Mumbai Rains: મુંબઈમાં હવામાન વિભાગે ઓરેન્જ એલર્ટ જાહેર કર્યું, 24 કલાક ભારે વરસાદની ચેતવણી

મુંબઈમાં ગુરુવારથી ભારે વરસાદ શરૂ થયો છે. ગુરુવારના વરસાદને સિઝનનો પ્રથમ ભારે વરસાદ ગણાવવામાં આવી રહ્યો છે, પરંતુ સિઝનના પ્રથમ ભારે વરસાદથી શહેરના અનેક વિસ્તારોમાં પાણી ભરાઈ ગયા હતા.

મુંબઈ વરસાદ

Mumbai Rain Forecast: મુંબઈમાં ગુરુવારથી ભારે વરસાદ શરૂ થયો છે. ગુરુવારના વરસાદને સિઝનનો પ્રથમ ભારે વરસાદ ગણાવવામાં આવી રહ્યો છે, પરંતુ સિઝનના પ્રથમ ભારે વરસાદથી શહેરના અનેક વિસ્તારોમાં પાણી ભરાઈ ગયા હતા. ગુરુવારથી શરૂ થયેલો વરસાદ મુંબઈમાં શુક્રવારે પણ ચાલુ રહ્યો હતો. સતત વરસાદને ધ્યાનમાં રાખીને હવામાન વિભાગે મુંબઈમાં ઓરેન્જ એલર્ટ જાહેર કર્યું છે. એલર્ટમાં શુક્રવાર સવારથી આગામી 24 કલાક સુધી મુંબઈના ઘણા વિસ્તારોમાં સતત ભારે વરસાદની સંભાવના છે.

સામાન્ય રીતે જ્યારે પણ મુંબઈમાં ભારે વરસાદ પડે છે ત્યારે મુંબઈના રસ્તાઓ પાણીમાં ગરકાવ થઈ જાય છે. ત્યારે દર વર્ષની જેમ આ વર્ષે પણ BMCએ દાવો કર્યો હતો કે વરસાદ પહેલા નાળાઓની સફાઈ પૂર્ણ થઈ ગઈ છે, જેના કારણે રસ્તાઓ પર પાણી ભરાશે નહીં, પરંતુ દર વર્ષની જેમ આ વખતે પણ જમીની વાસ્તવિકતા કંઈક બીજું જ કહી રહી છે.

મુંબઈના અનેક વિસ્તારોમાં પાણી ભરાઈ ગયા હતા

શુક્રવારે સવારથી પડેલા વરસાદને કારણે મુંબઈના ઘણા વિસ્તારોમાં પાણી ભરાઈ ગયા છે. કુર્લા, અંધેરી, દાદર, સાયન, બાંદ્રા જેવા વિસ્તારોમાં અને ખાસ કરીને શહેરના નીચેના વિસ્તારોમાં પાણીનો ભરાવો જોવા મળ્યો હતો. પાણી ભરાવાની સાથે મુંબઈની લાઈફલાઈન મુંબઈ લોકલ ટ્રેનોને પણ અસર થઈ હતી. સેન્ટ્રલ રેલ્વે લાઇન પર ખાસ કરીને કુર્લાથી પરેલ વચ્ચેના પાટા પર પાણીનો ભરાવો થયો હતો અને પશ્ચિમ રેલ્વે માર્ગ પર કેટલીક તકનીકી ખામીઓને કારણે લોકલ ટ્રેન મોડી દોડવા લાગી હતી.

કલાકો સુધી માર્ગો પર જામના કારણે વાહનચાલકો અટવાયા હતા

આ સાથે જ માર્ગો પર કલાકો સુધી વાહનચાલકો જામમાં અટવાયા હતા. વેસ્ટર્ન એક્સપ્રેસ હાઈવે, ઈસ્ટર્ન એક્સપ્રેસ હાઈવે અને પરેલ બ્રિજ, સીએસટી બ્રિજ અને અન્ય ઘણા વિસ્તારોમાં ભારે ટ્રાફિક જામ જોવા મળ્યો હતો. સત્તાવાર માહિતી અનુસાર, આજે સવારે 8 વાગ્યા સુધીના 24 કલાકમાં શહેરમાં 179.13 મીમી વરસાદ નોંધાયો હતો, જ્યારે પશ્ચિમ ઉપનગરોમાં 140.58 મીમી અને પૂર્વ ઉપનગરોમાં 109.06 મીમી વરસાદ નોંધાયો હતો.

ઓરેન્જ એલર્ટ જારી

બૃહન્મુંબઈ મ્યુનિસિપલ કોર્પોરેશન (Brihanmumbai Municipal Corporation) જી-નોર્થ વોર્ડ, જેમાં દાદર, ધારાવી, માહિમ અને માટુંગાનો સમાવેશ થાય છે, તેમાં મહત્તમ 238 મીમી વરસાદ નોંધાયો છે, જ્યારે વર્લી અને લોઅર પરેલના જી-સાઉથ વોર્ડમાં 208 મીમી વરસાદ નોંધાયો છે. મુંબઈમાં વરસા(Mumbai Rain)દની સ્થિતિને જોતા હવામાન વિભાગે શનિવાર માટે ઓરેન્જ એલર્ટ (Orange Alert) જાહેર કર્યું છે, જેમાં સામાન્ય રીતે વરસાદ પડી શકે છે. જો કે સતત વરસાદને ધ્યાનમાં રાખીને એલર્ટમાં પણ ફેરફાર થઈ શકે છે.