ધોધમાર વરસાદને લઈને IMDએ કયા-કયા રાજ્યોમાં આપ્યું એલર્ટ, કયા મોટા સીટીમાં ચેતવણી અપાઈ

હવામાન વિભાગ પ્રમાણે, ઉત્તર, મધ્ય અને દક્ષિણ-પશ્વિમી અરબ સાગર તરફથી 40-50ની ઝડપથી ભારે પવન ફુંકાવાની સંભાવનાઓ છે. જેની અસર ઉત્તર-પૂર્વીય રાજ્ય નાગાલેન્ડ, મણિપુર, મિઝોરમ અને ત્રિપુરા પર વધારે રહેશે. અહીં આગામી બે દિવસોમાં ભારે વરસાદ થઈ શકે છે.

નવી દિલ્હી: હવામાન વિભાગે મધ્યપ્રદેશ, મહારાષ્ટ્ર, ગુજરાત, છત્તીસગઢ, તેલંગાણા અને નાગાલેન્ડમાં આગામી બે દિવસમાં ભારેથી અતિભારે વરસાદની આગાહી કરી છે. આ સાથે જ મુંબઈમાં પણ રેડ એલર્ટ આપવામાં આવ્યું છે. નાસિકમાં ગોદાવરી નદી ખતરાના નિશાનથી ઉપર બે કાંઠે વહી રહી છે. જોકે હાલ ઘણાં રાજ્યોમાં ભારે વરસાદના કારણે પરિસ્થિત ખરાબ છે. મંગળવારે હવામાન વિભાગે કહ્યું હતું કે, આગામી 48 કલાકમાં ભારે વરસાદની સંભાવનાઓ છે. હિમાચલ પ્રદેશના શિમલા, કુલ્લુ, મંડી અને કાંગડામાં ભારે પવન સાથે વરસાદ પડશે. છેલ્લા 3થી 4 દિવસથી દેશમાં ભારે વરસાદ પડી રહ્યો છે. જેને લઈને દેશની ઘણી નદીઓ બે કાંઠે વહેતી થઈ છે. હવામાન વિભાગ પ્રમાણે, ઉત્તર, મધ્ય અને દક્ષિણ-પશ્વિમી અરબ સાગર તરફથી 40-50ની ઝડપથી ભારે પવન ફુંકાવાની સંભાવનાઓ છે. જેની અસર ઉત્તર-પૂર્વીય રાજ્ય નાગાલેન્ડ, મણિપુર, મિઝોરમ અને ત્રિપુરા પર વધારે રહેશે. અહીં આગામી બે દિવસોમાં ભારે વરસાદ થઈ શકે છે. આગામી 48 કલાકમાં મધ્યપ્રદેશના ઈન્દોર, ઉજ્જૈન, ધાર, ખંડવા, રાજગઢ, ગુના, વિદિશા, સિહોર, છિંદવાડા, બાલાઘાટ, ડિંડૌરી, અનુપપુપ, સિવની, હરદા, હોશંગાબાદ, ખંડવા, ઝાબુઆ, અલીરાજપુર અને મંદસૌરમાં ઓરેન્જ એલર્ટ આપવામાં આવ્યું છે. મધ્યપ્રદેશ હવામાન વિભાગના વરિષ્ઠ અધિકારી આરઆર ત્રિપાઠીના કહ્યાં પ્રમાણે, ઓરિસ્સા, પશ્વિમ બંગાળ અને ઝારખંડમાં મોનસૂન ચક્રવાત બન્યો છે, જે મધ્યપ્રદેશ તરફ 2.1ની ઝડપથી આગળ વધી રહ્યો છે.