ઇરાનની ધમકીથી ટ્રમ્પની વધી ચિંતા, Apple, માઇક્રોસોફ્ટ, ગૂગલ સહિતની મોટી ટેક કંપની પર હુમલાની ચેતવણી
Iran US War:ઈરાને ચેતવણી આપી છે કે તે યુએસ અને ઇઝરાયલી હુમલાઓના જવાબમાં મોટી યુએસ ટેક અને સંરક્ષણ કંપનીઓને નિશાન બનાવશે,જે IRGC અનુસાર આ કંપની ટ્રમ્પને મદદ કરી રહ્યી છે.
- ઈરાન હવે યુએસ ટેક કંપનીઓને નિશાન બનાવવાની યોજના બનાવી રહ્યું છે.
- ગૂગલ, માઈક્રોસોફ્ટ સહિત ૧૮ યુએસ કંપનીઓ પર હુમલાની ધમકી આપી.
- કંપનીઓ યુએસ-ઇઝરાયલી ગુપ્તચર એજન્સીઓને મદદ કરતી હોવાનો આરોપ.
- યુએસ-ઇઝરાયલી હુમલામાં ઈરાની જનરલના મોત બાદ આ ધમકી.
Iran US War:ખાડી દેશોમાં યુએસ લશ્કરી થાણાઓ પર હુમલા બાદ, ઈરાન હવે યુએસ ટેક કંપનીઓને નિશાન બનાવવાની યોજના બનાવી રહ્યું છે. મંગળવાર (31 માર્ચ, 2026) ના રોજ, ઈરાની રિવોલ્યુશનરી ગાર્ડ્સ (IRGC) એ ગૂગલ અને માઇક્રોસોફ્ટ સહિત 18 યુએસ કંપનીઓ પર હુમલો કરવાની ધમકી આપી હતી. ઈરાન તરફથી આ ધમકીએ હવે કોર્પોરેટ લક્ષ્યોને સંવેદનશીલ બનાવી દીધા છે.
ઇરાનના નિશાન પર Apple-Google સહિતની કંપનીઓ
IRGC એ જણાવ્યું છે કે, જો કોઈ ઈરાની નેતાની હત્યા કરવામાં આવે છે, તો તે ગલ્ફ દેશોમાં અમેરિકન કંપનીઓને નિશાન બનાવશે. તેમણે ચેતવણી આપી છે કે, તેઓ યુએસ અને ઇઝરાયલી હુમલાઓના જવાબમાં મોટી અમેરિકન ટેક અને સંરક્ષણ કંપનીઓને નિશાન બનાવશે. આ કંપનીઓમાં સિસ્કો, HP, ઇન્ટેલ, ઓરેકલ, માઇક્રોસોફ્ટ, એપલ, ગૂગલ, મેટા, IBM, ડેલ, પેલેન્ટિર, Nvidia, JP મોર્ગન, ટેસ્લા, જનરલ ઇલેક્ટ્રિક, સ્પાયર સોલ્યુશન્સ, G42 અને બોઇંગનો સમાવેશ થાય છે.
આ કંપની યુએસ ગુપ્તચર એજન્સીઓને મદદ કરી રહી છે: IRGC
IRGC એ જણાવ્યું છે કે, આ કંપનીઓ ઇઝરાયલી અને યુએસ લશ્કરી અને ગુપ્તચર એજન્સીઓ સાથે સહયોગ કરે છે, અને તેથી તેમને નિશાન બનાવી શકાય છે. ઈરાને આ કંપનીઓને તેના સાયબર હુમલાઓ માટે જવાબદાર ઠેરવી છે અને કહ્યું છે કે તે પોતાનો બચાવ કરવા માટે તમામ જરૂરી પગલાં લેશે. માઈક્રોસોફ્ટ અને એપલની કોર્પોરેટ ઓફિસો સંયુક્ત આરબ અમીરાતમાં છે, જે મુખ્યત્વે દુબઈ અને અબુ ધાબીમાં કેન્દ્રિત છે.
ઈરાની બ્રિગેડિયર જનરલનું મૃત્યુ
IRGC એ જણાવ્યું હતું કે, માહિતી ટેકનોલોજી અને AI કંપનીઓ ઈરાન સામેના પ્લાનિંગમાં આયોજનમાં મુખ્ય ભૂમિકા ભજવી રહી છે. ગુગલ અને માઈક્રોસોફ્ટ ઉપરાંત, એન્થ્રોપિક અને ઓપનએઆઈ જેવી કંપનીઓ પણ AI ક્ષેત્રમાં અગ્રણી છે. અગાઉ, IRGC એ યુએસ-ઇઝરાયલી હવાઈ હુમલામાં બ્રિગેડિયર જનરલની હત્યાની પુષ્ટિ કરી હતી. IRGC અનુસાર, આર્મી બ્રિગેડિયર જનરલ અને ચીફ ઓફ ધ જનરલ સ્ટાફના સલાહકાર જમશીદ એશાકીનું મોત થયું હતું. અમેરિકાએ ગયા વર્ષે તેમના પર પ્રતિબંધો લાદ્યા હતા.
ટોપ સ્ટોરી
ટ્રેન્ડિંગ સમાચાર
