Russia Earthquake: ભૂકંપ બાદ સામે આવ્યા તબાહીના વીડિયો, ડરના માહોલમાં લોકો
સોશિયલ મીડિયા પર ભૂકંપ સંબંધિત એક વીડિયો શેર કરવામાં આવ્યો છે.
રશિયાના પૂર્વ કિનારા પર ભૂકંપના તીવ્ર આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 8.7 માપવામાં આવી હતી. રોઇટર્સના અહેવાલ મુજબ, ભૂકંપને કારણે સુનામીની ચેતવણી પણ જાહેર કરવામાં આવી છે. સોશિયલ મીડિયા પર ભૂકંપ સંબંધિત એક વીડિયો શેર કરવામાં આવ્યો છે, જેમાં એક દુકાનની અંદર વિનાશનું દ્રશ્ય દેખાય છે. ભૂકંપને કારણે અચાનક ધરતી ધ્રુજવા લાગી અને દુકાનની અંદર રાખેલો બધો સામાન નીચે પડતો જોવા મળ્યો હતો.
🚨🚨BREAKING NEWS… Earthquake now UPGRADED by USGS to an incredible 8.7 magnitude. The quake struck off eastern coast of Russia. Fear of a significant tsunami continue. DEVELOPING… #earthquake #tsunami #Russia #Japan #Hawaii #Alaska pic.twitter.com/pjYsp037pb pic.twitter.com/ozcR8Eh5C2
— world wise (@WorldWiseHQ) July 30, 2025
USGS અનુસાર, ભૂકંપનું કેન્દ્ર કમચટકા દ્વીપકલ્પમાં પેટ્રોપાવલોવસ્કથી લગભગ 136 કિલોમીટર પૂર્વમાં હતું, જેની ઊંડાઈ 19 કિલોમીટર હતી. આ તાજેતરના સમયમાં સૌથી ભયંકર ભૂકંપ હતો. USGS એ જણાવ્યું હતું કે ખતરનાક સુનામી મોજા રશિયા અને જાપાનના દરિયાકાંઠાના વિસ્તારો સુધી પહોંચી શકે છે. અમેરિકામાં અલાસ્કા સહિત ઘણા વિસ્તારો માટે સુનામીની ચેતવણી જાહેર કરવામાં આવી છે. X પર ભૂકંપનો એક વીડિયો શેર કરવામાં આવ્યો છે, જે ભૂકંપની ભયંકર અસર દર્શાવે છે. રશિયામાં ઘણી જગ્યાએ વિનાશ થયો છે.
Breaking - 8.7 Magnitude Earthquake off Russia’s Kamchatka Peninsula.
— Kevin W. (@Brink_Thinker) July 30, 2025
Tsunami warning for Hawaii and watches along the West Coast of United States.#earthquake #russia
pic.twitter.com/wakpQzpgFe
રશિયામાં વધુ ભૂકંપ કેમ આવે છે?
રશિયા ટેક્ટોનિક પ્લેટોના કિનારા પર સ્થિત છે, જેના કારણે કેટલાક વિસ્તારોમાં વધુ ભૂકંપ આવે છે. રશિયાનો પૂર્વ ભાગ પેસિફિક પ્લેટ અને યુરેશિયન પ્લેટ વચ્ચે છે, જે રિંગ ઓફ ફાયરનો ભાગ છે. આ વિસ્તાર ટેક્ટોનિક પ્રવૃત્તિઓ માટે જાણીતો છે, જેના કારણે ભૂકંપ અને જ્વાળામુખી ફાટી નીકળે છે. કમચટકા અને કુરિલ ટાપુઓ પર ઘણી વખત ભૂકંપ આવ્યા છે.
2008માં ભૂકંપને કારણે 13 લોકો મૃત્યુ પામ્યા હતા
2008માં રશિયાના દક્ષિણ ભાગમાં સ્થિત ચેચન્યામાં 5.8 ની તીવ્રતાનો ભૂકંપ આવ્યો હતો. 11 ઓક્ટોબરના રોજ આવેલા ભૂકંપને કારણે 13 લોકો મૃત્યુ પામ્યા હતા, જ્યારે 100 લોકો ઘાયલ થયા હતા. આ પછી 2013માં પણ એક ભયંકર ભૂકંપ આવ્યો હતો.
ટોપ સ્ટોરી
ટ્રેન્ડિંગ સમાચાર
