રાતના અંધારામાં બાલાકોટમાં ઘૂસી હતી વાયુસેના, ને પછી આમ ધડાધડ ઉડાડ્યા'તા જૈશના આતંકી અડ્ડાઓ, જુઓ એરસ્ટ્રાઇક

ઉલ્લેખનીય છે કે, ફેબ્રુઆરીમાં થયેલી એરસ્ટ્રાઇકના 7 મહિના બાદ બાલાકોટ એરસ્ટ્રાઇકનો વીડિયો સામે આવ્યો છે

નવી દિલ્હીઃ ભારતીય વાયુસેનાએ બાલાકોટમાં કરેલી એરસ્ટ્રાઇકનો વીડિયો રિલીઝ કરી દીધો છે. વીડિયોમાં દેખાઇ રહ્યું છે કે એરફોર્સે આતંકી કેમ્પોને એક પછી એક ધડાધડ નષ્ટ કરી રહ્યું છે. આ એરસ્ટ્રાઇક પુલવામામાં થયેલા આતંકી હુમલા બાદ પાકિસ્તાનમાં ઘૂસીને કરવામાં આવી હતી. આમાં મિરાજ વિમાનોએ એરસ્ટ્રાઇકને અંજામ આપ્યો હતો. આ વીડિયો ન્યૂઝ એજન્સી એએનઆઇ દ્વારા રિલીઝ કરવામાં આવ્યો છે. વીડિયોમાં દેખાઇ રહ્યું છે તે પ્રમાણે, વાયુસેના પાકિસ્તાનના બાલાકોટમાં રાતના અંધારામા ઘૂસી અને પછી આતંકી કેમ્પોને નષ્ટ કરી રહી છે. મિરાજ વિમાનો દ્વારા આતંકી કેમ્પો પર બૉમ્બમારો કરાઇ રહ્યો છે. નોંધનીય છે કે, આ વર્ષે 14 ફેબ્રુઆરીએ પુલવામામાં આતંકીઓએ સીઆરપીએફની ટુકડી પર હુમલો કર્યો હતો. બાદમાં 26 ફેબ્રુઆરીએ વાયુસેના બદલો લેવા માટે બાલાકોટમાં ઘૂસી અને જૈશ-એ-મોહમ્મદના આતંકી અડ્ડાઓને તબાહ કરી દીધા હતા.

#WATCH Indian Air Force showcases the story of the Balakot aerial strikes in a promotional video at the annual Air Force Day press conference by Air Force Chief Air Chief Marshal Rakesh Kumar Singh Bhadauria. pic.twitter.com/GBRWwWe6sJ

— ANI (@ANI) October 4, 2019

ઉલ્લેખનીય છે કે, ફેબ્રુઆરીમાં થયેલી એરસ્ટ્રાઇકના 7 મહિના બાદ બાલાકોટ એરસ્ટ્રાઇકનો વીડિયો સામે આવ્યો છે.