લે લઈ લે સેલ્ફી.... ચાલતી ટ્રેનમાં યુવક સેલ્ફી લેવા ગયો અને પછી જે થયું... જુઓ વીડિયો

સોશિયલ મીડિયા પર પ્રખ્યાત થવાની ઘેલછા: ટ્રેનના દરવાજે સ્ટાઈલ મારતા યુવકના હાથમાંથી મોબાઈલ છૂટ્યો, યુઝર્સ થયા લોટપોટ!

ટ્રેનના દરવાજે સેલ્ફી લેવા ગયો ને ફોન પડી ગયો

Source : social media

Selfie from train viral video: આજકાલ સોશિયલ મીડિયા પર 'હીરો' બનવાની ઘેલછામાં લોકો પોતાનો જીવ જોખમમાં મૂકતા હોય તેવા કિસ્સાઓ વારંવાર જોવા મળે છે. આવો જ એક તાજો અને ખૂબ જ રમુજી કિસ્સો ફરીથી વાયરલ થયો છે, જેમાં એક યુવક ચાલતી ટ્રેનના દરવાજા પર ઊભા રહીને જીવના જોખમે સેલ્ફી લેવાનો પ્રયાસ કરી રહ્યો હતો, અને પછી જે થયું તે જોઈને સોશિયલ મીડિયા યુઝર્સ લોટપોટ થઈ ગયા છે.

ટ્રેનના દરવાજે 'સ્ટાઈલ' મારવાનો પ્રયાસ:

વાયરલ થયેલા વીડિયોમાં સ્પષ્ટ જોઈ શકાય છે કે એક યુવાન ટ્રેનના દરવાજા પર ઊભો છે. તેણે એક હાથમાં ટ્રેનનું હેન્ડલ પકડ્યું છે અને બીજા હાથમાં મોબાઈલ પકડીને સેલ્ફી વીડિયો મોડમાં કંઈક કહી રહ્યો છે, સાથે જ જુદી જુદી સ્ટાઈલ પણ બતાવી રહ્યો છે. તેના ચહેરા પર કોઈ પણ ટિકટોક કે ઇન્સ્ટાગ્રામ રીલ સ્ટાર જેવો આત્મવિશ્વાસ છલકાઈ રહ્યો છે, જાણે કોઈ ફિલ્મનું શૂટિંગ ચાલી રહ્યું હોય અને તે આગામી શાહરૂખ ખાન બનવાની તૈયારીમાં હોય.

એક ઝટકો અને 'હીરોગીરી'નો અંત:

પરંતુ, સાહેબ! નસીબ અને મોબાઈલ બેલેન્સ બંને તેને સાથ આપતા નથી. વીડિયોમાં દેખાઈ રહ્યું છે કે એકાએક એક ઝટકો લાગે છે અને ન તો ટ્રેન અટકે છે, ન તો સમય. તેના હાથમાંથી મોબાઈલ ફોન છટકી જાય છે અને નીચે જમીન પર પડે છે. તેની સાથે જ તેની બધી એક્ટિંગ, સ્વેગ અને સોશિયલ મીડિયા પર પ્રખ્યાત થવાની આશાઓ પણ ધૂળધાણી થઈ જાય છે.

મોબાઈલ પડતાની સાથે જ યુવકનો ચહેરો જોવા લાયક હોય છે. તે બાળક જેવો ચહેરો બનાવે છે, જાણે કોઈ રમકડું છીનવી લેવામાં આવ્યું હોય. તે સમયે તેના ચહેરા પર દેખાતું અફસોસ, પસ્તાવો અને શરમનું મિશ્રણ સોશિયલ મીડિયા યુઝર્સને હાસ્યથી ભરી દે છે.

क्या जरूरत ही चलती ट्रेन में सेल्फी लेने की? pic.twitter.com/4tKK8AWNoM

— Bhanu Nand (@BhanuNand) June 7, 2025

સોશિયલ મીડિયા પર પ્રતિક્રિયાઓ:

આ વીડિયો @BhanuNand નામના 'X' (અગાઉ ટ્વિટર) એકાઉન્ટ પરથી શેર કરવામાં આવ્યો છે, જેને અત્યાર સુધીમાં લાખો લોકોએ જોયો છે અને ઘણા લોકોએ તેને લાઈક પણ કર્યો છે. સોશિયલ મીડિયા યુઝર્સ આ વીડિયો પર અલગ-અલગ પ્રતિક્રિયાઓ આપી રહ્યા છે. એક યુઝરે લખ્યું, "દુનિયા સેલ્ફી માટે પાગલ છે." બીજા યુઝરે શંકા વ્યક્ત કરતા લખ્યું, "ભાઈ આ એક સ્ક્રિપ્ટેડ વીડિયો છે." જ્યારે અન્ય એક યુઝરે આ વર્તનને "કેવી મૂર્ખતા" ગણાવ્યું.