Lebanon: બુલેટપ્રુફ જેકેટ પહેરીને લેબનોન પહોંચ્યા ઈઝરાયલના વડાપ્રધાન નેતન્યાહૂ, કહ્યું- 'યુદ્ધ ચાલુ રહેશે'

Lebanon:  ઇઝરાયલી વડાપ્રધાન બેન્જામિન નેતન્યાહૂએ રવિવારે દક્ષિણ લેબનોનની મુલાકાત લીધી હતી

બુલેટપ્રુફ જેકેટ પહેરીને લેબનોન પહોંચ્યા ઈઝરાયલના વડાપ્રધાન નેતન્યાહૂ

Source : Photo: X/Screengrab

Lebanon:  ઇઝરાયલી વડાપ્રધાન બેન્જામિન નેતન્યાહૂએ રવિવારે દક્ષિણ લેબનોનની મુલાકાત લીધી હતી અને ત્યાં ઇઝરાયલી સૈનિકો સાથે વાતચીત કરી હતી. બુલેટપ્રૂફ જેકેટ પહેરીને નેતન્યાહૂએ કહ્યું હતું કે ઇઝરાયલી સેનાએ હિઝબુલ્લાહ આતંકવાદીઓ દ્વારા હુમલાના ખતરાને સમાપ્ત કરી દીધો છે. 

היום בלבנון עם הלוחמים הגיבורים שלנו pic.twitter.com/ycjhdZDNIL

— Benjamin Netanyahu - בנימין נתניהו (@netanyahu) April 12, 2026

નેતન્યાહૂ ફ્લેક વેસ્ટ પહેર્યું હતું જે એક પ્રકારે બોડી આર્મર છે. તેને ઓછી સ્પીડ ધરાવતા પ્રોજેક્ટાઈલથી બચવા માટે ડિઝાઈન કરવામાં આવ્યું છે. નેતન્યાહૂના સોશિયલ મીડિયા હેન્ડલ પર પોસ્ટ કરાયેલા એક વીડિયોમાં નેતન્યાહૂએ કહ્યું કે લેબનોનમાં યુદ્ધ ચાલુ છે, જેમાં લેબનોનની અંદર સુરક્ષા ક્ષેત્રનો પણ સમાવેશ થાય છે. નેતન્યાહૂ માસ્ક પહેરેલા સૈનિકોથી ઘેરાયેલા જોવા મળ્યા હતા. ઇઝરાયલી વડાપ્રધાન સાથે સંરક્ષણ પ્રધાન ઇઝરાયલ કાત્ઝ પણ હાજર હતા.

નેતન્યાહૂએ વધુમાં કહ્યું હતું કે, "અમે જે જોઈ રહ્યા છીએ તે એ છે કે અમે આ સુરક્ષા ક્ષેત્ર દ્વારા લેબનોનથી હુમલાના ભયને નિષ્ફળ બનાવ્યો છે." આ અઠવાડિયાની શરૂઆતમાં નેતન્યાહૂએ જાહેરાત કરી હતી કે તેમણે શક્ય તેટલી વહેલી તકે લેબનોન સાથે સીધી વાતચીતને મંજૂરી આપી છે. 1948માં ઇઝરાયલની સ્થાપના થઈ ત્યારથી ઇઝરાયલ અને લેબનોન તકનીકી રીતે યુદ્ધમાં છે.

'લેબનોન સાથે કોઈ યુદ્ધવિરામ નથી'

ઇઝરાયલી વડા પ્રધાને પાછળથી કહ્યું કે લેબનોન અને ઇઝરાયલ વચ્ચે કોઈ યુદ્ધવિરામ નથી. એક વીડિયો નિવેદનમાં તેમણે કહ્યું કે જ્યાં સુધી ઉત્તર ઇઝરાયલમાં સુરક્ષા ફરીથી સ્થાપિત ન થાય ત્યાં સુધી ઇઝરાયલ હિઝબુલ્લાહ પર હુમલો કરવાનું ચાલુ રાખશે. હું તમને કહેવા માંગુ છું કે, લેબનોનમાં કોઈ યુદ્ધવિરામ નથી. અમે સંપૂર્ણ તાકાતથી હિઝબુલ્લાહ પર હુમલો કરવાનું ચાલુ રાખીએ છીએ અને જ્યાં સુધી અમે તમારી સુરક્ષા ફરીથી સ્થાપિત ન કરીએ ત્યાં સુધી અમે અટકીશું નહીં."

નેતન્યાહૂએ વધુમાં જણાવ્યું હતું કે, "વાટાઘાટોનો ધ્યેય હિઝબુલ્લાહને નિઃશસ્ત્ર કરવાનો અને ઇઝરાયલ અને લેબનોન વચ્ચે ઐતિહાસિક શાંતિ કરાર પ્રાપ્ત કરવાનો છે. લેબનોન સરકારની વારંવારની વિનંતીઓ બાદ ગઈકાલે રાત્રે મેં મંત્રીમંડળને બે ધ્યેયો પ્રાપ્ત કરવા માટે લેબનોન સાથે સીધી વાટાઘાટો શરૂ કરવાનો નિર્દેશ આપ્યો: પ્રથમ હિઝબુલ્લાહને નિઃશસ્ત્ર કરવાનો. બીજું, ઇઝરાયલ અને લેબનોન વચ્ચે ઐતિહાસિક શાંતિ કરાર." તેમણે કહ્યું છે કે તેઓ એક શાંતિ કરાર ઇચ્છે છે જે પેઢીઓ સુધી ચાલશે. આ જાહેરાતો પછી ઇઝરાયલ સંરક્ષણ દળોએ હિઝબુલ્લાહ લોન્ચ સાઇટ્સ પર નવા હુમલાઓ શરૂ કરી દીધો છે.