Jammu Kashmir: પૂંછમાં ભારતીય સેનાનું વાહન ઊંડી ખીણમાં ખાબક્યું, 5 જવાનોના મોત
જમ્મુ અને કાશ્મીરના પુંછ જિલ્લાના બાલનોઈ સેક્ટરમાં મંગળવારે (24 ડિસેમ્બર, 2024) એક મોટો માર્ગ અકસ્માત થયો હતો. આ અકસ્માતમાં સેનાનું એક વાહન 300 ફૂટ ઊંડી ખાઈમાં પડી ગયું હતું.
Jammu Kashmir News: જમ્મુ અને કાશ્મીરના પુંછ જિલ્લાના બાલનોઈ સેક્ટરમાં મંગળવારે (24 ડિસેમ્બર, 2024) એક મોટો માર્ગ અકસ્માત થયો હતો. આ અકસ્માતમાં સેનાનું એક વાહન 300 ફૂટ ઊંડી ખાઈમાં પડી ગયું હતું. વ્હાઇટ નાઈટ કોર્પ્સ દ્વારા X પર પોસ્ટ કરવામાં આવેલી માહિતી આપતાં કહેવામાં આવ્યું છે કે પૂંછ સેક્ટરમાં ઓપરેશનલ ડ્યુટી દરમિયાન સેનાનું એક વાહન અકસ્માતનો ભોગ બન્યું હતું. આ દુર્ઘટનામાં પાંચ જવાનોના મોત થયા છે. વ્હાઇટ નાઈટ કોર્પ્સે સૈનિકોના નિધન પર શોક વ્યક્ત કર્યો છે. ઘટનાસ્થળે બચાવ કામગીરી ચાલી રહી છે અને ઘાયલ જવાનોની સારવાર કરવામાં આવી રહી છે.
All ranks of #WhiteKnightCorps extend their deepest condolences on the tragic loss of five brave soldiers in a vehicle accident during operational duty in the #Poonch sector.
— White Knight Corps (@Whiteknight_IA) December 24, 2024
Rescue operations are ongoing, and the injured personnel are receiving medical care.@adgpi…
ગયા મહિને આવી જ એક દુર્ઘટનામાં જમ્મુ-કાશ્મીરના રાજૌરી જિલ્લામાં સેનાના એક જવાન શહીદ થયા હતા અને અન્ય એક ઘાયલ થયા હતા. આ અકસ્માત 4 નવેમ્બરે કાલાકોટના બડોગ ગામ પાસે થયો હતો, જેમાં નાઈક બદરી લાલ અને કોન્સ્ટેબલ જય પ્રકાશ ગંભીર રીતે ઘાયલ થયા હતા અને તેમને તાત્કાલિક નજીકની હોસ્પિટલમાં લઈ જવામાં આવ્યા હતા.
જણાવવામાં આવી રહ્યું છે કે આ વાહનમાં 18 સૈનિકો હતા, જેમાંથી 5ના મોત થયા છે અને બાકીનાની સારવાર ચાલી રહી છે. નીલમ હેડક્વાર્ટરથી બાલનોઈ ઘોરા પોસ્ટ તરફ જઈ રહેલા 11 MLIનું લશ્કરી વાહન ગોરા પોસ્ટ પર પહોંચતા જ અકસ્માતનો ભોગ બન્યું હતું. વાહન લગભગ 300-350 ફૂટ ઊંડી ખાઈમાં પડી ગયું હતું. માહિતી મળતાની સાથે જ 11 MLI ની ક્વિક રિસ્પોન્સ ટીમ (QRT) ઘટનાસ્થળે પહોંચી અને બચાવ કાર્ય શરૂ કર્યું.
આ ઘટનામાં 5 જવાનોના મોત થયા છે અને 12 જવાનો ગંભીર રીતે ઘાયલ થયા છે. આ અકસ્માતમાં એક જવાન સુરક્ષિત છે. પ્રાપ્ત માહિતી અનુસાર, વાહનમાં કુલ 18 સૈનિકો સવાર હતા.
શું બની હતી ઘટના ?
પૂંછ જિલ્લાના મેંઢર સબ-ડિવિઝનના માનકોટ સેક્ટરના બાલનોઈ વિસ્તારમાં ભારતીય સેનાનું એક વાહન 300 ફૂટ ઊંડી ખીણમાં પડી જતાં મોટો અકસ્માત થયો હતો. સૂત્રોના જણાવ્યા અનુસાર, સૈન્યના જવાનો એક વાહનમાં તેમની ચોકી તરફ જઈ રહ્યા હતા ત્યારે રસ્તામાં ડ્રાઈવરે વાહન પરનો કાબૂ ગુમાવ્યો અને આ અકસ્માત થયો. પોલીસ સૂત્રોએ જણાવ્યું છે કે વાહનમાં કુલ 18 સૈનિકો હતા.
કેટલાક ઘાયલોની હાલત અત્યંત ગંભીર હોવાનું કહેવાય છે અને તેમને સારવાર માટે હોસ્પિટલમાં દાખલ કરવામાં આવ્યા છે. હાલ બચાવ કામગીરી ચાલી રહી છે અને રાહત અને બચાવ ટીમ ઘટનાસ્થળે પહોંચી ઘાયલોને બચાવવાનો પ્રયાસ કરવામાં આવી રહ્યો છે. આ ઘટના LoC નજીક બની હતી જે પોલીસ ચોકી માનકોટ અને પોલીસ સ્ટેશન મેંઢર હેઠળ આવે છે.
ટ્રેન્ડિંગ સમાચાર
ટોપ સ્ટોરી
