દિલ્હી બહાર 6 ફેબ્રુઆરીના રોજ ખેડૂતો ત્રણ કલાકનો ચક્કાજામ કરશે : રાકેશ ટીકેત

રાકેશ ટીકેતે જણાવ્યું છે 6 ફેબ્રુઆરીએ દિલ્હીમાં કરવામાં આવેલા ધરણાં પ્રદર્શનને મોકૂફ રાખવામાં આવ્યો છે. તેમજ તેના બદલે દિલ્હી બહાર ત્રણ કલાક સુધી ચક્કાજામનો કાર્યક્રમ રાખવામાં આવશે.

નવી દિલ્હી:  કૃષિ કાયદા વિરુદ્ધ છેલ્લા 70 દિવસથી ખેડૂતો આંદોલન કરી રહ્યા છે. જેમાં ખેડૂત નેતા રાકેશ ટીકેતે જણાવ્યું છે 6 ફેબ્રુઆરીએ દિલ્હીમાં કરવામાં આવેલા ધરણાં પ્રદર્શનને મોકૂફ રાખવામાં આવ્યો છે. તેમજ તેના બદલે દિલ્હી બહાર ત્રણ કલાક સુધી ચક્કાજામનો કાર્યક્રમ રાખવામાં આવશે.

આ ઉપરાંત ખેડૂત નેતા રાકેશ ટીકેતે ખેડૂતોના સમર્થન વિદેશી કલાકારો દ્વારા કરવામાં આવતા ટ્વિટ અંગે સવાલ પૂછતાં તેમણે જણાવ્યું કે તે કોઇ વિદેશી કલાકારને ઓળખતા નથી, પરંતુ તેઓ કોઈ અપેક્ષા વગર સમર્થન કરી રહ્યા છે. તેમણે એમ પણ કહ્યું હતું કે જો કોઇ લોકો આ ચક્કાજામમાં ફસાઈ જશે તો તેમને ખોરાક પાણી આપવાની વ્યવસ્થા પણ ખેડૂતો તરફથી કરવામાં આવશે. જ્યારે રાકેશ ટિકૈટને પૂછવામાં આવ્યું કે વડા પ્રધાન મોદીએ કહ્યું છે કે તેમની સરકાર ખેડૂતોથી માત્ર એક જ ફોન કોલ છે, તો પછી તેમણે કહ્યું કે તે કયો નંબર છે. મહેરબાની કરીને કહો, અમે વાત કરીશું. તેમણે કહ્યું કે સરકાર સાથે જે બનશે તે ખેડૂત સંગઠનોની કમિટી જ વાત કરશે.