માયાવતીએ ભત્રીજા આકાશ આનંદને કર્યો BSP માંથી બહાર! સસરાનો સંન્યાસ પણ આવ્યો કામ

Bahujan Samaj Party: બહુજન સમાજ પાર્ટી (BSP)નe અંદરના ઝઘડાએ એક એવો મોટો વળાંક લીધો છે, જેનાથી રાજકીય પારો ભારે હાઈ થઈ ગયો છે. બસપા પ્રમુખ માયાવતીએ મોટી જાહેરાત કરતા ભત્રીજા આકાશ આનંદને પાર્ટીમાંથી બહાર કરી દીધો છે.

માયાવતીએ ભત્રીજાને પાર્ટીમાંથી કાઢી મુક્યો

Source : IANS

Show Quick Read

Key points generated by AI, verified by newsroom

• બહુજન સમાજ પાર્ટીએ ભત્રીજા આકાશ આનંદને પક્ષમાંથી હટાવ્યો.
• પહેલાં સસરાની નિવૃત્તિ પર આકાશને પદની ઓફર કરાઈ હતી.
• સસરા અશોક સિદ્ધાર્થના સંન્યાસ છતાં માયાવતીનો નિર્ણય અડગ.
• આકાશે સસરાને વધુ મહત્વ આપતા માયાવતીએ નારાજગી વ્યક્ત કરી.

Bahujan Samaj Party: બહુજન સમાજ પાર્ટી (BSP)નe અંદરના ઝઘડાએ એક એવો મોટો વળાંક લીધો છે, જેનાથી રાજકીય પારો ભારે હાઈ થઈ ગયો છે. બસપા પ્રમુખ માયાવતીએ મોટી જાહેરાત કરતા ભત્રીજા આકાશ આનંદને પાર્ટીમાંથી બહાર કરી દીધો છે. UP ચૂંટણી પહેલાં માયાવતીના આ નિર્ણયથી પાર્ટીની અંદર ખળભળાટ મચી ગયો છે.

 

હકીકતમાં, એક દિવસ પહેલાં માયાવતીએ ભત્રીજા આકાશ આનંદ સામે ઓફર મૂકી હતી કે જો તેમના સસરા અશોક સિદ્ધાર્થ રાજકારણમાંથી સંન્યાસ લઈ લે, તો તેઓ આકાશ આનંદને પાર્ટીમાં પદ અને જવાબદારી આપી દેશે. આ ઓફરનો સ્વીકાર કરતા અશોક સિદ્ધાર્થે સંન્યાસની જાહેરાત કરી દીધી, તેમ છતા આજે માયાવતીએ આકાશ આનંદને પાર્ટીમાંથી 'આઝાદ' કરવાનો નિર્ણય લીધો છે.

'મોડેથી તો મોડેથી, અશોક સિદ્ધાર્થે સાચો નિર્ણય લીધો'- માયાવતી

બસપા ચીફ માયાવતીએ X હેન્ડલ પર કરેલી પોસ્ટમાં લખ્યું છે કે અશોક સિદ્ધાર્થે રાજકારણમાંથી સંન્યાસ લેવાનો જે નિર્ણય લીધો તેમાં ખૂબ મોડું કરી દીધું, પરંતુ અંતે સાચો નિર્ણય લીધો. જો તેઓ સંન્યાસનો નિર્ણય પહેલાં લઈ લેતા તો બહુજન મૂવમેન્ટ અને આકાશ આનંદ માટે સતત વિપરીત પરિસ્થિતિઓ ન બનત. તેમજ તેમને ચૂંટણીની તૈયારીઓ અને બહુજન મૂવમેન્ટને વચ્ચે છોડીને સંગઠનમાં સુધારા માટે કડક નિર્ણયો ન લેવા પડત.

'જો જમાઈની ચિંતા હોત તો પહેલાં જ લઈ લેતા સંન્યાસ'

માયાવતીએ કટાક્ષભર્યા અંદાજમાં કહ્યું કે અશોક સિદ્ધાર્થે સંન્યાસનો નિર્ણય મોડેથી લીધો. જો તેમને પોતાના જમાઈ આકાશ આનંદના ઉજ્જવળ ભવિષ્ય કે બહુજન મૂવમેન્ટના વ્યાપક હિતની ચિંતા હોત, તો તેઓ વિના વિલંબે પહેલાં જ સંન્યાસની જાહેરાત કરી દેતા. આનાથી આકાશ આનંદની પાર્ટી અને મૂવમેન્ટ પ્રત્યેની સક્રિયતા ઘણી હદ સુધી સુનિશ્ચિત થઈ શકતી હતી.

બહુજન સમાજ પાર્ટીના વડા માયાવતીનું કહેવું છે કે સમયસર સંન્યાસનો નિર્ણય ન લેવો એ દર્શાવે છે કે અશોક સિદ્ધાર્થની દાનતમાં ખોટ છે અને તેમની મહત્વાકાંક્ષાઓ ઓછી નથી થઈ પણ પૂરેપૂરી યથાવત છે.

'કરિયર કરતાં આકાશ આનંદને સસરાની વધુ ચિંતા'

ભત્રીજા આકાશ આનંદ પ્રત્યે નારાજગી વ્યક્ત કરતા માયાવતીએ લખ્યું, "આકાશને પોતાના કરિયર કરતાં પોતાના સસરા પ્રત્યે આ હદ સુધી લગાવ છે કે તેમણે બસપાની X પોસ્ટને રિપોસ્ટ કરવી પણ યોગ્ય ન સમજી. જોકે, આ પોસ્ટ તેમના પોતાના જ ભલા માટે હતી."

 

આ પણ વાંચો

BRICS: દિલ્હીમાં એકઠી થશે દુનિયાની અડધી તાકાત? આ સાત સવાલોના જવાબમાં સમજો BRICS શું છે?

ભારતમાં કેટલા ટકા હિન્દુ ખાય છે નોનવેજ? સરકારી સર્વેના ચોંકાવનારા આંકડા