લેબનાનમાં વધુ ભયાનક થશે યુદ્ધ, ગ્રાઉન્ડ ઓપરેશનમાં ઇઝરાયલે તૈનાત કર્યા 10 હજારથી વધુ સૈનિકો
ઉત્તરી સરહદ પર મોર્ટાર હુમલામાં બે ઇઝરાયલી રિઝર્વ સૈનિકો માર્યા ગયા છે
ઇઝરાયલે દક્ષિણ લેબનાનના 130 નગરો અને ગામડાઓમાંથી હિઝબુલ્લાહ આતંકવાદીઓને ભગાડી દીધા છે. એટલે કે આટલી જગ્યાએ ઈઝરાયલનું ગ્રાઉન્ડ ઓપરેશન ચાલી રહ્યું છે. આ દરમિયાન ઉત્તરી સરહદ પર મોર્ટાર હુમલામાં બે ઇઝરાયલી રિઝર્વ સૈનિકો માર્યા ગયા છે. જે બાદ ઇઝરાયલે લેબનાનમાં વધુ સૈનિકો મોકલવાની તૈયારી કરી લીધી છે. એટલે કે ખૂબ જ ટૂંક સમયમાં લેબનાનમાં હિઝબુલ્લાહ સામે ભીષણ યુદ્ધ થશે. ઇઝરાયલી સેનાએ લેબનાનની અંદર ગ્રાઉન્ડ ઓપરેશન માટે વધુ સૈનિકો ઉતાર્યા છે. મતલબ કે હિઝબુલ્લાહ આતંકવાદીઓને ખતમ કરવા માટે લેબનાનમાં ભારે ગોળીબાર થશે. આ દરમિયાન હિઝબુલ્લાહ પણ ઉત્તરી ઈઝરાયલ તરફ સતત રોકેટ છોડે છે.
વેસ્ટ બેન્ક સરહદ પર ઓરાનિતમાં 25 વર્ષીય માસ્ટર સાર્જન્ટ એએ અજુલે અને હેરત વિસ્તારમાં વોરંટ ઓફિસર અવીવ મેગન મોર્ટાર હુમલામાં માર્યા ગયા હતા. બંને ઇઝરાયલી સંરક્ષણ દળોના એલીટ 5515 કોમ્બેટ મોબિલિટી યુનિટના સભ્યો હતા. અન્ય એક સૈનિક પણ ખરાબ રીતે ઘાયલ થયો છે. હાલ તેની સારવાર ચાલી રહી છે.
હિઝબુલ્લાહના અંત સુધી ઓપરેશન ચાલુ રહેશે.
ઇઝરાયલે મર્યાદિત લક્ષિત હુમલાઓ સાથે લશ્કરી કાર્યવાહી શરૂ કરી હતી. જેથી સરહદની આસપાસ લેબનાનની અંદર હાજર હિઝબુલ્લાહના ઠેકાણાઓને નષ્ટ કરી શકાય. આ માટે ઈઝરાયલે પહેલાથી જ લેબનીઝ લોકોને શહેર છોડીને સુરક્ષિત સ્થળો પર જવા માટે કહ્યું હતું.
ઇઝરાયલી સેનાએ સ્પષ્ટ કહ્યું છે કે જો જરૂરિયાત વધતી રહેશે તો અમે સૈનિકોની સંખ્યા અને સૈન્ય કાર્યવાહીની તીવ્રતામાં વધારો કરવાનું ચાલુ રાખીશું. આ કામ આગામી થોડા અઠવાડિયામાં કરવામાં આવશે.
લેબનાનની અંદર 10 હજાર ઇઝરાયલી સૈનિકો
લેબનોનમાં હજારો ઇઝરાયલના સૈનિકો ગ્રાઉન્ડ ઓપરેશનમાં તૈનાત છે. હાલમાં લગભગ 10 હજાર ઇઝરાયલ સૈનિક લેબનાનની અંદર ગ્રાઉન્ડ ક્લિયરન્સમાં રોકાયેલા છે. ઇઝરાયલી સંરક્ષણ દળોના 98મા અને 36મા ડિવિઝનની સાથે 91મા ગેલિલી રિઝનલ ડિવિઝન લેબનાનની અંદર મિશન કરી રહ્યા છે. લેબનાનના દક્ષિણી વિસ્તારમાં હિઝબુલ્લાહ દ્વારા છોડવામાં આવેલા હથિયારોનો મોટો જથ્થો મળ્યો છે. ઈઝરાયલને આશંકા છે કે હિઝબુલ્લાહ 7 ઓક્ટોબર જેવા બીજા હુમલાની યોજના બનાવી રહ્યું છે.
Russia: ઇરાનના રાષ્ટ્રપતિને મળશે પુતિન, શું ઇઝરાયલને ઘેરવાની થઇ રહી છે તૈયારી?
ટોપ સ્ટોરી
ટ્રેન્ડિંગ સમાચાર
