LAC પર તણાવ વચ્ચે ચીન પર નજર રાખશે અમેરિકાથી આવેલા ડ્રોન, નૌસેનામાં કરાયા સામેલ

સરકારી સૂત્રોથી હવાલાથી એએનઆઈએ જણાવ્યું કે ડ્રોન નવેમ્બરના બીજી સપ્તાહમાં ભારત આવ્યા છે અને તેને 21 નવેમ્બરે ભારતીય નૌસેનાના આઈએનએસ રજાલી બેસ પર ફ્લાઈંગ ઓપરેશનમાં સામેલ કરવામાં આવ્યા છે.

નવી દિલ્હી: સરહદ પર ચીન સાથે ચાલી રહેલા તણાવ વચ્ચે અમેરિકા અને ભારતમાં વધતા નજીકના સંબંધોનો એક સંકેત છે કે અમેરિકી કંપની પાસેથી લીઝ પર લેવામાં આવેલા બે પ્રીડેટર ડ્રોનને ભારતીય નૌસેનામાં સામેલ કરવામાં આવ્યા છે. જેનાથી હિંદ-પ્રશાંત ક્ષેત્રમાં નજર રાખવામાં આવી શકાય. આ ડ્રોનને પૂર્વી લદ્દાખમાં વાસ્તવિકત નિયંત્રણ રેખા પર પણ તૈનાત કરવામાં આવી શકે છે. આ બંને અમેરિકી ડ્રોનને ભારત-ચીન વિવાદને જોતા રક્ષા મંત્રાલય તરફથી આપાત ખરીદી મુજબ મંજૂરી આપવામાં આવી અને નૌસેનામાં સામેલ કરવામાં આવ્યા છે. સરકારી સૂત્રોથી હવાલાથી એએનઆઈએ જણાવ્યું કે ડ્રોન નવેમ્બરના બીજી સપ્તાહમાં ભારત આવ્યા છે અને તેને 21 નવેમ્બરે ભારતીય નૌસેનાના આઈએનએસ રજાલી બેસ પર ફ્લાઈંગ ઓપરેશનમાં સામેલ કરવામાં આવ્યા છે. તેમણે જણાવ્યું કે ડ્રોન્સે પહેલા જ ફ્લાઈંગ ઓપરેશન શરૂ કર્યું છે અને આ સામુદ્રિક શક્તિ માટે ખૂબ જ સફળ થશે. એએનઆઈના સૂત્રોના હવાલાથી જણાવ્યું કે કંપની તરફથી અમેરિકન ક્રૂ પણ આવ્યા છે જે મશીનને ઓપરેટ કરવામાં નૌસેનાની મદદ કરશે. આ સાથે જ સેનાની ત્રણેય પાંખમાં અમેરિકા પાસેથી આવા 18 ડ્રોન ખરીદવાની તૈયારી ચાલી રહી છે. પૂર્વી લદ્દાખમાં ચીની ઘુસણખોરી વિરૂદ્ધ ભારત અને અમેરિકા નજીકથી કામ કરી રહ્યા છે.