યુદ્ધના ભણકારા: વેનેઝુએલાનું નામ લઈને ટ્રમ્પની આ દેશને ખુલ્લી ધમકી, કહ્યું - હુમલો એટલો ભયાનક હશે કે....
Donald Trump Warns Iran: 'ઓપરેશન મિડનાઈટ હેમર' બાદ અમેરિકાએ એરક્રાફ્ટ કેરિયર અબ્રાહમ લિંકન રવાના કર્યું; ઈરાને કહ્યું- 'વાતચીત ભલે બંધ હોય પણ અમે યુદ્ધ માટે તૈયાર છીએ, ઈંટનો જવાબ પથ્થરથી આપીશું.'
Donald Trump Warns Iran: વૈશ્વિક રાજકારણમાં ફરી એકવાર ગરમાવો આવ્યો છે. અમેરિકી રાષ્ટ્રપતિ ડોનાલ્ડ ટ્રમ્પે (Donald Trump) બુધવારે, 28 January, 2026 ના રોજ ઈરાનને અત્યંત કડક શબ્દોમાં ચેતવણી આપી છે. ટ્રમ્પે સોશિયલ મીડિયા પ્લેટફોર્મ 'ટ્રુથ સોશિયલ' (Truth Social) પર ઈરાનને અલ્ટીમેટમ આપતા કહ્યું છે કે તેઓ જલ્દીમાં જલ્દી પરમાણુ ડીલ (Nuclear Deal) માટે તૈયાર થઈ જાય, અન્યથા પરિણામો ભયંકર આવશે. ટ્રમ્પે પોતાની પોસ્ટમાં વેનેઝુએલા (Venezuela) માં અમેરિકા દ્વારા કરવામાં આવેલી કાર્યવાહીનો ઉલ્લેખ કરીને ઈરાનને પરોક્ષ રીતે ડરાવવાનો પ્રયાસ કર્યો છે.
"વેનેઝુએલા કરતા પણ મોટો કાફલો આવી રહ્યો છે"
ટ્રમ્પે પોતાની પોસ્ટમાં દાવો કર્યો છે કે, "ઈરાન તરફ અમેરિકાનું વિશાળ નૌકાદળ (Naval Fleet) આગળ વધી રહ્યું છે, જેનું નેતૃત્વ ઘાતક એરક્રાફ્ટ કેરિયર 'યુએસએસ અબ્રાહમ લિંકન' (USS Abraham Lincoln) કરી રહ્યું છે. આ કાફલો વેનેઝુએલા મોકલવામાં આવેલા બળ કરતા પણ વધુ શક્તિશાળી છે અને જરૂર પડ્યે વિનાશક હુમલો કરવા સક્ષમ છે."
'ઓપરેશન મિડનાઈટ હેમર' ની યાદ અપાવી
ટ્રમ્પે ઈરાનને ભૂતકાળ યાદ અપાવતા કહ્યું કે, "સમય ઓછો છે. મેં અગાઉ પણ ડીલ માટે વિનંતી કરી હતી, પરંતુ ઈરાને ઇનકાર કર્યો અને પરિણામે 'ઓપરેશન મિડનાઈટ હેમર' (Operation Midnight Hammer) થયું, જેમાં ઈરાન તબાહ થઈ ગયું હતું. હવે પછીનો હુમલો તેનાથી પણ વધુ વિનાશક હશે. ઈરાને સમજવું જોઈએ અને આવું ફરી ન થવા દેવું જોઈએ." ટ્રમ્પ ઈચ્છે છે કે ઈરાન પરમાણુ શસ્ત્રોનો ત્યાગ કરીને એક નવો અને વાજબી કરાર કરે.
ઈરાનનો વળતો જવાબ: "અમે તૈયાર છીએ"
ટ્રમ્પની ધમકી પર ઈરાને પણ આક્રમક પ્રતિક્રિયા આપી છે. ઈરાનના નાયબ વિદેશ મંત્રીએ સ્પષ્ટતા કરી કે હાલ વોશિંગ્ટન સાથે કોઈ સીધી વાતચીત નથી, પરંતુ સંદેશાઓની આપ-લે ચાલુ છે. તેમણે કહ્યું, "અમે યુદ્ધ ઈચ્છતા નથી, પરંતુ તેનો અર્થ એ નથી કે અમે ડરી ગયા છીએ. અમેરિકાના કોઈપણ નાના કે મોટા હુમલાનો જડબાતોડ જવાબ આપવામાં આવશે. અમારી પ્રાથમિકતા દેશનું રક્ષણ કરવાની છે."
ઈરાનમાં આંતરિક વિદ્રોહ
નોંધનીય છે કે, છેલ્લા એક મહિનાથી ઈરાનની શાસક સરકાર 1979 ની ક્રાંતિ પછીના સૌથી મોટા આંતરિક સંકટનો સામનો કરી રહી છે. દેશભરમાં લોકો સુપ્રીમ લીડર આયાતુલ્લાહ અલી ખામેની (Ayatollah Ali Khamenei) વિરુદ્ધ રસ્તા પર ઉતરી આવ્યા છે, જેનો લાભ અમેરિકા ઉઠાવવા માંગતું હોય તેમ લાગે છે.
ટોપ સ્ટોરી
ટ્રેન્ડિંગ સમાચાર
