Lok Sabha Elections: '2024માં કોગ્રેસ કરશે ગઠબંધનનું નેતૃત્વ', મલ્લિકાર્જુન ખડગેએ કર્યો દાવો, શું છે પાર્ટીની રણનીતિ?

લોકસભા ચૂંટણી 2024માં માત્ર એક વર્ષ બાકી છે. સત્તાધારી ભાજપને ટક્કર આપવા માટે તમામ વિરોધ પક્ષો ગઠબંધનની રાજનીતિમાં વ્યસ્ત છે

ફાઇલ તસવીર

Lok Sabha Elections: લોકસભા ચૂંટણી 2024માં માત્ર એક વર્ષ બાકી છે. સત્તાધારી ભાજપને ટક્કર આપવા માટે તમામ વિરોધ પક્ષો ગઠબંધનની રાજનીતિમાં વ્યસ્ત છે. આ દરમિયાન હવે કોંગ્રેસ અધ્યક્ષ મલ્લિકાર્જુન ખડગેએ નિવેદન આપ્યું છે. તેમણે કહ્યું કે 2024માં કોંગ્રેસની આગેવાની હેઠળનું જૂથ ભાજપને સત્તા પરથી હટાવવા જઈ રહ્યું છે.

PM Modi claimed in 2015 that the Naga dispute has been resolved. In reality, BJP and NDPP promised resolution and delivered only confusion. People of Nagaland will no longer fall prey to the empty promises.

: Congress President Shri @Kharge in Dimapur, Nagaland pic.twitter.com/zAWMdZwxrm

— Congress (@INCIndia) February 21, 2023

નાગાલેન્ડના દીમાપુરમાં એક ચૂંટણી રેલીમાં ખડગેએ કહ્યું કે તમામ વિપક્ષી દળો સાથે મળીને 2024માં ભાજપને પાઠ ભણાવશે. કેન્દ્રમાં ગઠબંધન સરકાર સત્તામાં આવશે જેનું નેતૃત્વ કોંગ્રેસ કરશે. તેમણે કહ્યું કે કોંગ્રેસ નિયમિતપણે તમામ પક્ષો સાથે આ અંગે ચર્ચા કરી રહી છે, કારણ કે લોકશાહી બચાવવા અને બંધારણ બચાવવા માટે ભાજપને હરાવવું જરૂરી છે.

'ભાજપ માટે બહુમતી મેળવવી મુશ્કેલ'

તેમણે કહ્યું કે કોંગ્રેસ દરેક પાર્ટીને વાતચીત માટે બોલાવે છે. 2024માં કેવી રીતે જીતવું તે અંગે તમામ પક્ષો સતત પોતપોતાના મંતવ્યો શેર કરી રહ્યા છે. તેથી જ ભાજપ માટે બહુમતી મેળવવી મુશ્કેલ છે. અન્ય તમામ પક્ષો સાથે મળીને બહુમતી મેળવશે. તેમણે સ્પષ્ટ કહ્યું કે કોંગ્રેસ આ ગઠબંધનનું નેતૃત્વ કરશે. આના પરથી સ્પષ્ટ થાય છે કે કોંગ્રેસ તેની નેતૃત્વની ભૂમિકા છોડવા તૈયાર નથી.

'નાગાલેન્ડ ભાજપની પ્રાથમિકતા નથી'

ખડગેએ કહ્યું કે ભાજપને ક્યારેય નાગાલેન્ડની ચિંતા કે પ્રાથમિકતા રહી નથી. ભાજપની રાજનીતિનો ઉદ્દેશ્ય નાગાલેન્ડની સ્વદેશી અને અનોખી સંસ્કૃતિનો નાશ કરવાનો છે. તમારે તમારી સંસ્કૃતિ, ધ્રુવીકરણ અને નફરતની રાજનીતિ પરના આ હુમલા સામે ઊભા રહેવું પડશે.

ભાજપ પર પ્રહાર કરતા ખડગેએ કહ્યું કે કોંગ્રેસે આઝાદી માટે પોતાનો જીવ આપ્યો, શું આઝાદી માટે ભાજપના કોઈ નેતાને ફાંસી આપવામાં આવી, શું કોઈ જેલમાં ગયું? ઉલટું, આઝાદી મેળવનાર ગાંધીજીની હત્યા થઈ અને આવા લોકો આજે દેશભક્તિનો ઉપદેશ આપે છે.

हमने देश को मज़बूत बनाया है,

मोदी सरकार केवल कमज़ोर बना रही है ! pic.twitter.com/yol4AvlLAD

— Mallikarjun Kharge (@kharge) February 21, 2023