સુરતમાં બાળકી પર દુષ્કર્મના કેસમાં માત્ર 5 મહિનામાં મળ્યો ન્યાય, કોર્ટે આજે સંભળાવી ફાંસીની સજા

સુરતમાં ગત ફેબ્રુઆરી મહિનામાં 2 વર્ષિય બાળકી પર દુષ્કર્મની ઘટનામાં ઓરોપીને કોર્ટે ફાંસીની સજા સંભળાવી છે.

સુરત: સચિન વિસ્તારમાં 5 મહિના  પહેલા 2 વર્ષીય બાળકી સાથે દુષ્કર્મની ઘટનામાં પીડિત પરિવારને ન્યાય મળ્યો છે. કોર્ટે આરોપીને  ફાંસીની સજા સંભળાવી છે. 

 ઉલ્લેખનિય છે કે, સુરતના સચિન વિસ્તારમાં 27 ફેબ્રુઆરે  યુસુફ ઈસ્માઈલ નામના શખ્સે  2 વર્ષની બાળકી પર  દુષ્કર્મ ગુજાર્યું હતું. આ કેસમાં માત્ર 11 દિવસમાં ચાર્જશીટ બાદ  ટ્રાયલ શરૂ થઇ હતી. માત્ર પાંચ મહિનામાં જ  દોષિતને ફાંસી સજા આપવામાં આવી છે.  કોર્ટના ચુકાદા બાદ પીડિત પરિવારે પીડિતાને  ન્યાય મળ્યો હોવાનો સંતોષ વ્યક્ત કર્યો છે.  સુરત પોલીસની કાર્યવાહી અને ન્યાયપાલિકાની સતર્કતાથી સત્વરે આવેલા આ ચુકાદાને પરિવારે આવકાર્યો છે. ગણતરીના દિવસોમાં જ ન્યાય અપાવવામાં સુરત પોલીસને સફળતા મળી છે.                                           

શું બની હતી સમગ્ર

27 ફેબ્રુઆરીના રોજ 2 વર્ષની બાળકીને  રમાડવા લઈ  ગયો હતો. બાદ આરોપી  યુસુફએ  બાળકી સાથે દુષ્કર્મ કર્યું હતું , આટલુ જ નહી દુષ્કર્મ બાદ  બાળકીની હત્યા પણ  કરી હતી. ઈસ્માઈલે બાળકીના શરીર પર અલગ અલગ જગ્યાએ ઈજા પહોંચાડી હતી. પેટના ભાગે છરી મારી હતી. રેપ વિથ મર્ડરની આ ઘટનામાં સુરતની સેશન્સ કોર્ટે  આરોપી યુસુફ ઇસ્માઈલને દોષિત જાહેર કર્યો હતો. જ્યારે આજે કોર્ટે ચુકાદો આપતા આરોપીને ફાંસીની સજા સંભળાવી છે. તેમજ જ ભોગ બનનારના પરિવારને 10 લાખનું વળતરનો હુકમ કર્યો છે.

                                                                                        

આ પણ વાંચો