં વરસાદ અને વાવાઝોડાનું એલર્ટ છે. આ રાજ્યોમાં દિલ્હી, ઉત્તર પ્રદેશ, બિહાર, પશ્ચિમ બંગાળ અને ઝારખંડનો સમાવેશ થાય છે.

સાથે જ ઓડિશા, કર્ણાટક, આંધ્રપ્રદેશ અને તમિલનાડુમાં પણ ભારે પવન સાથે મેઘરાજા મહેર કરી શકે છે. આ વિસ્તારોમાં પવનની ઝડપ 80 કિલોમીટર પ્રતિ કલાક સુધી રહી શકે છે.

આ સિવાય, હિમાચલ પ્રદેશ, ઉત્તરાખંડ, છત્તીસગઢ અને રાજસ્થાનના ઊંચાઈવાળા ભાગોમાં પણ હળવોથી મધ્યમ વરસાદ વરસી શકે તેવી આગાહી કરવામાં આવી છે.

દિલ્હી, યુપી અને બિહારની વિસ્તૃત આગાહી

દિલ્હીમાં 19 ઓક્ટોબરે હળવો વરસાદ પડી શકે છે અને 20 થી 30 કિલોમીટરની ઝડપે પવન ફૂંકાશે. તાપમાનની વાત કરીએ તો દિલ્હીમાં મહત્તમ તાપમાન 32 ડિગ્રી અને લઘુત્તમ 18 ડિગ્રી રહેવાની ધારણા છે.

યુપીમાં મેરઠ, આગ્રા, ગાઝિયાબાદ, મથુરા, પ્રયાગરાજ, કાનપુર અને ઝાંસી સહિતના વિસ્તારોમાં મધ્યમથી ભારે વરસાદની ચેતવણી છે. અહીં પવનની ગતિ 30 થી 40 કિમી રહી શકે છે અને લખનૌમાં તાપમાન 32 થી 18 ડિગ્રી વચ્ચે નોંધાશે.

બિહારમાં પટના, ગયા, ભોજપુર, મુઝફ્ફરપુર, ભાગલપુર અને પૂર્ણિયા સહિતના જિલ્લાઓમાં 30 થી 40 કિમીની ઝડપે પવન ફૂંકાશે. પટનાનું મહત્તમ તાપમાન 32 ડિગ્રી અને લઘુત્તમ 20 ડિગ્રી સેલ્સિયસ રહેવાનો અંદાજ છે.

ઝારખંડ, ઉત્તરાખંડ અને હિમાચલનો અહેવાલ

ઝારખંડના રાંચી, ધનબાદ, હજારીબાગ અને જમશેદપુર જેવા વિસ્તારોમાં 30 થી 35 કિમીની ઝડપે પવન ફૂંકાશે અને ભારે વરસાદ પડશે. રાંચીમાં તાપમાન 29 થી 17 ડિગ્રી વચ્ચે રહી શકે છે.

ઉત્તરાખંડના દેહરાદૂન, નૈનિતાલ, ચમોલી અને અલ્મોરામાં 40 કિમીની ઝડપે વાવાઝોડું આવી શકે છે. દેહરાદૂનમાં મહત્તમ 27 ડિગ્રી અને લઘુત્તમ 15 ડિગ્રી તાપમાન નોંધાશે.

હિમાચલ પ્રદેશના સોલન, બિલાસપુર, મંડી અને લાહૌલ-સ્પિતિમાં મધ્યમ વરસાદનું એલર્ટ છે. મનાલીમાં કડકડતી ઠંડીનો અહેસાસ થશે, જ્યાં લઘુત્તમ તાપમાન માઈનસ 3 ડિગ્રી સુધી ગગડી શકે છે.

જમ્મુ કાશ્મીર, બંગાળ અને અન્ય રાજ્યોની સ્થિતિ

જમ્મુ કાશ્મીરના ગુલમર્ગ, શ્રીનગર, સાંબા અને અનંતનાગમાં 20 થી 30 કિમીની ઝડપે પવન ફૂંકાશે અને ભારે વરસાદ પડશે. શ્રીનગરમાં તાપમાન 21 ડિગ્રીથી 7 ડિગ્રી વચ્ચે રહેવાની શક્યતા છે.

પશ્ચિમ બંગાળના કોલકાતા, દાર્જિલિંગ, હાવડા અને નાદિયામાં 30 થી 40 કિમીની ઝડપે ભારે પવન સાથે મુશળધાર વરસાદની ચેતવણી છે. કોલકાતામાં તાપમાન 33 ડિગ્રીથી 23 ડિગ્રીની આસપાસ રહેશે.

આ ઉપરાંત પંજાબમાં ચંદીગઢ, જલંધર અને લુધિયાણામાં હળવો વરસાદ પડી શકે છે. રાજસ્થાનના જયપુર, અજમેર અને ઉદયપુરમાં હળવા વરસાદ સાથે 20 થી 30 કિમીની ઝડપે પવન ફૂંકાઈ શકે છે. જ્યારે મધ્યપ્રદેશના ભોપાલ અને ઇન્દોરમાં પણ 30 કિમીની ઝડપે પવન ફૂંકાવા સાથે મધ્યમ વરસાદની સંભાવના વ્યક્ત કરાઈ છે.

Frequently Asked Questions

19 ઓક્ટોબરના રોજ હવામાન વિભાગે કયા પ્રકારની ચેતવણી આપી છે?

હવામાન વિભાગે 19 ઓક્ટોબરના રોજ દેશના ઘણા ભાગોમાં હવામાનનો અચાનક પલટો અને ભારે વરસાદની આગાહી કરી છે. આ સમયગાળા દરમિયાન વાવાઝોડાની પણ શક્યતા છે.

ગુજરાતમાં આગામી બે દિવસ માટે હવામાનની શું આગાહી છે?

સાયક્લોનિક સર્ક્યુલેશનને કારણે આગામી બે દિવસ દક્ષિણ ગુજરાત અને દક્ષિણ સૌરાષ્ટ્રમાં હળવા વરસાદની શક્યતા છે. અમદાવાદમાં વાદળછાયું વાતાવરણ રહેશે.

હવામાનમાં આ અચાનક પલટાનું મુખ્ય કારણ શું છે?

બંગાળની ખાડીમાં સર્જાઈ રહેલું હળવા દબાણનું ક્ષેત્ર અને વિવિધ વિસ્તારોમાં સક્રિય થયેલા સાયક્લોનિક સર્ક્યુલેશન આ પલટાનું મુખ્ય કારણ છે.

કયા 9 રાજ્યોમાં 19 ઓક્ટોબરે ભારે વરસાદની ચેતવણી આપવામાં આવી છે?

દિલ્હી, ઉત્તર પ્રદેશ, બિહાર, પશ્ચિમ બંગાળ, ઝારખંડ, ઓડિશા, કર્ણાટક, આંધ્રપ્રદેશ અને તમિલનાડુમાં ભારે વરસાદ અને વાવાઝોડાનું એલર્ટ છે.

Advertisement

ટોપ સ્ટોરી

વાવાઝોડું અકવાનના કારણે 10 રાજ્યોમાં એલર્ટ, 23 ટ્રેનનો બદલાયો સમય, 110KMની ઝડપે ફૂંકાશે પવન
વાવાઝોડું અકવાનના કારણે 10 રાજ્યોમાં એલર્ટ, 23 ટ્રેનનો બદલાયો સમય, 110KMની ઝડપે ફૂંકાશે પવન
રાહુલના આર્થિક સંકટના નિવેદન પર PM મોદીનો જવાબ, FICCIના મંચ પરથી કહ્યું- ભારત પ્રગતિના સાચા માર્ગે
રાહુલના આર્થિક સંકટના નિવેદન પર PM મોદીનો જવાબ, FICCIના મંચ પરથી કહ્યું- ભારત પ્રગતિના સાચા માર્ગે
Demolition Update: દાઉદ ઈબ્રાહિમના પૈતૃક ઘર પર ફરી વળ્યું બુલડોઝર, 250 પોલીસ તૈનાત
Demolition Update: દાઉદ ઈબ્રાહિમના પૈતૃક ઘર પર ફરી વળ્યું બુલડોઝર, 250 પોલીસ તૈનાત
PM મોદીને મળ્યા પ્રિન્સ વિલિયમ અને પ્રિન્સેસ કેટ, જાણો કયા મુદ્દાઓ પર થઈ ચર્ચા?
PM મોદીને મળ્યા પ્રિન્સ વિલિયમ અને પ્રિન્સેસ કેટ, જાણો કયા મુદ્દાઓ પર થઈ ચર્ચા?
Advertisement

વિડિઓઝ

કચ્છ રણોત્સવમાં સફેદ રણ ખીલી ઉઠ્યુ, પ્રવાસી માટે કરાઇ આ વિશેષ વ્યવસ્થા
કોળી સમાજને રાજકીય ક્ષેત્રે પ્રાથમિકતા મળવી જોઈએ: ઋષિ ભારતી બાપુ
જમ્મુ-કાશ્મીરના કુલગામમાં આતંકવાદીઓ અને સુરક્ષા દળો વચ્ચે અથડામણ
તમારે માફી માંગવી હોય તો સમાજની માંગો, જેને 14 દીકરા ગુમાવ્યાં :લલિત કગથરા
સ્નેહમિલનમાં માત્ર દિનેશભાઇએ રંજ વ્યક્ત કર્યો હતો: અલ્પેશ કથીરિયા
Advertisement
Advertisement

ફોટો ગેલેરી

પર્સનલ કોર્નર

ટોપ આર્ટિકલ્સ
ટોપ રીલ્સ
EPFO New Rules: કર્મચારીઓ માટે મોટી રાહત, હવે 55 વર્ષ અગાઉ ઉપાડી શકાશે પીએફના 90 ટકા પૈસા
EPFO New Rules: કર્મચારીઓ માટે મોટી રાહત, હવે 55 વર્ષ અગાઉ ઉપાડી શકાશે પીએફના 90 ટકા પૈસા
વાવાઝોડું અકવાનના કારણે 10 રાજ્યોમાં એલર્ટ, 23 ટ્રેનનો બદલાયો સમય, 110KMની ઝડપે ફૂંકાશે પવન
વાવાઝોડું અકવાનના કારણે 10 રાજ્યોમાં એલર્ટ, 23 ટ્રેનનો બદલાયો સમય, 110KMની ઝડપે ફૂંકાશે પવન
રાહુલના આર્થિક સંકટના નિવેદન પર PM મોદીનો જવાબ, FICCIના મંચ પરથી કહ્યું- ભારત પ્રગતિના સાચા માર્ગે
રાહુલના આર્થિક સંકટના નિવેદન પર PM મોદીનો જવાબ, FICCIના મંચ પરથી કહ્યું- ભારત પ્રગતિના સાચા માર્ગે
Hindu Population: 2070માં ઘટશે હિંદુઓની વસ્તી? મુસ્લિમો હશે સૌથી વધુ, જાણો કેટલું હશે અંતર?
Hindu Population: 2070માં ઘટશે હિંદુઓની વસ્તી? મુસ્લિમો હશે સૌથી વધુ, જાણો કેટલું હશે અંતર?
8th Pay Commission: આઠમું પગારપંચ લાગુ થાય તે પહેલા નિવૃત થઈ જાવ તો? જાણો એરિયર-પેન્શનનો નિયમ
8th Pay Commission: આઠમું પગારપંચ લાગુ થાય તે પહેલા નિવૃત થઈ જાવ તો? જાણો એરિયર-પેન્શનનો નિયમ
Cyclone Akvan: ભારત તરફ આગળ વધી રહ્યું છે ચક્રવાત અકવાન, અનેક રાજ્યોને હવામાન વિભાગની ચેતવણી
Cyclone Akvan: ભારત તરફ આગળ વધી રહ્યું છે ચક્રવાત અકવાન, અનેક રાજ્યોને હવામાન વિભાગની ચેતવણી
Rule Change: NPSના નિયમોમાં મોટો ફેરફાર! હવે આ લોકો સરળતાથી ખોલાવી શકશે એકાઉન્ટ
Rule Change: NPSના નિયમોમાં મોટો ફેરફાર! હવે આ લોકો સરળતાથી ખોલાવી શકશે એકાઉન્ટ
 'તમે હિંદુ નથી, આદિવાસી છો' , શંકરસિંહ વાઘેલાના નિવેદનથી ખળભળાટ
 'તમે હિંદુ નથી, આદિવાસી છો' , શંકરસિંહ વાઘેલાના નિવેદનથી ખળભળાટ
Embed widget