પાકિસ્તાની સૈન્યએ આતંકી સૈયદ સલાઉદ્દીનને આપી બુલેટ પ્રૂફ કાર, તાજેતરમાં જ ખુલ્લેઆમ ફરતો જોવા મળ્યો હતો

પાકિસ્તાનની સેનાનું વધુ એક કૃત્ય સામે આવ્યું છે જે સ્પષ્ટ કરે છે કે પાકિસ્તાન ખુલ્લેઆમ આતંકવાદને પ્રોત્સાહન આપી રહ્યું છે.

ફાઈલ તસવીર

Pakistan: પાકિસ્તાનની સેનાનું વધુ એક કૃત્ય સામે આવ્યું છે જે સ્પષ્ટ કરે છે કે પાકિસ્તાન ખુલ્લેઆમ આતંકવાદને પ્રોત્સાહન આપી રહ્યું છે. પાકિસ્તાનમાં આતંકીઓની હત્યાથી પરેશાન પાકિસ્તાન સેનાએ સૈયદ સલાઉદ્દીનને બુલેટ પ્રુફ કાર આપી છે. આ પહેલા હિઝબુલ મુજાહિદ્દીનનો લીડર સૈયદ સલાઉદ્દીન પાકિસ્તાનમાં મુક્તપણે ફરતો જોવા મળ્યો હતો. તેમણે પાકિસ્તાન સરકાર દ્વારા પૂરી પાડવામાં આવેલ સુરક્ષા વચ્ચે લાહોરમાં અંતિમ વિધિમાં હાજરી આપી હતી. આ દરમિયાન પાકિસ્તાની પોલીસ અને રેન્જર્સની પણ હાજરી હતી. સૈયદ સલાઉદ્દીને બશીરના અંતિમવિધિમાં નમાજ પણ અદા કરી હતી અને ભારત વિરુદ્ધ ભાષણ પણ આપ્યું હતું.

અમેરિકાએ સૈયદ સલાઉદ્દીનને વૈશ્વિક આતંકવાદી જાહેર કર્યો છે. તે તાજેતરમાં જ પાકિસ્તાનમાં માર્યા ગયેલા ભારતના મોસ્ટ વોન્ટેડ આતંકવાદીઓમાંના એક બશીર અહેમદ પીરના અંતિમવિધિમાં નમાજ અદા કરી હતી. બશીર અહેમદ પીરના અંતિમવિધિનો એક વીડિયો પણ સોશિયલ મીડિયા પર શેર કરવામાં આવ્યો હતો. આ સમયે પણ સૈયદ પાકિસ્તાની સૈનિકોથી ઘેરાયેલો જોવા મળ્યો હતો.

પાકિસ્તાન આતંકવાદને પ્રોત્સાહન આપી રહ્યું છે

વિશ્વના મોસ્ટ વોન્ટેડ આતંકવાદી (સૈયદ સલાઉદ્દીન)ની પાકિસ્તાનમાં ખુલ્લેઆમ હાજરી દર્શાવે છે કે પાકિસ્તાને FATFને આતંકવાદનો સામનો કરવાની તેની ક્ષમતાને મજબૂત કરવા માટે આપવામાં આવેલા 34 એક્શન પ્લાન વિશે ખોટી માહિતી આપી હતી.

કોણ છે સૈયદ સલાઉદ્દીન?

સૈયદ સલાઉદ્દીન આતંકી સંગઠન હિઝબુલ મુજાહિદ્દીનનો વડો છે. આ સંગઠને ભારતના જમ્મુ-કાશ્મીરમાં ઘણી મોટી આતંકી ઘટનાઓને અંજામ આપ્યો છે. તે ભારતના મોસ્ટ વોન્ટેડ આતંકીની યાદીમાં સામેલ છે. અમેરિકાએ સૈયદને ગ્લોબલ ટેરરિસ્ટ લિસ્ટમાં મૂક્યો છે.

Pakistan: ભારતનો મોસ્ટ વોન્ટેડ આતંકવાદી સૈયદ સલાહુદ્દીન પાકિસ્તાનમાં ખુલ્લેઆમ ફરતો જોવા મળ્યો છે. તે એક આતંકવાદીના અંતિમ સંસ્કારમાં દેખાયો છે. તેના પર ભારતે કહ્યું છે કે આ ફરી એકવાર દર્શાવે છે કે આતંકવાદીઓને આશ્રય આપવાની અને ભારત વિરુદ્ધ પ્રોક્સી તરીકે ઉપયોગ કરવાની પાકિસ્તાનની નીતિમાં કોઈ ફેરફાર થયો નથી.

ભારત સરકારના સૂત્રોએ કહ્યું કે પાકિસ્તાન આ આતંકવાદીઓને આતંકવાદી માનતું નથી, તેથી જ તેઓ ત્યાં મુક્તપણે ફરે છે. તેઓ ભારત વિરુદ્ધ ઝેર ઓકે છે, ચૂંટણી લડે છે. આ એ પણ દર્શાવે છે કે પાકિસ્તાનમાં રાજકીય, આર્થિક તેમજ સામાજિક સમસ્યા છે.

FATF તરફથી પગલાં લેવાની અપીલ

ભારતે ફાઇનાન્શિયલ એક્શન ટાસ્ક ફોર્સ (FATF)ને પણ આ મામલે પગલાં લેવાની અપીલ કરી છે. ભારતે કહ્યું, જ્યારે પાકિસ્તાન વાસ્તવમાં 'આતંકને સમર્થન આપતું રાષ્ટ્ર' છે. પાકિસ્તાન પોતાને FATF બ્લેકલિસ્ટમાંથી બહાર કાઢવા માટે જ આતંકવાદીઓ વિરુદ્ધ કાર્યવાહી કરવાનું નાટક કરી રહ્યું હતું. FATF અને ઈન્ટરનેશનલ મોનેટરી ફંડ (IMF)એ આનું ધ્યાન રાખવું જોઈએ