TRP Game zone Fire: હાઇકોર્ટે કર્યો સવાલ કઇ જોગવાઇ હેઠળ ગેમ ઝોન ચલવાવાવની અપાઇ પરમિશન? આ માનવસર્જિત ડિઝાસ્ટર
કોર્ટે કહ્યું કે, ગેમિંગ ઝોનની રચના અને સંચાલન અંગે બેદરકારી દાખવવામાં આવી છે. ગેમિંગ ઝોન ચલાવવા માટે યોગ્ય નિયમોનું પાલન કરવામાં આવ્યું નથી
TRP Game zone Fire:રાજકોટ ગેમિંગ ઝોનમાં થયેલા અકસ્માતમાં બાળકોના મોત અંગે ગુજરાત હાઈકોર્ટે સ્યંમ સંજ્ઞાન લઇને સુઓમોટો લીધું છે. કોર્ટે રાજ્ય સરકાર અને મ્યુનિસિપલ કોર્પોરેશનના અધિકારીઓને પૂછ્યું છે કે આ વિસ્તારમાં ગેમિંગ ઝોન ચલાવવાની પરવાનગી કઈ જોગવાઈ હેઠળ આપવામાં આવી હતી.
રાજકોટમાં ગેમિંગ ઝોનની ઘટના અંગે ગુજરાત હાઈકોર્ટે સુઓ મોટુ સંજ્ઞાન લીધું છે. રાજકોટના ગેમિંગ ઝોનમાં બાળકો સહિત 27 લોકોએ જીવ ગુમાવ્યા છે. આ અંગે હાઈકોર્ટે કહ્યું છે કે આ માનવસર્જિત આફત છે. હાઈકોર્ટે પૂછ્યું છે કે ગેમિંગ ઝોન ચલાવવાની પરવાનગી કઈ જોગવાઈ હેઠળ આપવામાં આવી છે. આ મામલે રાજ્ય સરકાર અને મ્યુનિસિપલ કોર્પોરેશનના અધિકારીઓ પાસેથી જવાબ માંગવામાં આવ્યા છે. આ મામલે સોમવારે ફરી સુનાવણી થશે.
નિયમોનું પાલન કરવામાં આવ્યું ન હતું
કોર્ટે કહ્યું કે, ગેમિંગ ઝોનની રચના અને સંચાલન અંગે બેદરકારી દાખવવામાં આવી છે. ગેમિંગ ઝોન ચલાવવા માટે યોગ્ય નિયમોનું પાલન કરવામાં આવ્યું નથી. કોર્ટે આ મામલે અમદાવાદ, વડોદરા, સુરત અને રાજકોટ મ્યુનિસિપલ કોર્પોરેશન પાસેથી સ્પષ્ટતા માંગી છે. કોર્ટે કહ્યું છે કે મહાનગરપાલિકાએ જવાબ આપવો જોઈએ કે ગેમિંગ ઝોન ચલાવવાની પરવાનગી કયા કાયદા હેઠળ આપવામાં આવી હતી.
હાઈકોર્ટે એક દિવસમાં તમામ માહિતી આપવાનો આદેશ કર્યો છે. આ સાથે કોર્ટે ફાયર સેફ્ટીના નિયમોના પાલન અંગે જવાબ માંગ્યો છે. રાજ્ય સરકાર અને મહાનગરપાલિકાએ સોમવારે કોર્ટમાં જવાબ આપવો પડશે.
રાજકોટ અકસ્માતની તપાસ SIT કરશે
રાજકોટમાં TRP ગેમિંગ ઝોનની ઘટનાની તપાસ માટે રાજ્ય સરકાર દ્વારા 5 સભ્યોની SITની રચના કરવામાં આવી છે. શનિવારે થયેલા અકસ્માતમાં 27 લોકો જીવતા ભૂજાયા હતા. જેમાં 9 બાળકોનો સમાવેશ થાય છે. SIT આ કેસનો તપાસ રિપોર્ટ તૈયાર કરીને 72 કલાકમાં રાજ્ય સરકારને સોંપશે. રાજકોટ ગેમિંગ ઝોનમાં ભીડને આકર્ષવા માટે 99 રૂપિયાની એન્ટ્રી ફી રાખવામાં આવી હતી તે કિસ્સામાં પણ આ મુદ્દો મહત્વપૂર્ણ છે.
ટ્રેન્ડિંગ સમાચાર
ટોપ સ્ટોરી
