Rajkot Rain: રાજકોટ-શાપર હાઈવે પર વીજળીના કડાકા સાથે કરાનો વરસાદ

આજે વહેલી સવારથી જ રાજ્યના અનેક જિલ્લાઓમાં કમોસમી વરસાદ વરસી રહ્યો છે. અનેક જિલ્લામાં કરા સાથે ધોધમાર વરસાદ પડ્યો છે. રાજકોટ જિલ્લામાં સવારથી જ વરસાદી માહોલ છે.

પ્રતિકાત્મક તસવીર

રાજકોટ: આજે વહેલી સવારથી જ રાજ્યના અનેક જિલ્લાઓમાં કમોસમી વરસાદ વરસી રહ્યો છે. અનેક જિલ્લામાં કરા સાથે ધોધમાર વરસાદ પડ્યો છે. રાજકોટ જિલ્લામાં સવારથી જ વરસાદી માહોલ છે. રાજકોટ જિલ્લાના અનેક તાલુકાઓમાં કમોસમી વરસાદ વરસ્યો છે. રાજકોટ નેશનલ હાઇવે પર કરા સાથે વરસાદ પડ્યો છે. શાપરમાં  કરા સાથે વરસાદ વરસ્યો છે.  

વરસાદ વરસતા ખેતરમાં ઉભેલા પાકને નુકસાન થયું છે.  કારખાનાઓમાં પતરા તેમજ કારના કાચ તૂટી ગયા હોવાનું પણ સામે આવ્યું છે.   રાજકોટ હાઈવે પર બપોર બાદ ગાજવીજ સાથે ધોધમાર વરસાદ પડ્યો છે.  ગાજવીજ સાથે ભારે વરસાદ પડતા શિયાળામાં ચોમાસા જેવો માહોલ જોવા મળી રહ્યો છે.  

રાજકોટ જિલ્લાના ધોરાજી ગ્રામ્ય વિસ્તારમાં પણ ગાજવીજ સાથે વરસાદ પડતાં  ચોમાસા જેવો માહોલ સર્જયો હતો. ધોરાજીના કલાણા. છત્રાસા. પાટણવાવ. ભોળા ગામ સહિત ગ્રામ્ય વિસ્તારમા ભારે વરસાદ પડતાં ખેડૂતોની ચિંતા વધી છે. ઉપલેટાના ગ્રામ્ય પંથક મોટી પાનેલી, કોલકી, ડુમિયાણી, રબારીકા, ખારચીયા સહિતના ગામોમાં વરસાદ પડતાં  જીરુ, ચણા, મગફળી કપાસ સહિતના પાકને નુકસાનની ભીતિ સેવાઇ રહી છે.                                                                     
ગોંડલ તાલુકામાં ખેડૂતોને નુકસાન

ડલમાં ગાજવીજ સાથે કમૌસમી વરસાદ વરસતાં ગોંડલ માર્કેટ યાર્ડમાં ખુલ્લામાં પડેલ વેપારીઓની કપાસ,ડુંગળી,મરચા સહિતની જણસીઓ પલળી જતાં નુકસાન થયુ છે. જોકે કમોસમી વરસાદની આગાહીને કારણે માર્કેટ યાર્ડ સત્તાધીશોએ યાર્ડમાં ખેડૂતોને માલ નહી લઈને આવવાની સૂચના આપી હતી. યાર્ડ સત્તાધીશોએ આપેલ સૂચનાઓનું વેપારીઓ અણગણતા જણસીને ભારે નુકસાન થયું છે. યાર્ડમાં વેપારીઓના વ્યાપક પ્રમાણમાં મરચા પલળી ગયાના અહેવાલ છે.રાજકોટ જિલ્લાના કોટડા સાંગાણી તાલુકાના અલગ અલગ ગામડાઓમાં કરા સાથે વરસાદ પડ્યો. રામોદ બગદાડિયા અને આસપાસના ગ્રામ્ય વિસ્તારમાં  પણ કરા સાથે ધોધમાર વરસાદ પડતા પડતાં વાતાવરણમાં ઠંડક પ્રસરી ગઇ હતી .

બરફવર્ષા થતા કાશ્મીર જેવા દ્રશ્યો

આજે વહેલી સવારથી જ રાજ્યના અનેક જિલ્લાઓમાં વરસાદ વરસી રહ્યો છે. આ દરમિયાન રાજકોટ-અમદાવાદ હાઇવે પર ખૂબ જ શાનદાર નજારો જોવા મળ્યો હતો, અહીં બરફવર્ષા થતા કાશ્મીર જેવા દ્રશ્યો જોવા મળ્યા હતા. બરફ જોવા માટે લોકો ઉમટી પડ્યા હતા.  રસ્તા પરથી પસાર થતા લોકોએ પણ અહી ગાડી ઉભી રાખી બરફનો આનંદ માણ્યો હતો.