નેપાળના વિનાશક પૂરમાં 669 લોકોના મોત, 287 ભારતીયો હજુ ગુમ: ભારતીય વિદેશ મંત્રાલયે આપ્યું નવું અપડેટ

પૂરમાં ફસાયેલા લોકોને બચાવવા માટે ભારતે ફોરેન્સિક એક્સપર્ટ્સ અને ટનલ રેસ્ક્યૂ ટીમ કાઠમંડુ રવાના કરી, રાસુવા પ્રોજેક્ટમાંથી 4 ભારતીયોને સુરક્ષિત બહાર કઢાયા.

Nepal Flood Update India Sends Rescue Team 287 Indians Missing MEA Statement

Source : ABP Live

Show Quick Read

Key points generated by AI, verified by newsroom

• નેપાળમાં ભયાનક પૂરથી 669 લોકોના મૃત્યુ, 2400 ગુમ.
• ભારતે સહાય માટે ફોરેન્સિક અને ખાસ બચાવ ટીમો મોકલી.
• 88 ભારતીયો બચાવાયા, 287 ભારતીયો હજુ ગુમ છે.
• નેપાળ સરકારે રાહત, આંતરરાષ્ટ્રીય સહયોગને પ્રાથમિકતા આપી.

Nepal flood update: પડોશી દેશ નેપાળમાં તાજેતરમાં આવેલા વિનાશક પૂર અને ભૂસ્ખલનને કારણે ચારેય તરફ ભારે તારાજી સર્જાઈ છે. કુદરતી આપત્તિના કારણે મૃત્યુઆંક સતત વધી રહ્યો છે અને સ્થિતિ અત્યંત ગંભીર બની છે. નેપાળ પોલીસ દ્વારા જાહેર કરવામાં આવેલા સત્તાવાર નિવેદન અનુસાર, 26 August 2026 ના રોજ આવેલા અચાનક પૂરના કારણે મૃત્યુઆંક વધીને 669 સુધી પહોંચી ગયો છે. બચાવ ટુકડીઓ દ્વારા અત્યાર સુધીમાં 626 મૃતદેહો શોધી કાઢવામાં આવ્યા છે, જ્યારે 2,400 થી વધુ લોકો હજુ પણ ગુમ છે અને તેમની શોધખોળ માટે વ્યાપક અભિયાન ચલાવવામાં આવી રહ્યું છે.

આ મુશ્કેલ સમયમાં ભારતે પડોશી ધર્મ નિભાવીને નેપાળ તરફ મદદનો હાથ લંબાવ્યો છે. ભારતીય વિદેશ મંત્રાલય (MEA) ના પ્રવક્તા રણધીર જયસ્વાલે 29 August 2026 (શનિવાર) ના રોજ બચાવ અને રાહત કામગીરી અંગે માહિતી આપતા જણાવ્યું કે, પૂરના કારણે જીવ ગુમાવનારા લોકોની ઓળખ સુનિશ્ચિત કરવા અને તેમના DNA સેમ્પલની તપાસ કરવા માટે ભારતથી 6 ફોરેન્સિક નિષ્ણાતોની ટીમો રવાના કરવામાં આવી છે, જે શનિવારે જ રાજધાની કાઠમંડુ પહોંચવાની છે.

વિદેશ મંત્રાલયના જણાવ્યા મુજબ, સુરાંગોમાં ફસાયેલા લોકોને સલામત બહાર કાઢવા માટે 28 August 2026 ના રોજ એક ખાસ ટેકનિકલ ટીમને સર્વેક્ષણ માટે મોકલવામાં આવી હતી. આ ટીમે 29 August થી પ્રભાવિત વિસ્તારોની ટનલોમાં બચાવ કામગીરી શરૂ કરી દીધી છે. તેમની ભલામણના આધારે જરૂરી આધુનિક સાધનો સાથેની એક વિશેષ ટનલ રેસ્ક્યૂ ટીમ આજે નેપાળ પહોંચી રહી છે.

બીજી તરફ, નેપાળમાં ફસાયેલા ભારતીય નાગરિકો અંગે પણ વિદેશ મંત્રાલયે મહત્વનું અપડેટ આપ્યું છે. શનિવારે 29 August ના રોજ નેપાળના રાસુવામાં આવેલા હાઇડ્રોપાવર પ્રોજેક્ટમાંથી 4 ભારતીય નાગરિકોને સફળતાપૂર્વક બચાવી લેવામાં આવ્યા છે, જેમને ટૂંક સમયમાં કાઠમંડુ લાવવામાં આવશે. બચાવાયેલા આ ભારતીયોમાં રિપુ કુમાર, ચાણેશ્વર નરઝારી, કૃપા શંકર અને મોહમ્મદ મિન્હાજુદ્દીનનો સમાવેશ થાય છે. આ સિવાય, ચીન સરહદથી 120 ભારતીય નાગરિકો શનિવારે નેપાળ સરહદે પહોંચ્યા છે.

Update on Indian nationals and relief efforts in Nepal ⬇️ pic.twitter.com/9zNq2BXjIq

— Randhir Jaiswal (@MEAIndia) August 29, 2026

મંત્રાલયના તાજેતરના આંકડા અનુસાર, અત્યાર સુધીમાં કુલ 88 ભારતીય નાગરિકોને સુરક્ષિત રીતે રેસ્ક્યૂ કરી લેવાયા છે, પરંતુ હજુ પણ 287 ભારતીયો ગુમ છે. આ ઉપરાંત ભારતીય મૂળના અન્ય 128 લોકો પણ ગુમ હોવાના અહેવાલ સાંપડ્યા છે.

નેપાળ પોલીસના જણાવ્યા અનુસાર, ભારતની રેસ્ક્યૂ ટીમ નેપાળ પહોંચીને કામગીરીમાં જોડાઈ ગઈ છે, જ્યારે ચીન તરફથી પણ એક બચાવ ટુકડી ટૂંક સમયમાં આવી પહોંચવાની શક્યતા છે. નેપાળના વિદેશ મંત્રી શિશિર ખાનાલે ANI સાથેની વાતચીતમાં જણાવ્યું કે, સ્થાનિક સરકારની પ્રથમ પ્રાથમિકતા અસરગ્રસ્તોને તાત્કાલિક રાહત, કટોકટીની તબીબી સંભાળ, ખોરાક, પીવાનું ચોખ્ખું પાણી, કામચલાઉ આશ્રયસ્થાન અને અન્ય આવશ્યક પુરવઠો પહોંચાડવાની છે. નેપાળ સરકાર આ પરિસ્થિતિમાં પોતાના પડોશી દેશો અને આંતરરાષ્ટ્રીય સમુદાય સાથે સતત સંપર્કમાં રહીને સંકલન સાધી રહી છે.