![ABP Premium](https://cdn.abplive.com/imagebank/Premium-ad-Icon.png)
Nadiad : 25 વર્ષના યુવકને 60 વર્ષનાં કાકી સાથે બંધાયા શરીર સંબંધ, દિવસ-રાત કાકીને ત્યાં પડ્યો રહીને માણતો શરીર સુખ ને પત્નિને.......
ખેડાના એક ગામમાં 25 વર્ષીય યુવકને તેની 60 વર્ષીય કાકી સાથે સંબંધ હોવાથી તે તેની પત્નીને શારીરિક અને માનસિક ત્રાસ આપતો હતો. મહિલાએ પોતાનું લગ્નજીવન બચાવવા માટે અભયમની ટીમ પાસે મદદ માગી હતી.
![Nadiad : 25 વર્ષના યુવકને 60 વર્ષનાં કાકી સાથે બંધાયા શરીર સંબંધ, દિવસ-રાત કાકીને ત્યાં પડ્યો રહીને માણતો શરીર સુખ ને પત્નિને....... Nadiad : A 25 year old man affair with her aunt Nadiad : 25 વર્ષના યુવકને 60 વર્ષનાં કાકી સાથે બંધાયા શરીર સંબંધ, દિવસ-રાત કાકીને ત્યાં પડ્યો રહીને માણતો શરીર સુખ ને પત્નિને.......](https://static.abplive.com/wp-content/uploads/sites/7/2019/01/25101243/2-1-sex-marital-affair.jpg?impolicy=abp_cdn&imwidth=1200&height=675)
નડિયાદઃ ખેડાના એક ગામમાં કાકી-ભત્રીજાના પ્રેમ સબંધનો એક કિસ્સો સામે આવતા ભારે ચકચાર મચી ગઈ છે. 25 વર્ષીય પરિણીત ભત્રીજો 60 વર્ષના કાકીના પ્રેમમા પડ્યો હતો. આ અફેરના કારણે પત્નીનું માનસિક શોષણ કરતો હતો. ત્યારે મહિલાએ પોતાના લગ્ન બચાવવા માટે અનેક પ્રયાસ નિષ્ફળ રહ્યા અને પતિની હરકતોથી કંટાળીને અભયમની ટીમ પાસે મદદ માંગી હતી.
આ અંગેની વિગતો એવી છે કે, ખેડાના એક ગામમાં 25 વર્ષીય યુવકને તેની 60 વર્ષીય કાકી સાથે સંબંધ હોવાથી તે તેની પત્નીને શારીરિક અને માનસિક ત્રાસ આપતો હતો. મહિલાએ પોતાનું લગ્નજીવન બચાવવા માટે અભયમની ટીમ પાસે મદદ માગી હતી. મહિલાના લગ્નના થોડા સમય સુધી ઘરસંસાર સારો ચાલ્યો હતો. દરમિયાન તેમનાં બે સંતાન થયાં હતાં, પરંતુ લગ્નના ચોથા વર્ષથી પતિએ તેને ત્રાસ આપવાનું શરૂં કરી દીધું હતું. મહિલાનો પતિ તેને ઘર ખર્ચ માટેના પૈસા આપતો નહોતો અને જો તે મજૂરી માટે જાય તો તેના પર વહેમ રાખીને મારઝૂડ કરતો હતો.
આ ત્રાસથી મહિલા કંટાળીને પિયર જતી રહી હતી, ત્યારે સાસુ-સસરાએ આવીને પતિ સુધરી જશે એવું આશ્વાસન આપ્યું હતું. જેથી તે સાસરીમાં પરત આવી ગઈ હતી. દરમિયાન તેને જાણવા મળ્યું કે પતિને બીજા કોઈ સાથે નહીં, પણ પાડોશમાં રહેતી તેની 60 વર્ષીય કાકી સાથે જ આડોસંબંધ છે, એટલે તે તેને હેરાન કરતો હતો. પતિની બેરશરમી એટલી બધી વધી ગઈ કે તે દિવસ-રાત કાકીને ત્યાં રહેતો હતો અને ઘરે પણ આવતો નહોતો. જ્યારે તેમની દીકરીની તબિયત બગડી ગઈ હતી ત્યારે પણ મહિલાના પતિએ તેની સારવાર માટે પૈસા આપ્યા નહોતા.
બીજા દિવસે જ્યારે તેના કાકી બીમાર થયાં, ત્યારે તે તરત જ તેમને લઈને દવાખાને પહોંચી ગયો હતો. આમ, પતિ અને તેના કાકીના સંબંધોને કારણે મહિલાનો ઘરસંસાર તૂટવાની આરે આવી ગયો હતો. એટલે મહિલાએ પોતાનો ઘરસંસાર બચાવવા માટે 181 અભયમ ટીમ પાસે મદદ માગી હતી.
અભયમની ટીમે પતિ-પત્નીનું કાઉન્સેલિંગ કરીને તેમના લગ્નજીવનને વધુ એક તક આપવા સમજાવ્યું હતું અને જો યુવક નહીં સુધરે તો તેના વિરુદ્ધ દંડાત્મક કાર્યવાહી કરવાનો ઠપકો આપ્યો હતો. અભયમની ટીમની વાત સાંભળ્યા પછી પ્રેમાંધ યુવકની આંખ ઉઘડી હતી અને તેણે હવે પત્ની તેમજ પરિવાર સાથે યોગ્ય વર્તાવ કરવાની ખાતરી આપી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)