રાજસ્થાન: કોંગ્રેસ નેતા સચિન પાયલટ કોવિડ-19 પૉઝિટિવ

સચિન પાયલટે ટ્વિટ કરીને કહ્યું કે, મારો કોવિડ-19 ટેસ્ટ પૉઝિટિવ આવ્યો છે. ડોક્ટરોની સલાહ લઈ રહ્યો છું. મને આશા છે કે હું જલ્દીજ સ્વસ્થ થઈ જઈશ

જયપુર: રાજસ્થાન કૉંગ્રેસના નેતા સચિન પાયલટ કોરોના વાયરસની ઝપેટમાં આવી ગયા છે. સચિન પાયલટનો કોરોના રિપોર્ટો પોઝિટિવ આવ્યો છે. પાયલટે ખુદ ટ્વીટ કરીને આ અંગે જાણકારી આપી હતી. સચિન પાયલટે ટ્વિટ કરીને કહ્યું કે, મારો કોવિડ-19 ટેસ્ટ પૉઝિટિવ આવ્યો છે. છેલ્લા કેટલાક દિવસોમાં જે પણ મારા સંપર્કમાં આવ્યા હોય તે મહેરબાની કરીને પોતાનો ટેસ્ટ કરાવે. હું ડોક્ટરોની સલાહ લઈ રહ્યો છું. મને આશા છે કે હું જલ્દીજ સ્વસ્થ થઈ જઈશ.

I have tested positive for Covid 19.

Anyone who may have come in contact with me over the last few day, please get yourselves tested. Am taking appropriate doctoral advice. Hope to recover soon.

— Sachin Pilot (@SachinPilot) November 12, 2020

રાજસ્થાનમાં ગુરુવારે કોરોના વાયરસથી વધુ 13 લોકોના મોત થયા હતા. તેની સાથે રાજ્યમાં કુલ મૃત્યુઆંક વધીને 2032 પર પહોંચી ગયો છે. જ્યારે 2176 નવા કેસ સામે આવ્યા બાદ રાજ્યમાં સંક્રમિત લોકોની સંખ્યા 2,19,327 થઈ ગઈ છે.