હાઇકોર્ટમાંથી નેશનલ હેરાલ્ડ મામલે સ્વામીને ફટકો, રાહુલ અને સોનિયા ગાંધીને રાહત

નવી દિલ્લીઃ નેશનલ હૈરાલ્ડ મામલામાં સુબ્રમણ્યમ સ્વામી દ્વારા સોનિયા ગાંધી, રાહુલ ગાંધી અને એસોસિએટ જર્નલ લિમિટેડની આવક સંબંધી જાણકારી માગવાના મામલામાં આજે નિચલી અદાલતના નિર્ણયને હાઇકોર્ટે બદલી નાખ્યો છે. હાઇકોર્ટે આ મામલે સુનવણી કરતા મંગળવારે સ્વામીની માગનો અસ્વીકાર કરતા સોનિયા અને રાહુલ ગાંધીને રાહત આપી હતી. હવે રાહુલ અને સોનિયા ગાંધી સાથે જોડાયેલા કાગળો સ્વામીને નહી આપવામાં આવે. આ મામલે કોર્ટે સ્વામીને ફટકાર લગાવતા કહ્યું હતું કે, તેમણે મોખિક આવેદન આપ્યું હતું અને નિચલી અદાલતે પણ મોખિક રૂપથી નિર્ણય આપ્યો અને બીજા પક્ષને સાબળ્યા નહી. એટલે હાઇકોર્ટે સ્વામીને આ મામલા સાથે જોડાયેલા કાગળો દેવાની માંગ ઠુકરાવી દીધી છે. કોર્ટે આ મામલે પોતાનો અભિપ્રયા આપતા જણાવ્યું હતું કે, સીઆરપીસીની કલમ 91 મુજબ કોઇ પણ અદાલત દ્વારા આદેશ આપતા પહેલા આરોપી પક્ષને સાભળવા જરૂરી છે. જ્યારે આ મામલામાં એવુ નથી કરવામાં આવ્યું.