બિહારમાં મોટી દુર્ઘટના ટળી, ટ્રેનના થઇ ગયા બે ભાગ, જીવ બચાવવા મુસાફરો મગધ એક્સપ્રેસમાંથી કૂદ્યા

13 કોચ એન્જિન સાથે આગળ ગયા હતા, જ્યારે 9 પાછળ રહી ગયા હતા. લોકો પાયલટને આ વાતની જાણ થતાં જ તેણે તાત્કાલિક ઇમરજન્સી બ્રેક લગાવી અને ટ્રેનને રોકી દીધી. ટ્રેન લગભગ 70 મીટર દૂર જઈને થંભી હતી,

બિહારમાં મોટી ટ્રેન દુર્ઘટના ટળી

Source : from social media

બિહારથી મોટી ટ્રેન દુર્ઘટનાના સમાચાર સામે આવ્યા છે. રવિવારે બપોરે પટના જઈ રહેલી મગધ એક્સપ્રેસને અકસ્માત નડ્યો હતો. મળતી માહિતી અનુસાર  ટ્રેનનું કપલિંગ તૂટવાને કારણે ટ્રેન બે ભાગમાં વહેંચાઈ ગઈ હતી. સારી વાત એ છે કે આ અકસ્માતમાં કોઈનું મોત થયું નથી. તેમજ કોઈને ગંભીર ઈજાપણ  થઈ નથી.

મગઘ એક્સપ્રેસ ટ્રેનનો અકસ્માત રઘુનાથપુર અને ટુડીગંજ સ્ટેશન વચ્ચે થયો હતો.

આ ટ્રેન દુર્ઘટના રઘુનાથપુર અને તુડીગંજ સ્ટેશન વચ્ચે થઈ હતી, જ્યાં ટ્રેનનું કપલિંગ અચાનક તૂટી ગયું હતું. આ પછી, એન્જિન પાછળના કેટલાક કોચ સિવાય બાકીના કોચ સાથે આગળ વધ્યું. અકસ્માત થતાં જ મુસાફરોમાં અફરાતફરીનો માહોલ સર્જાયો હતો અને છૂટી પડેલી  બોગીમાં બેઠેલા મુસાફરોમાં ગભરાટ ફેલાયો હતો. તેણે ચીસો પાડવા માંડી. આગળ આવેલી બોગી થોડે દૂર ટ્રેક પર દોડ્યા પછી અટકી ગઈ હતી.

મગધ એક્સપ્રેસ ટ્રેનના 13 ડબ્બા આગળ ગયા અને 9 પાછળ રહી ગયા

13 કોચ એન્જિન સાથે આગળ ગયા હતા, જ્યારે 9 પાછળ રહી ગયા હતા. લોકો પાયલટને આ વાતની જાણ થતાં જ તેણે તાત્કાલિક ઇમરજન્સી બ્રેક લગાવી અને ટ્રેનને રોકી દીધી. ટ્રેન લગભગ 70 મીટર દૂર જઈને થંભી ગઈ હતી, ત્યારબાદ રેલવે અધિકારીઓને દુર્ઘટનાની જાણકારી આપવામાં આવી. જેના કારણે ઘટનાસ્થળે પહોંચેલા અધિકારીઓએ ટ્રેનની ખામીઓ સુધારી હતી અને થોડા સમય બાદ ટ્રેનને આગળ મોકલવામાં આવી હતી.

અકસ્માત થતાં જ મુસાફરોએ બારીમાંથી કૂદવાનું શરૂ કરી દીધું હતું.

દુર્ઘટનાના સમાચાર મળતા જ ટ્રેનમાં બેઠેલા ઘણા મુસાફરો એટલા ડરી ગયા કે તેઓ બારીમાંથી કૂદવા લાગ્યા. આ દરમિયાન કેટલાક લોકોને નાની-મોટી ઈજાઓ થઈ હતી. જેથી ગેટમાંથી બહાર નીકળતી વખતે અનેક મુસાફરોમાં ફફડાટ ફેલાયો હતો. જોકે, સમાચાર મળતાં જ રેલવે પ્રોટેક્શન ફોર્સના ઈન્ચાર્જ ઈન્સ્પેક્ટર દીપક કુમારે પોલીસ ટીમને સ્થળ પર મોકલી અને લોકોને શાંત કર્યા હતા.