Aadhaar New Rules: UIDAI એ શરૂ કરી 5 નવી સેવાઓ, રાશન માટે ફેસ ઓથેન્ટિકેશન શરૂ!

આધાર કાર્ડ સંબંધિત કામગીરીને વધુ સરળ અને ડિજિટલ બનાવવા માટે યુનિક આઇડેન્ટિફિકેશન ઓથોરિટી ઓફ ઇન્ડિયા દ્વારા 17મા આધાર દિવસ નિમિત્તે 5 મોટા અને મહત્વપૂર્ણ ફેરફારોની જાહેરાત કરવામાં આવી છે.

uidai launches five new aadhaar services face authentication ration card

Source : ABPLIVE AI

Show Quick Read

Key points generated by AI, verified by newsroom

• UIDAI એ નાગરિકો માટે પાંચ નવી સેવાઓ શરૂ કરી.
• રાશન માટે ચહેરાની ઓળખ, કચેરી ટોકન સિસ્ટમ અમલમાં.
• ઓછા ઉપયોગવાળી સંસ્થાઓ માટે નવું માળખું રજૂ કરાયું.
• SWIK પોર્ટલ 2.0, નવી વેબસાઇટ સુવિધાઓ સાથે લૉન્ચ.

UIDAI new Aadhaar services: જો તમે આધાર કાર્ડ સંબંધિત સેવાઓનો નિયમિત ઉપયોગ કરો છો, તો તમારા માટે એક ખૂબ જ ઉપયોગી અને રાહતના સમાચાર છે. યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) દ્વારા આધાર સેવાઓને સામાન્ય નાગરિકો માટે પહેલા કરતાં વધુ સરળ, ઝડપી અને અનુકૂળ બનાવવાના ઉદ્દેશ્યથી 5 નવી અને આધુનિક સેવાઓ શરૂ કરવામાં આવી છે. પશ્ચિમ બંગાળના કોલકાતા ખાતે તાજેતરમાં 17મા આધાર દિવસ નિમિત્તે આયોજિત 'આધાર સંવાદ' કાર્યક્રમમાં આ નવી પહેલની સત્તાવાર જાહેરાત કરવામાં આવી હતી. આ ફેરફારોનો મુખ્ય હેતુ છેવાડાના માનવી સુધી ડિજિટલ સેવાઓની પહોંચ સુધારવાનો છે.

જાણો આ 5 નવી સેવાઓ અને તેના ફાયદાઓ વિશે વિગતવાર માહિતી:

1. રાશન મેળવવા માટે ચહેરાની ઓળખ (Face Authentication)

UIDAI દ્વારા ખાદ્ય અને જાહેર વિતરણ વિભાગ (DFPD) તેમજ રાષ્ટ્રીય માહિતી કેન્દ્ર (NIC) ના સહયોગથી e-PDS લાભાર્થીઓ માટે એક ક્રાંતિકારી સુવિધા શરૂ કરવામાં આવી છે. હવેથી રાશન લેતી વખતે અમુક કિસ્સાઓમાં ફિંગરપ્રિન્ટ (આંગળીઓની છાપ) ને બદલે ચહેરાની ઓળખથી પણ પ્રમાણીકરણ થઈ શકશે. ખાસ કરીને શ્રમિકો કે વૃદ્ધો જેમને ફિંગરપ્રિન્ટ મેચ થવામાં મુશ્કેલી પડે છે, તેમના માટે આ સુવિધા આશીર્વાદરૂપ સાબિત થશે. આ એક સંપૂર્ણપણે સંપર્ક રહિત અને ગ્રાહકની સંમતિ પર આધારિત સિસ્ટમ છે, જેને તમામ રાજ્યો અને કેન્દ્રશાસિત પ્રદેશો પોતાની ઈ-પીડીએસ (e-PDS) સિસ્ટમમાં સાંકળી શકે છે.

2. કચેરીની મુલાકાત માટે નવી ટોકન સિસ્ટમ

જે નાગરિકોને આધાર કાર્ડના કામકાજ માટે UIDAI ની પ્રાદેશિક કે રાજ્ય કક્ષાની કચેરીઓની રૂબરૂ મુલાકાત લેવાની જરૂર પડે છે, તેમના માટે 'નવી ટોકન મેનેજમેન્ટ સિસ્ટમ' અમલમાં મૂકવામાં આવી છે. આનાથી ઓફિસમાં થતી ભીડનું યોગ્ય સંચાલન થશે અને ઓફલાઇન સેવાઓનો લાભ લેવો નાગરિકો માટે ખૂબ જ સરળ બની જશે.

3. ઓછો ઉપયોગ કરતી સંસ્થાઓ માટે નવું ફ્રેમવર્ક

UIDAI એ સબ-AUA / સબ-KUA (લાઇટ) નામનું નવું ફ્રેમવર્ક પણ રજૂ કર્યું છે. આ સુવિધા મુખ્યત્વે એવી સરકારી અને લાયક બિન-સરકારી સંસ્થાઓ માટે છે, જેમને બહુ ઓછી માત્રામાં આધાર પ્રમાણીકરણની જરૂર પડતી હોય છે. આનો સૌથી મોટો ફાયદો એ છે કે આવી સંસ્થાઓએ પોતાનું અલગ પ્રમાણીકરણ માળખું વિકસાવવું પડશે નહીં, પરંતુ તેઓ હયાત ઇન્ફ્રાસ્ટ્રક્ચરનો જ ઉપયોગ કરી શકશે.

4. અત્યાધુનિક SWIK પોર્ટલ 2.0 લોન્ચ

આધાર પ્રમાણીકરણ પ્રક્રિયામાં સામેલ સંસ્થાઓની સુવિધા માટે SWIK પોર્ટલ 2.0 શરૂ કરવામાં આવ્યું છે. લાયકાત ધરાવતી બિન-સરકારી સંસ્થાઓ હવે આ પોર્ટલ મારફતે સંબંધિત સરકારી વિભાગ કે મંત્રાલયને પોતાની દરખાસ્તો સીધી ઓનલાઈન સબમિટ કરી શકશે. આ પોર્ટલનો મુખ્ય હેતુ આધાર પ્રમાણીકરણના ઉપયોગ માટેની અરજી પ્રક્રિયાને અત્યંત સરળ બનાવવાનો છે.

5. નવી સુવિધાઓથી સજ્જ વેબસાઇટ

નાગરિકોની સરળતા માટે UIDAI ની સત્તાવાર વેબસાઇટને નવી ડિઝાઇન સાથે લોન્ચ કરવામાં આવી છે. આ નવી વેબસાઇટ પર આધાર સંબંધિત માહિતી, જરૂરી દસ્તાવેજો અને સહાય ઝડપથી મળી રહેશે. દિવ્યાંગો અને વયોવૃદ્ધ નાગરિકોને ધ્યાનમાં રાખીને તેમાં 'સ્ક્રીન રીડર સપોર્ટ', ફોન્ટની સાઈઝ પોતાની અનુકૂળતા મુજબ નાની-મોટી કરવાની સુવિધા, સુધારેલો રંગ કોન્ટ્રાસ્ટ અને 'કીબોર્ડ નેવિગેશન' જેવી સુવિધાઓ ઉમેરવામાં આવી છે. હાલમાં આ વેબસાઇટ હિન્દી અને અંગ્રેજી સહિત કુલ 13 ભાષાઓને સપોર્ટ કરે છે, જેને ભવિષ્યમાં વધારીને 23 ભાષાઓમાં વિસ્તારવાની સરકારની યોજના છે.