Nagaland Violence: નાગાલેન્ડના મોનમાં ફાયરિંગ બાદ 11 લોકોના મોત, મુખ્યમંત્રીએ તપાસના આપ્યા આદેશ
નાગાલેન્ડના મોન જિલ્લામાં સુરક્ષાદળોની ફાયરિંગમાં ઓછામાં ઓછા 11 સામાન્ય લોકોનું મોત થયું હતું. ઘટનાને લઇને મુખ્યમંત્રી નેફિયૂ રિયોએ ઉચ્ચસ્તરીય તપાસનો આદેશ આપ્યો હતો.
Nagaland Violence: નાગાલેન્ડના મોન જિલ્લામાં સુરક્ષાદળોની ફાયરિંગમાં ઓછામાં ઓછા 11 સામાન્ય લોકોનું મોત થયું હતું. ઘટનાને લઇને મુખ્યમંત્રી નેફિયૂ રિયોએ ઉચ્ચસ્તરીય તપાસનો આદેશ આપ્યો હતો. સાથે જ લોકોને શાંતિ રાખવાની અપીલ કરી હતી. ફાયરિગં બાદ વિસ્તારમાં તણાવભરી સ્થિતિ છે. જાણકારી અનુસાર ગ્રામજનો એક પિક અપ ટ્રકથી પોતાના ઘર પાછા ફરી રહ્યા હતા ત્યારે આ ઘટના બની હતી.
The unfortunate incident leading to killing of civilians at Oting, Mon is highly condemnable.Condolences to the bereaved families & speedy recovery of those injured. High level SIT will investigate & justice delivered as per the law of the land.Appeal for peace from all sections
— Neiphiu Rio (@Neiphiu_Rio) December 5, 2021
ઘટના બાદ લોકોના મૃતદેહને જોઇને ગ્રામજનોએ ગુસ્સામાં સુરક્ષાદળોની અનેક ગાડીઓમાં આગ લગાવી દીધી હતી. આગના કારણે સુરક્ષાદળો સહિત અનેક લોકો ઇજાગ્રસ્ત થયા હતા. મુખ્યમંત્રીએ ઘટના પર દુખ વ્યક્ત કરતા કહ્યું કે મોનના ઓટિંગ ગામના નાગરિકોની હત્યાની ઘટના દુર્ભાગ્યપૂર્ણ છે અને હું તેની નિંદા કરું છું. તેમણે કહ્યું કે એસઆઇટી તપાસ કરશે અને કાયદા અનુસાર ન્યાય થશે. તમામ વર્ગોને શાંતિની અપીલ કરું છું.
Anguished over an unfortunate incident in Nagaland’s Oting, Mon. I express my deepest condolences to the families of those who have lost their lives. A high-level SIT constituted by the State govt will thoroughly probe this incident to ensure justice to the bereaved families.
— Amit Shah (@AmitShah) December 5, 2021
ભારતીય સૈન્યએ પોતાના નિવેદનમાં કહ્યું કે લોકોના મોતથી ગુસ્સે થયેલા ગ્રામજનોએ સુરક્ષાદળો પર હુમલો કર્યો હતો જેમાં એક જવાન શહીદ થયો છે અને અનેક જવાનો ઘાયલ થયા છે. પોલીસે કહ્યું કે તે આ ઘટનાની તપાસ કરી રહી છે જેથી જાણી શકાય કે આ ખોટી ઓળખાણનો મામલો છે કે નહીં. પોલીસ અધિકારીએ કહ્યું કે આ ઘટના ઓટિંગ અને તિરુ ગામની વચ્ચે થઇ હતી. એક પિકઅપ વાનમાં કોલસાની ખાણથી મજૂરો પાછા ફરી રહ્યા હતા ત્યારે પ્રતિબંધિત સંગઠન એનએસસીએનના યુંગ ઓંગના ઉગ્રવાદીઓની ગતિવિધિની સૂચના મળ્યા બાદ વિસ્તારમાં અભિયાન ચલાવી રહેલા સૈન્ય કર્મીઓએ વાહન પર કથિત રીતે ફાયરિંગ કર્યું હતું. કેન્દ્રિય ગૃહમંત્રી અમિત શાહે ઘટના પર દુ:ખ વ્યક્ત કર્યું હતું. તેમણે કહ્યું નાગાલેન્ડના મોનના ઓટિંગમાં થયેલી ઘટનાથી વ્યથિત છું. સરકાર એસઆઇટીની રચના કરી છે જેથી પીડિત પરિવારોને ન્યાય અપાવી શકાય
ટોપ સ્ટોરી
ટ્રેન્ડિંગ સમાચાર
