Weather Updates: UP, પંજાબ અને ઉત્તરાખંડના વાતાવરણમાં થશે પલટો, હવામાન વિભાગે વરસાદની વ્યક્ત કરી સંભાવના

હાલમાં દેશના ઘણા રાજ્યોમાં કાળઝાળ ગરમી પડી રહી છે. લોકો ગરમીના કારણે પરેશાન થઇ રહ્યા છે ત્યારે હવામાન વિભાગે કરેલી આગાહી લોકોને રાહત આપી શકે છે

પ્રતિકાત્મક તસવીર

નવી દિલ્હીઃ હાલમાં દેશના ઘણા રાજ્યોમાં કાળઝાળ ગરમી પડી રહી છે. લોકો ગરમીના કારણે પરેશાન થઇ રહ્યા છે ત્યારે હવામાન વિભાગે કરેલી આગાહી લોકોને રાહત આપી શકે છે. ઉત્તર ભારતના રાજ્યોમાં મહત્તમ તાપમાન 45 ડિગ્રીની નજીક પહોંચી ગયું છે. દરમિયાન હવામાન વિભાગે રાહતના સમાચાર આપ્યા છે. આગામી થોડા દિવસોમાં જમ્મુ અને કાશ્મીર, હિમાચલ પ્રદેશ, ઉત્તરાખંડ, પૂર્વ ઉત્તર પ્રદેશ, હરિયાણા, પશ્ચિમ ઉત્તર પ્રદેશ અને રાજસ્થાનમાં હવામાન પલટો આવે તેવી સંભાવના છે.

thunderstorm/lightning/gusty winds & hail very likely over Jammu-Kashmir, Himachal Pradesh and Uttarakhand on 16th & 17th May.
Isolated light rainfall with thunderstorm/lightning very likely over north Punjab on 16th & 17th & over East Uttar Pradesh during 16th-17th May.

— India Meteorological Department (@Indiametdept) May 14, 2022

આ રાજ્યોમાં ભારે પવન સાથે વરસાદની શક્યતા

હવામાન વિભાગની આગાહી અનુસાર, હિમાચલ પ્રદેશથી લઈને ઉત્તર પ્રદેશ સુધીના ઘણા રાજ્યોમાં વરસાદ અને વાવાઝોડાની સંભાવના છે. જમ્મુ અને કાશ્મીર, હિમાચલ પ્રદેશ અને ઉત્તરાખંડમાં 16 અને 17 મેના રોજ ભારે પવન સાથે ગાજવીજ, વરસાદ અને કરા પડવાની સંભાવના છે. ઉત્તર પંજાબ અને પૂર્વ ઉત્તર પ્રદેશમાં 16 અને 17 મેના રોજ પણ હળવો વરસાદ થવાની સંભાવના છે.

Isolated rainfall/thunderstorm likely over Jammu-Kashmir & Ladakh on 15th May. The rainfall activity likely to increase with scattered to fairly widespread light/moderate rainfall with

— India Meteorological Department (@Indiametdept) May 14, 2022

આ રાજ્યોમાં વાવાઝોડાની શક્યતા

16 મેના રોજ હરિયાણા, પશ્ચિમ ઉત્તર પ્રદેશ અને રાજસ્થાનમાં વાવાઝોડાની સંભાવના છે. 14 અને 15 મેના રોજ ઉત્તર રાજસ્થાનના ઘણા વિસ્તારોમાં 30 થી 40 કિમી પ્રતિ કલાકની ઝડપે પવન ફૂંકાય તેવી શક્યતા છે.