Weather Forecast: '15 રાજ્યોમાં ભારે પવન સાથે વરસાદની આગાહી, હવામાન વિભાગની ચેતવણી

Weather updates: આ દિવસોમાં ચોમાસુ દેશભરમાં તબાહી મચાવી રહ્યું છે. હવામાન વિભાગે આજે દિલ્હી, ઉત્તર પ્રદેશ, બિહાર, રાજસ્થાન, હરિયાણા અને હિમાચલ પ્રદેશ સહિત અનેક રાજ્યો માટે ચેતવણી જાહેર કરી છે.

પ્રતીકાત્મક તસવીર

Source : abp asmita

Weather updates: હવામાન વિભાગે 15  રાજ્યોમાં ભારે પવન સાથે વરસાદની ચેતવણી જાહેર  કરી છે. દિલ્હીથી ઉત્તર પ્રદેશ, બિહાર અને મધ્ય પ્રદેશ સુધીના વિવિધ રાજ્યો  વરસાદનું અનુમાન વ્યકત કર્યું છે.   નોધનિય છે કે  ઉત્તર ભારતમાં ચોમાસું તબાહી મચાવી રહ્યું છે. મહારાષ્ટ્રથી ગુજરાત અને હિમાચલ પ્રદેશના પહાડી રાજ્યોથી ઉત્તરાખંડ સુધી, વરસાદ ચાલુ છે. પરિણામે, હવામાન વિભાગે આજે 11 જુલાઈ માટે  15 રાજ્યોમાં ભારે વરસાદ ચેતવણી જાહેર કરી છે. આ સમયગાળા દરમિયાન 7૦ કિલોમીટર પ્રતિ કલાકની ઝડપે પવન ફૂંકાઈ શકે છે.        

આ 15 રાજ્યોમાં એલર્ટ
દિલ્હી
ઉત્તર પ્રદેશ
બિહાર
રાજસ્થાન
હરિયાણા
હિમાચલ પ્રદેશ
ઉત્તરાખંડ
જમ્મુ અને કાશ્મીર
મધ્ય પ્રદેશ
પશ્ચિમ બંગાળ
ઝારખંડ

ઓડિશા
આસામ
આંધ્ર પ્રદેશ
કેરળ

આ પણ વાંચો: Weather Updates: 12 જુલાઇએ રાજ્યના આ જિલ્લામાં વરસશે વરસાદ, હવામાન વિભાગની આગાહી

ઉત્તર પ્રદેશમાં વરસાદની સ્થિતિ

IMD અનુસાર, ઉત્તર પ્રદેશમાં શનિવારથી સક્રિય ચોમાસું વધુ તીવ્ર બનશે. આઝમગઢ, મૌ, બલિયા, દેવરિયા, ગોરખપુર, સંત કબીર નગર, બસ્તી, કુશીનગર, મહારાજગંજ, સિદ્ધાર્થનગર, ગોંડા, બલરામપુર, શ્રાવસ્તી, બહરાઈચ, લખીમપુર ખેરી, સીતાપુર, હરદોઈ, બારાબંકી, સુલતાનપુર અને આજુબાજુના વિસ્તારોમાં ભારે વરસાદની અપેક્ષા છે. પ્રતાપગઢ, વારાણસી, સંત રવિદાસ નગર, જૌનપુર, ફરુખાબાદ, કન્નૌજ, કાનપુર દેહાત, કાનપુર નગર, ઉન્નાવ, લખનૌ, રાયબરેલી, અમેઠી, શામલી, બાગપત, મેરઠ, હાપુડ, બુલંદશહર, ઔરૈયા અને અમરો માટે પણ ભારે વરસાદની ચેતવણી જાહે કરવામાં આવી છે.     

બિહારમાં ભારે વરસાદ
બિહારમાં, પટના, ખગરિયા, કિશનગંજ, અરરિયા, કટિહાર, પૂર્ણિયા, મધુબની, દરભંગા, સમસ્તીપુર, મુઝફ્ફરપુર, વૈશાલી, સિવાન, ભોજપુર, નવાદા, રોહતાસ, અરવલ, ગયા, નૌરખબાદ અને લાલાન્દમાં ભારે વરસાદનું એલર્ટ જાહેર કરવામાં આવ્યું છે. અહીં 70 કિમી પ્રતિ કલાકની ઝડપે પવન ફૂંકાઈ શકે છે.                                                                         

હિમાચલ-ઉત્તરાખંડ હવામાન
પર્વતીય રાજ્યોમાં, કાંગડા, કુલ્લુ, શિમલા, સિરમૌર, મંડી, બિલાસપુર અને સોલનમાં ભારે વરસાદની આગાહી કરવામાં આવી છે. મનાલીમાં આજે 11 જુલાઈએ મહત્તમ તાપમાન 16 ડિગ્રી સેલ્સિયસ રહેશે જ્યારે લઘુત્તમ તાપમાન 11 ડિગ્રી સેલ્સિયસ રહેશે. ઉત્તરાખંડના ઋષિકેશ, હરિદ્વાર, નૈનીતાલ, બાગેશ્વર, અલ્મોડા, રૂદ્રપ્રયાગ, ઉધમ સિંહ નગર અને પિથોરાગઢમાં ગાજવીજ સાથે ભારે વરસાદની ચેતવણી જારી કરવામાં આવી છે.