Canada News: કેનેડાએ એક્સપ્રેસ એન્ટ્રી સિસ્ટમમાં કર્યો ફેરફાર, જાણો ભારતીયો પર શું થશે અસર?

Express Entry System: કેનેડાએ તેના દેશમાં આવતા ઈમિગ્રન્ટ્સ માટે એક્સપ્રેસ એન્ટ્રી સિસ્ટમમાં મોટા ફેરફારની જાહેરાત કરી છે.

justin trudeau

Source : PTI

Express Entry System:  કેનેડાએ તેના દેશમાં આવતા ઈમિગ્રન્ટ્સ માટે એક્સપ્રેસ એન્ટ્રી સિસ્ટમમાં મોટા ફેરફારની જાહેરાત કરી છે. આ સિસ્ટમમાં ફેરફારની સૌથી વધુ અસર ભારતના તે લોકો પર પડશે જેઓ કેનેડાને પોતાનું નવું ઘર બનાવવા માંગે છે. કેનેડા સરકારે સ્પષ્ટપણે જણાવ્યું હતું કે હવે એક્સપ્રેસ એન્ટ્રી મેળવવા માંગતા લોકોને જોબ ઓફર પર વધારાના પોઈન્ટ્સ નહીં મળે. નોકરીની શોધમાં કેનેડા જતા ભારતીય નાગરિકો પર આનાથી મોટી અસર થવાની ધારણા છે. કેનેડાએ આવું શા માટે કર્યું તેનું કારણ હજુ સ્પષ્ટ થયું નથી.

કેનેડાના ઇમિગ્રેશન, શરણાર્થીઓ અને નાગરિકતાના મંત્રી માર્ક મિલરે જણાવ્યું હતું કે સરકાર છેતરપિંડી ઘટાડવા માટે પગલાં લઈ રહી છે, તેમજ કુશળ કામદારો લાવવાનું ચાલુ રાખી રહી છે. તેમણે કહ્યું કે ઇમિગ્રેશન હંમેશા કેનેડાની સફળતાનો પાયો રહ્યો છે અને અમે કેનેડામાં શ્રેષ્ઠ અને પ્રતિભાશાળી લોકોનું સ્વાગત કરવા માટે પ્રતિબદ્ધ છીએ. જેનાથી તમામ ગુણવતાપૂર્ણ નોકરીઓ, ઘરો અને સહાયતા સુધી પહોંચ મળી શકે જે તેમની સફળતા માટે જરૂરી છે.

કેનેડા જતા લોકોને અસર થશે

એકવાર આ પ્રોગ્રામ લાગુ થઈ જશે તો કેનેડામાં અસ્થાયી રૂપે કામ કરતા લોકો સહિત એક્સપ્રેસ એન્ટ્રી મેળવવા માંગતા તમામ લોકોને અસર થશે. જો કે, જે લોકો પહેલાથી જ અરજી કરવા માટે આમંત્રણ મળી ચૂક્યું છે અથવા જેમની PR માટેની અરજીઓ ઇમિગ્રેશન, રેફ્યુજીસ એન્ડ સિટીઝનશિપ કેનેડા (IRCC) ખાતે પ્રક્રિયામાં છે તેઓને નવી યોજના હેઠળ અસર થશે નહીં.

ભારતીયો પર આની શું અસર થશે?

સરકારનું નવું પગલું એક્સપ્રેસ એન્ટ્રી હેઠળ જોબ ઓફર કરનારા તમામ ઉમેદવારોને લાગુ પડશે. ભારતે 2023 માં એક્સપ્રેસ એન્ટ્રી આમંત્રણોમાં તેનું વર્ચસ્વ ચાલુ રાખ્યું. જેમાં 52,106 ભારતીય નાગરિકોને કાયમી વસવાટ માટે અરજી કરવા માટે આમંત્રણ મળ્યું હતું. જે તે વર્ષે જાહેર કરાયેલા કુલ આમંત્રણોના 47.2 ટકા હતા. જો કે, જોબ ઓફર પોઈન્ટનું સંભવિત નિરાકરણ ભારત અને અન્ય દેશોના અરજદારો માટે નોંધપાત્ર પડકારો પેદા કરી શકે છે.