PM Modi Birthday Live: પ્રધાનમંત્રી મોદી એક માત્ર નેતા, જેને સતત 25 વર્ષ સુધી જનાદેશ જીત્યો : અમિત શાહ

PM Modi Birthday Celebration Live: પ્રધાનમંત્રી નરેન્દ્ર મોદીના જન્મદિવસ નિમિત્તે, ભારતીય જનતા પાર્ટી દેશભરમાં વિવિધ સ્થળોએ કાર્યક્રમોનું આયોજન કરી રહી છે. જાણીએ જન્મદિવસના અપડેટ્સ

Background

PM Modi Birthday Celebration Live:  વડાપ્રધાન નરેન્દ્ર મોદીના જન્મદિવસના અવસરે ભારતીય જનતા પાર્ટી (BJP) દેશભરમાં વિવિધ કાર્યક્રમોનું આયોજન કરશે. આ દરમિયાન ગુજરાતમાં ગુરુવાર (17 સપ્ટેમ્બર)ના રોજ એટલે કે આજે  18,500થી વધુ સ્થળોએ 88 લાખથી વધુ માટીના દીવા પ્રગટાવવામાં આવશે. આ ઉપરાંત વડનગરથી વારાણસી સુધી બાઇક રેલી, મંદિરોમાં પૂજા-અર્ચના, આરતી સહિત અનેક કાર્યક્રમોનું આયોજન કરવામાં આવશે.

ગુજરાત સરકાર અને ભાજપ તરફથી જાહેર કરવામાં આવેલી વિગતો અનુસાર, ‘આશીર્વાદનો દીવડો’ કાર્યક્રમ સાંજે 7 વાગ્યે રાજ્યના વિવિધ જિલ્લાઓ, મહાનગરપાલિકાઓ, નગરપાલિકાઓ અને સ્થાનિક એકમોમાં યોજાશે. આ પહેલાં સાંજે 6 વાગ્યાથી ભક્તિ સંગીત, સત્સંગ અને સાંસ્કૃતિક કાર્યક્રમોની શરૂઆત થશે.

રાજ્ય સરકારના પ્રવક્તા અને કેબિનેટ મંત્રી જીતુ વાઘાણીએ જણાવ્યું હતું કે, ‘વડાપ્રધાન નરેન્દ્ર મોદીના જન્મદિવસના અવસરે 18,500થી વધુ સ્થળોએ 88 લાખથી વધુ માટીના દીવા પ્રગટાવવામાં આવશે. આ સાથે તેમના દીર્ઘાયુ અને દેશની સતત સેવા માટે પ્રાર્થના કરવામાં આવશે.’

ભાજપ 17 સપ્ટેમ્બરથી 7 ઓક્ટોબર સુધી સમગ્ર રાજ્યમાં ‘સેવા સંકલ્પ અભિયાન’ ચલાવશે. 7 ઓક્ટોબરના રોજ નરેન્દ્ર મોદીને ચૂંટાયેલા જનપ્રતિનિધિ તરીકે 25 વર્ષ પૂર્ણ થશે. ‘સેવા સંકલ્પ અભિયાન’ અંતર્ગત ગુરુવારે સવારે વડાપ્રધાનના જન્મસ્થળ વડનગરથી વારાણસી માટે બાઇક રેલી રવાના થશે. કેન્દ્રીય ગૃહમંત્રી અમિત શાહ આ કાર્યક્રમમાં હાજરી આપશે.

નરેન્દ્ર મોદી 7 ઓક્ટોબર 2001થી 22 મે 2014 સુધી ગુજરાતના મુખ્યમંત્રી રહ્યા હતા. તેઓ હાલમાં વારાણસી લોકસભા બેઠકનું પ્રતિનિધિત્વ કરે છે. ગુજરાતના મુખ્યમંત્રી ભૂપેન્દ્ર પટેલ, પ્રદેશ ભાજપ અધ્યક્ષ જગદીશ વિશ્વકર્મા, મહારાષ્ટ્રના નાયબ મુખ્યમંત્રી એકનાથ શિંદે અને કેન્દ્રીય મંત્રી અનુપ્રિયા પટેલ સહિત અનેક નેતાઓ વિવિધ કાર્યક્રમોમાં હાજરી આપશે.

ભાજપ તરફથી જાહેર કરવામાં આવેલી એક અખબારી યાદી અનુસાર, પાર્ટીના નેતા અને લોકસભા સાંસદ વી.ડી. શર્માએ ગાંધીનગરમાં એક પત્રકાર પરિષદમાં જણાવ્યું હતું કે ‘વડનગરથી વારાણસી’ અને ‘વારાણસીથી વડનગર’ સુધીની બાઇક રેલીઓને 17 સપ્ટેમ્બરે નરેન્દ્ર મોદીના જન્મદિવસના અવસરે બંને શહેરોથી એકસાથે રવાના કરવામાં આવશે અને 7 ઓક્ટોબરના રોજ તેનું સમાપન થશે

12:28 PM (IST)  •  17 Sep 2026

PM Modi Birthday Live: વડનગરમાં અમિત શાહે પીએમ મોદીની નેતૃત્વ શક્તિના કર્યાં વખાણ

PM Modi Birthday Live: અમિત શાહ આજે પીએમ મોદીના જન્મદિવસના અવસરે તેમની જન્મભૂમિ વડનગરમાં છે. તેમણે અહીં બાઇક રેલીને પ્રસ્થાન કરાવ્યું તેમજ પ્રાસંગિક સંબોઘન કરતા જણાવ્યું કે. વડાપ્રધાનનું જીવન અતૂટ સંકલ્પ શક્તિથી સભર છે. તેઓ એક માત્ર એવા નેતા છે. જેમણે 25 વર્ષ સુધી સતત જનાદેશ જીત્યો 

11:21 AM (IST)  •  17 Sep 2026

શર્મિષ્ઠા તળાવથી હાટકેશ્વર મંદિર સુધી પદયાત્રા

વડનગરમાં શર્મિષ્ઠા તળાવની આરતી કર્યાં બાદ  હાટકેશ્વર મંદિર સુધી અમિત શાહ, હર્ષ સંઘવી, સીએમ ભૂપેન્દ્ર પટેલે પદયાત્રા કરી હતી.  તેઓ મંદિર પહોંચ્યાં ત્યારે ડમરુના નાદ સાથે મહાનુભાવોનું સ્વાગત કરવામા આવ્યું હતું.