IndiGo: ઈન્ડિગોના CEO પીટર એલ્બર્સનું રાજીનામું, ફ્લાઈટ સંકટ બાદ લીધો મોટો નિર્ણય

IndiGo: દેશની સૌથી મોટી એરલાઇનને નોંધપાત્ર ઓપરેશનલ મુશ્કેલીઓનો સામનો કરવો પડ્યો તેના ત્રણ મહિના પછી આ રાજીનામું આપવામાં આવ્યું છે.

ઈન્ડિગોના CEO પીટર એલ્બર્સનું રાજીનામું

Source : https://x.com/

IndiGo: ઇન્ડિગોના સીઇઓ પીટર એલ્બર્સે મંગળવારે રાજીનામું આપ્યું હતું. દેશની સૌથી મોટી એરલાઇનને નોંધપાત્ર ઓપરેશનલ મુશ્કેલીઓનો સામનો કરવો પડ્યો તેના ત્રણ મહિના પછી આ રાજીનામું આપવામાં આવ્યું છે. મંગળવારે જાહેર કરાયેલા એક રીલિઝમાં જણાવાયું છે કે એરલાઇનના મેનેજિંગ ડિરેક્ટર રાહુલ ભાટિયા, કંપનીના નવા લીડરની જાહેરાત ન થાય ત્યાં સુધી મેનેજમેન્ટ સંભાળશે, જેની ટૂંક સમયમાં જાહેરાત કરાશે. ઇન્ટરગ્લોબ એવિએશનના ચેરમેન વિક્રમ સિંહ મહેતાએ જણાવ્યું હતું કે રાહુલ કંપનીની સંસ્કૃતિને મજબૂત કરવા, ઓપરેશનલ શ્રેષ્ઠતાને મજબૂત બનાવવા અને તેના ગ્રાહકોને કાળજી, વિશ્વસનીયતા અને પ્રોફેશનલ ધરાવતી શ્રેષ્ઠ સેવા પૂરી પાડવાની તેની પ્રતિબદ્ધતાને વધુ ગાઢ બનાવવા માટે એરલાઇનના કામકાજનું સંચાલન કરવા માટે પાછા આવી રહ્યા છે. ઇન્ટરગ્લોબ એવિએશન એરલાઈનને  ઇન્ડિગો બ્રાન્ડ નામ હેઠળ સંચાલન કરે છે.

કરવી પડી હતી 4,500 ફ્લાઇટ્સ રદ

ભારતની સૌથી મોટી એરલાઇન્સે ડિસેમ્બરના પ્રથમ અઠવાડિયામાં લગભગ 4,500 ફ્લાઇટ્સ રદ કરી હતી, જેનાથી વિશ્વના સૌથી ઝડપથી વિકસતા ઉડ્ડયન બજારમાં સ્પર્ધામાં ઘટાડો થવાની ચિંતા ઉભી થઈ હતી. પાયલટ્સ સંબંધિત કડક સરકારી નિયમોનું પાલન કરવા માટે સમયસર રોસ્ટર ફેરફારો કરવામાં નિષ્ફળ જવા બદલ એરલાઇને ગ્રાહકોની માફી માંગી હતી. ગયા વર્ષે નવી દિલ્હીમાં એક વૈશ્વિક એરલાઇન મીટિંગમાં આલ્બર્સે ભારતીય વડાપ્રધાન નરેન્દ્ર મોદી સાથે સ્ટેજ શેર કર્યો હતો. ભાટિયાની ઇન્ટરગ્લોબ એન્ટરપ્રાઇઝિસ ઇન્ડિગો ઓપરેટર ઇન્ટરગ્લોબ એવિએશનમાં સૌથી મોટી શેરહોલ્ડર છે, જે ડિસેમ્બર સુધીમાં 35.69 ટકા હિસ્સો ધરાવે છે.

મંગળવારે કંપનીના શેરમાં નોંધપાત્ર વધારો જોવા મળ્યો. BSEના ડેટા અનુસાર, ઇન્ડિગોની પેરેન્ટ કંપની 4,382.45 રૂપિયા પર બંધ થઈ, જે 3.46 ટકા અથવા 146.45 રૂપિયા વધીને ₹4,475.25 પર બંધ થઈ હતી. કંપનીનો શેર અગાઉ ટ્રેડિંગ સત્ર દરમિયાન 4,475.25 રૂપિયાની ઊંચી સપાટીએ પહોંચ્યો હતો. કંપનીનો શેર સવારે 4,419.95 રૂપિયા પર તીવ્ર ઉછાળા સાથે ખુલ્યો, જે એક દિવસ પહેલા 4,236 રૂપિયા પર બંધ થયો હતો. નિષ્ણાતોના મતે, ક્રૂડ ઓઇલના ભાવમાં ઘટાડા અને ટ્રમ્પના યુદ્ધ ટૂંક સમયમાં સમાપ્ત થવાના નિવેદન પછી આ વધારો જોવા મળ્યો છે.