Vadodara: મુંબઈની હૉટલમાં વડોદરાની યુવતી પર સામૂહિક દુષ્કર્મનો પ્રયાસ, બે આરોપી ઝડપાયા, ત્રણ ફરાર
Mumbai Hotel Crime: વડોદરાની યુવતીને મુંબઈની હોટલમાં લઈ જઈ નશાકારક પદાર્થ પીવડાવીને તેની સાથે સામૂહિક દુષ્કર્મ આચરવાનો પ્રયાસ કરવામાં આવ્યો હતો

- મુંબઈ હોટલમાં યુવતીને નશો કરાવી દુષ્કર્મ પ્રયાસ થયો.
- વાપી નજીક તબિયત બગડતા તબીબોએ પોલીસને જાણ કરી.
- પાંચ યુવકો સામે ગુનો, બે આરોપીઓની ધરપકડ થઈ.
Mumbai Hotel Crime: મુંબઈની એક હોટલમાં વડોદરાની યુવતીને નશાનું સેવન કરાવી સામૂહિક દુષ્કર્મ કરવાનો પ્રયાસ કરાતાં ચકચાર મચી છે. પરત ફરતી વખતે વાપી નજીક યુવતીની તબિયત લથડતાં તબીબોની આશંકાના આધારે વાપીની ડુંગરા પોલીસે વડોદરા અને સુરતના પાંચ યુવકો સામે ગુનો નોંધી બે આરોપીઓની ધરપકડ કરી છે, જ્યારે ત્રણ ફરાર છે.
વડોદરાની યુવતીને મુંબઈની હોટલમાં લઈ જઈ નશાકારક પદાર્થ પીવડાવીને તેની સાથે સામૂહિક દુષ્કર્મ આચરવાનો પ્રયાસ કરવામાં આવ્યો હતો. આ ગુનામાં વડોદરા અને સુરત નિવાસી સફાન ઝફર શેખ, ફરીદ વાહીદ કોઠીયાવાલા, ફૈઝાન, વસીમ અને સલમાન નામના પાંચ યુવકોની સંડોવણી સામે આવી છે. મુંબઈથી પરત ફરતી વખતે વાપી નજીક પહોંચતાં જ યુવતીની તબિયત ગંભીર રીતે લથડી હતી, જેથી તેને તાત્કાલિક સારવાર અર્થે વાપીની હોસ્પિટલમાં ખસેડવામાં આવી હતી. સારવાર દરમિયાન તબીબોને ઘટના અંગે શંકા જતાં તેમણે વિલંબ કર્યા વગર પોલીસને જાણ કરી હતી. ઘટનાની ગંભીરતાને ધ્યાને લઈ વાપીના ડુંગરા પોલીસે પાંચેય યુવકો વિરુદ્ધ ગુનો દાખલ કર્યો હતો. પોલીસે ત્વરિત કાર્યવાહી કરીને સફાન શેખ અને ફરીદ કોઠીયાવાલા નામના બે આરોપીઓની અટકાયત કરી લીધી છે, જ્યારે ફૈઝાન, વસીમ અને સલમાન હાલ પોલીસ પકડથી દૂર હોવાથી તેમને ઝડપી પાડવા ચક્રો ગતિમાન કર્યા છે.
આ ઘટના દર્શાવે છે કે શંકાસ્પદ સંજોગોમાં હોસ્પિટલ અને પોલીસનું સમયસરનું સંકલન ગુનેગારોને પકડવામાં કેટલું મહત્વનું છે. પોલીસની આ ત્વરિત કાર્યવાહીથી પીડિતાને ઝડપી ન્યાય મળશે અને ફરાર આરોપીઓની ધરપકડ બાદ ઘટના પાછળનું સંપૂર્ણ સત્ય બહાર આવશે.
Before You Go
કચ્છ રણોત્સવમાં સફેદ રણ ખીલી ઉઠ્યુ, પ્રવાસી માટે કરાઇ આ વિશેષ વ્યવસ્થા





















