West Bengal Assembly Election: પશ્ચિમ બંગાળમાં BJP એ જાહેર કરી ઉમેદવારોની બીજી યાદી, રુપા ગાંગુલીને મળી ટિકિટ  

પશ્ચિમ બંગાળ વિધાનસભા ચૂંટણીની તારીખોની જાહેરાત બાદ ભારતીય જનતા પાર્ટી (BJP) એ ઉમેદવારોની બીજી યાદી જાહેર કરી છે.

BJP એ જાહેર કરી ઉમેદવારોની બીજી યાદી

Source : તસવીર સોશિયલ મીડિયા

West bengal assembly election 2026 : પશ્ચિમ બંગાળ વિધાનસભા ચૂંટણીની તારીખોની જાહેરાત બાદ ભારતીય જનતા પાર્ટી (BJP) એ ઉમેદવારોની બીજી યાદી જાહેર કરી છે. આ યાદીમાં 111 ઉમેદવારોના નામનો સમાવેશ થાય છે. રૂપા ગાંગુલી પણ ભાજપની ટિકિટ પર ચૂંટણી લડી રહ્યા છે. ભાજપે બીજી યાદીમાં 111 ઉમેદવારોના નામનો સમાવેશ કર્યો છે. ભૂતપૂર્વ રાજ્યસભા સાંસદ રૂપા ગાંગુલી સોનાપુર દક્ષિણથી ચૂંટણી લડશે. 

भाजपा की केंद्रीय चुनाव समिति ने पश्चिम बंगाल विधानसभा चुनाव 2026 के लिए अपनी दूसरी सूची में निम्नलिखित उम्मीदवारों के नामों पर अपनी स्वीकृति प्रदान की। (1/2) pic.twitter.com/sCdVdulkM8

— BJP (@BJP4India) March 19, 2026

પશ્ચિમ બંગાળ વિધાનસભા ચૂંટણી માટે ભાજપે 111 ઉમેદવારોની બીજી યાદી જાહેર કરી છે. પાર્ટીએ બિશુનપુર વિધાનસભા બેઠક માટે પોતાના ઉમેદવાર બદલ્યા છે. આ સિવાય   જોયપુરથી એક એવા ઉમેદવારનું નામ પણ ભાજપે પોતાની યાદીમાં જાહેર કર્યું છે જેને ભાજપ સમર્થન કરી રહ્યું છે. 

ભૂતપૂર્વ સાંસદ અર્જુન સિંહ ભાજપની ટિકિટ પર નોઆપારા વિધાનસભા બેઠક પરથી ચૂંટણી લડશે. વધુમાં, પહેલી યાદીમાંથી એક નામ બદલાયું છે. બિશ્વજીત ખાનને બિષ્ણુપુર (SC) બેઠક માટે ઉમેદવાર બનાવવામાં આવ્યા છે. અગાઉ, પાર્ટીએ અગ્નિશ્વર નાસ્કરને ટિકિટ આપી હતી. ભાજપે જોયપુર બેઠક પર બિશ્વજીત મહતોને ટેકો આપવાની જાહેરાત કરી છે. તેઓ ભાજપ સમર્થિત ઉમેદવાર હશે. થોડા દિવસો પહેલા, તૃણમૂલ કોંગ્રેસે પણ 291 બેઠકો માટે તેના તમામ ઉમેદવારોના નામ જાહેર કર્યા હતા.

ભાજપે પોતાની પહેલી યાદીમાં 144 નામ જાહેર કર્યા હતા

ભાજપે પશ્ચિમ બંગાળ ચૂંટણી માટે પોતાની પહેલી યાદીમાં 144 નામ જાહેર કર્યા હતા.  ભારતીય જનતા પાર્ટી (BJP) એ  સુવેન્દુ અધિકારી અને દિલીપ ઘોષને મેદાનમાં ઉતાર્યા છે. ભારતીય જનતા પાર્ટીએ નંદીગ્રામ અને ભવાનીપુર બેઠક પરથી શુભેંદુ અધિકારીને બે બેઠક પરથી ચૂંટણી મેદાનમાં ઉતાર્યા છે.

બંગાળમાં ચૂંટણી ક્યારે યોજાશે?

ચૂંટણી પંચે 15 માર્ચે ચૂંટણી કાર્યક્રમ જાહેર કરી દીધો છે. નોંધનીય છે કે, લાંબા સમય પછી બંગાળમાં આઠ તબક્કા (જેમ કે 2021 માં હતું) ને બદલે માત્ર બે જ તબક્કામાં મતદાન થવા જઈ રહ્યું છે:

પ્રથમ તબક્કો: 23 એપ્રિલના રોજ મતદાન થશે.

બીજો તબક્કો: 29 એપ્રિલના રોજ મતદાન થશે.

પરિણામ: બધી જ 294 બેઠકોના પરિણામ 4 મેના રોજ એકસાથે જાહેર કરવામાં આવશે.

ચૂંટણી પંચે દેશના 5 રાજ્યો અને કેન્દ્રશાસિત પ્રદેશો (આસામ, કેરળ, પુડુચેરી, તમિલનાડુ અને પશ્ચિમ બંગાળ) ની વિધાનસભા ચૂંટણીઓનો કાર્યક્રમ સત્તાવાર રીતે જાહેર કરી દીધો છે. 2026ની પશ્ચિમ બંગાળ વિધાનસભા ચૂંટણી માટે મતગણતરી 4 મેના રોજ થશે. આસામ, કેરળ, તમિલનાડુ અને પુડુચેરીના ચૂંટણી પરિણામો પણ તે જ દિવસે જાહેર કરવામાં આવશે. 2024 ની બંગાળ વિધાનસભા ચૂંટણીમાં, મમતા બેનર્જીના નેતૃત્વ હેઠળની તૃણમૂલ કોંગ્રેસે 215  બેઠકો જીતી હતી, જ્યારે ભારતીય જનતા પાર્ટી 77 બેઠકો સાથે મુખ્ય વિપક્ષી પક્ષ તરીકે ઉભરી આવી હતી. ચૂંટણીની તારીખોની જાહેરાત થતાંની સાથે જ આ તમામ રાજ્યોમાં આદર્શ આચારસંહિતા (Model Code of Conduct) લાગુ થઈ ગઈ છે.