Trump: ઈરાન યુદ્ધના કારણે મધ્યસત્ર ચૂંટણી હાર્યા ડોનાલ્ડ ટ્રમ્પ, રૉયટર્સ સમક્ષ હારનો સ્વીકાર
US Election Result: ડોનાલ્ડ ટ્રમ્પે ન્યૂઝ એજન્સી રોયટર્સ સાથેની વાતચીતમાં સ્વીકાર્યું છે કે ઈરાન સાથેનું યુદ્ધ આ હારનું મુખ્ય કારણ બન્યું હતું
- ડોનાલ્ડ ટ્રમ્પે મધ્યસત્ર હાર માટે ઈરાન યુદ્ધને જવાબદાર ઠેરવ્યું.
- ચૂંટણી વિશ્લેષણમાં મહિલાઓ અને યુવાનોની નારાજગી મુખ્ય કારણ.
- ૫૭ ટકા યુવાઓએ ડેમોક્રેટ્સને મત આપ્યો, રિપબ્લિકનને નહીં.
US Election Result: અમેરિકામા મધ્યસત્ર ચૂંટણીના પરિણામ આવી ચૂક્યા છે, હાર બાદ રાષ્ટ્રપતિ ડોનાલ્ડ ટ્રમ્પે હાર સ્વીકરતાં મોટુ નિવેદન આપ્યુ છે, ટ્રમ્પે કહ્યું કે, જો બેલેટ પેપર પર હું હોત તો જીતી જાત, અમે ઈરાન યુદ્ધના કારણે હાર્યા છીએ, રોયટર્સને આપેલા નિવેદનમાં ઈરાન યુદ્ધને હાર માટે જવાબદાર ગણાવ્યું, જ્યારે વિશ્લેષણમાં મહિલાઓ અને યુવાઓની નારાજગી 'MY' ફેક્ટર તરીકે સામે આવી છે.
મધ્યસત્ર ચૂંટણીમાં રિપબ્લિકન પાર્ટીને મળેલી કારમી હાર બાદ ડોનાલ્ડ ટ્રમ્પે ન્યૂઝ એજન્સી રોયટર્સ સાથેની વાતચીતમાં સ્વીકાર્યું છે કે ઈરાન સાથેનું યુદ્ધ આ હારનું મુખ્ય કારણ બન્યું હતું. અગાઉ તેમણે સોશિયલ મીડિયા પર દાવો કર્યો હતો કે જો બેલેટ પેપર પર તેઓ પોતે હોત તો ચૂંટણી જીતી ગયા હોત. જો કે, ચૂંટણીના આંકડાકીય વિશ્લેષણ પરથી જાણવા મળ્યું છે કે આ હાર પાછળ 'MY' (મહિલા અને યુવા) ફેક્ટર સૌથી મોટું પરિબળ સાબિત થયું છે. ચૂંટણીના મતદાનમાં મહિલાઓ અને યુવા વર્ગે ટ્રમ્પ અને રિપબ્લિકન પાર્ટી વિરુદ્ધ મોટા પ્રમાણમાં મતદાન કર્યું હતું. પ્રાપ્ત આંકડાઓ અનુસાર, કુલ મતદાનમાં 57 ટકા યુવાઓએ ડેમોક્રેટ્સની તરફેણમાં મત આપ્યા હતા, જ્યારે રિપબ્લિકન પાર્ટીને માત્ર ૨૫ ટકા યુવાઓનો જ સાથ મળ્યો હતો. આ ઉપરાંત, 49 ટકા પુરૂષોએ પણ ડેમોક્રેટ્સને મત આપ્યા હતા જ્યારે 48 ટકા પુરૂષો રિપબ્લિકન સાથે રહ્યા હતા. યુવાઓ અને મહિલાઓની આ નારાજગી અને ઈરાન યુદ્ધની નીતિઓ ટ્રમ્પની પાર્ટી માટે ભારે પડી છે, જેના કારણે રાજકીય સમીકરણો સંપૂર્ણપણે બદલાઈ ગયા છે.
આ પરાજય અને તેના વિશ્લેષણથી સ્પષ્ટ થાય છે કે જનમાનસમાં યુદ્ધની નીતિઓ અને યુવા-મહિલા વર્ગના અસંતોષે ચૂંટણીના પરિણામોને સીધી રીતે પ્રભાવિત કર્યા છે. ભવિષ્યમાં રાજકીય પક્ષોએ જનતાના મૂડ અને નીતિગત નિર્ણયોને ધ્યાનમાં રાખીને જ આગળ વધવું પડશે, નહીં તો લોકપ્રિયતા છતાં ચૂંટણીમાં ગંભીર પરિણામો ભોગવવા પડી શકે છે.
સેનેટમાં બહુમતી ગુમાવવાથી ટ્રમ્પને શું ફટકો પડશે ?
ટ્રમ્પને ન્યાયાધીશોની નિમણૂક કરવામાં મુશ્કેલીઓનો સામનો કરવો પડશે.
મંત્રીઓની નિમણૂકમાં ટ્રમ્પના મનસ્વી નિર્ણયો મર્યાદિત રહેશે.
ટ્રમ્પ ઈરાન સાથે યુદ્ધ અંગે મનસ્વી રીતે કાર્ય કરી શકશે નહીં.
વિદેશ નીતિના મોરચે પણ ટ્રમ્પને મોટો ફટકો પડશે.
કાયદા અને બજેટ બિલો પર પણ સંઘર્ષ થશે.
યુનાઇટેડ સ્ટેટ્સમાં મધ્યસત્ર ચૂંટણીઓ શું છે?
આ ચૂંટણીઓ મૂળ ચૂંટણીના બરાબર બે વર્ષ પછી યોજાય છે. તેમનો હેતુ કોંગ્રેસ પ્રત્યે જવાબદારી સુનિશ્ચિત કરવાનો છે. રાષ્ટ્રપતિના પ્રદર્શનનું મૂલ્યાંકન જનતા દ્વારા કરવામાં આવે છે.
ભારતીય અમેરિકનની સ્થિતિ
ભારતીય-અમેરિકન ઉમેદવારો સુહાસ સુબ્રમણ્યમ (40) અને પિયા દાંડિયા (39) વર્જિનિયા અને ફ્લોરિડામાંથી હાઉસ ઓફ રિપ્રેઝન્ટેટિવની ચૂંટણી જીત્યા છે. અરુણા મિલર (61) મેરીલેન્ડના લેફ્ટનન્ટ ગવર્નર પદ માટે ચૂંટાયા છે. રિપબ્લિકન વિવેક રામાસ્વામી હારી ગયા છે.
Before You Go
Sagbara Land Dispute: નર્મદામાં જંગલ જમીન વિવાદ ફરી ગરમાયો! મનસુખ વસાવાએ કર્યું આહ્વાન
ટોપ સ્ટોરી
ટ્રેન્ડિંગ સમાચાર
