શું ફરી આવશે કોરોના વાયરસની નવી લહેર ? હોંગકોંગ, સિંગાપુર અને થાઈલેન્ડમાં મચી ગયો હડકંપ
કોવિડ 19 ફરી એકવાર ચર્ચામાં છે. હોંગકોંગમાં છેલ્લા 10 અઠવાડિયામાં કોવિડના કેસ દર અઠવાડિયે 30 ગણાથી વધુ વધ્યા છે.
covid 19 cases : કોવિડ 19 ફરી એકવાર ચર્ચામાં છે. હોંગકોંગમાં છેલ્લા 10 અઠવાડિયામાં કોવિડના કેસ દર અઠવાડિયે 30 ગણાથી વધુ વધ્યા છે. પરંતુ આ ઉછાળો ફક્ત હોંગકોંગ પૂરતો મર્યાદિત નથી. સિંગાપોરમાં પણ એક અઠવાડિયામાં કેસોમાં લગભગ 30 ટકાનો વધારો થયો છે. ચીન અને થાઇલેન્ડમાંથી પણ કોવિડના કેસ વધવાના અહેવાલો સામે આવી રહ્યા છે.
હોંગકોંગમાં 10 મે, 2025 ના રોજ પૂરા થયેલા સપ્તાહમાં કુલ 1,042 કોવિડ કેસ નોંધાયા હતા. અગાઉના સપ્તાહમાં આ આંકડો 972 હતો. માર્ચની શરૂઆતમાં, દર અઠવાડિયે ફક્ત 33 કેસ હતા. તેનો અર્થ એ કે માર્ચથી કેસ સતત વધી રહ્યા છે.
સૌથી મોટી ચિંતા એ છે કે અહીં પોઝિટિવિટી રેટ સતત વધી રહ્યો છે. 1 માર્ચના રોજ પૂરા થયેલા સપ્તાહમાં પોઝિટિવિટી દર માત્ર 0.31% હતો. 5 એપ્રિલ સુધીમાં તે વધીને 5.09% થયો અને 10 મેના રોજ પૂરા થતા સપ્તાહમાં તે વધુ વધીને 13.66 % થયો.
હોંગકોંગ સરકારે લોકોને સ્પષ્ટપણે કહ્યું છે કે દરેક વ્યક્તિએ પોતાને સુરક્ષિત રાખવા માટે વ્યક્તિગત અને આસપાસની સ્વચ્છતાનું ધ્યાન રાખવું જોઈએ. જેથી આપણે પોતાને અને બીજાઓને કોવિડથી બચાવી શકીએ.
જો તમે બૂસ્ટર ડોઝ લીધો હોય તો પણ તમારે બીજી વેક્સિન લેવી પડે
કોવિડના કેસોમાં વધારા પછી હોંગકોંગ સરકારે ઉચ્ચ જોખમ ધરાવતા લોકોને ખાસ કરીને જેમને પહેલાથી જ કોઈ રોગ છે અથવા જેમની રોગપ્રતિકારક શક્તિ નબળી છે તેમને અગાઉના ડોઝ અથવા ચેપના ઓછામાં ઓછા 6 મહિના પછી કોવિડ રસીનો બીજો ડોઝ લેવાની સલાહ આપી છે. ભલે તેમણે પહેલા ડોઝ લીધા હોય.
એશિયાના અન્ય દેશોમાં પણ કોવિડના કેસ કેમ વધી રહ્યા છે ?
સિંગાપુરમાં કોવિડ કેસ 27 એપ્રિલના રોજ પૂરા થયેલા સપ્તાહમાં 11,100 થી વધીને 3 મેના રોજ પૂરા થયેલા સપ્તાહમાં 14,200 થયા. તેનો અર્થ એ કે એક અઠવાડિયામાં લગભગ 30% નો ઉછાળો. એટલું જ નહીં, હોસ્પિટલમાં દાખલ દર્દીઓની સંખ્યા પણ દરરોજ સરેરાશ 102 થી વધીને 133 થઈ ગઈ છે. આ આંકડા સિંગાપુર સરકારના છે.
સરકારનું કહેવું છે કે આ વધારો અનેક કારણોસર હોઈ શકે છે. જેમ કે લોકોમાં રસીથી પ્રેરિત રોગપ્રતિકારક શક્તિમાં ધીમે ધીમે ઘટાડો. સિંગાપોરમાં હાલમાં ફેલાતા સૌથી પ્રચલિત કોવિડ પ્રકારો LF.7 અને NB.1.8 છે. બંને JN.1 વેરિઅન્ટની આગામી પેઢી છે. એ નોંધવું મહત્વપૂર્ણ છે કે JN.1 વેરિઅન્ટનો ઉપયોગ વર્તમાન કોવિડ રસી બનાવવા માટે કરવામાં આવ્યો હતો.
ટોપ સ્ટોરી
ટ્રેન્ડિંગ સમાચાર
