CM નીતિશ કુમારને ભાજપે આપ્યો મોટો ઝટકો, JDUના 6 ધારાસભ્યોને પાર્ટીમાં કર્યા સામેલ

હાલમાં જ વિધાનસભા ચૂંટણીમાં બિહારમાં ભાજપ, હમ અને વીઆઈપીની મદદથી નીતિશ કુમાર ફરી મુખ્યમંત્રી બન્યા છે. ત્યારે અરુણાચલમાં 6 ધારાસભ્યો ભાજપમાં જોડાઈ ગયા છે.

ઈટાનગર: બિહારના મુખ્યમંત્રી નીતિશ કુમારની પાર્ટી જેડીયુને ભાજપે મોટો ઝટકો આપ્યો છે. અરુણાચલ પ્રદેશમાં જનતા દળ યુનાઈટેડ (જેડીયૂ)ના સાતમાંથી છ ધારાસભ્યોને ભાજપે પાર્ટીમાં સામેલ કરતા રાજ્યને એક મોટો ઝટકો આપ્યો છે. ઉલ્લેખનીય છે કે, હાલમાં જ વિધાનસભા ચૂંટણીમાં બિહારમાં ભાજપ, હમ અને વીઆઈપીની મદદથી નીતિશ કુમાર ફરી મુખ્યમંત્રી બન્યા છે. હવે અરુણાચલમાં નીતિશ કુમારની પાર્ટીના છ ધારાસભ્યો ભાજપમાં સામેલ થઈ ગયા છે. પંચાયત અને નગર નિગમ ચૂંટણીના પરીણામની જાહેરાતના એક દિવસ પહેલા આ ખબર સામે આવી છે. રમગોંગ વિધાનસભા ક્ષેત્રના તાલીમ તબોહ, ચાયાંગ્તાજોના હેયેંગ મંગ્ફી, તાલીના જિકકે તાકો, કલાક્તંગના દોરજી વાંગ્દી ખર્મા, બોમડિલાના ડોંગરુ સિયનગ્ઝૂ અને મારિયાંગ-ગેકુ મત વિસ્તારના કોંગગોંગ ટાકુ ભાજપમાં સામેલ થઈ ગયા છે.