PM Modi in Israel: આજથી બે દિવસના ઈઝરાયલ પ્રવાસ પર PM મોદી, 71 હજાર કરોડના સંરક્ષણ કરાર સહિત આ મુદ્દે થશે ચર્ચા
PM Modi in Israel: વડાપ્રધાન નરેન્દ્ર મોદી બુધવારથી ઇઝરાયલની બે દિવસીય મુલાકાતે જશે. નવ વર્ષમાં આ તેમનો બીજો પ્રવાસ હશે.
PM Modi in Israel: વડાપ્રધાન નરેન્દ્ર મોદી બુધવારથી ઇઝરાયલના બે દિવસની મુલાકાતે જશે. નવ વર્ષમાં આ તેમનો બીજો પ્રવાસ હશે. પશ્ચિમ એશિયામાં વધતા તણાવ ખાસ કરીને અમેરિકા અને ઈરાન વચ્ચેના બગડતા સંબંધો વચ્ચે થઈ રહેલી આ મુલાકાતને ભારત-ઇઝરાયલ વ્યૂહાત્મક ભાગીદારીને વધુ મજબૂત બનાવવા તરફ એક મહત્વપૂર્ણ પગલું માનવામાં આવે છે. વડાપ્રધાનની મુલાકાત પહેલાં ઇઝરાયલ સાથે મુક્ત વેપાર કરાર પર ચર્ચા પણ આગળ વધવાની અપેક્ષા છે. આ મુદ્દા પર ચાર દિવસીય બેઠક ચાલી રહી છે, જે 26 ફેબ્રુઆરીએ પૂર્ણ થશે.
Israeli opposition leader Yair Lapid (@yairlapid) posts, "सारा इज़राइल कल प्रधानमंत्री मोदी का स्वागत करने के लिए उत्सुक है। वह इज़राइल के सच्चे मित्र हैं। इज़राइल और भारत के बीच का संबंध केवल एक रणनीतिक संबंध नहीं है, बल्कि राष्ट्रों के बीच गहरी मित्रता का बंधन है।🇮🇱🇮🇳" pic.twitter.com/M5PEPuVLLc
— Press Trust of India (@PTI_News) February 24, 2026
વડાપ્રધાન મોદી ઇઝરાયલી સંસદને સંબોધિત કરશે
તેમની મુલાકાત દરમિયાન વડાપ્રધાન મોદી ઇઝરાયલી સંસદને સંબોધિત કરશે, ઇઝરાયલના વડાપ્રધાન બેન્જામિન નેતન્યાહૂ સાથે વ્યાપક વાટાઘાટો કરશે અને રાષ્ટ્રપતિ આઇઝેક હર્ઝોગને પણ મળશે. નેતન્યાહુ બુધવારે રાત્રે મોદીના સન્માનમાં ખાનગી ડિનરનું આયોજન કરશે. નેતન્યાહૂએ ઇન્સ્ટાગ્રામ પર એક પોસ્ટમાં પીએમ મોદીની મુલાકાતની આતુરતાથી રાહ જોવાનો ઉલ્લેખ કર્યો છે.
વિદેશ મંત્રાલયે જણાવ્યું છે કે આ મુલાકાત બંને દેશો વચ્ચેના ઊંડા અને લાંબા સમયથી ચાલતા વ્યૂહાત્મક સંબંધોને ફરીથી સ્થાપિત કરશે. તે સહિયારા પડકારોની સમીક્ષા કરવાની અને મજબૂત ભાગીદારી માટે સહિયારા દ્રષ્ટિકોણને આગળ વધારવાની તક પણ પૂરી પાડશે.
સંરક્ષણ અને સુરક્ષા સહયોગ મુખ્ય એજન્ડા
સંરક્ષણ અને સુરક્ષા સહયોગ મુખ્ય એજન્ડા સૂત્રોના જણાવ્યા અનુસાર, પ્રતિનિધિમંડળ સ્તરની વાટાઘાટોમાં સંરક્ષણ અને સુરક્ષા સહયોગ મુખ્ય એજન્ડામાં રહેશે. ભારત સ્વદેશી હવાઈ ડિફેન્સ સિસ્ટમ સુદર્શન ચક્ર વિકસાવવા તરફ કામ કરી રહ્યું છે, અને આ સંદર્ભમાં ઇઝરાયલની બહુ-સ્તરીય હવાઈ સંરક્ષણ પ્રણાલી, આયર્ન ડોમના કેટલાક પાર્ટ્સને સમાવવાની શક્યતા પર પણ ચર્ચા થઈ શકે છે.
વડાપ્રધાન મોદીની ઇઝરાયલની પ્રથમ મુલાકાત જુલાઈ 2017માં થઈ હતી, જે દરમિયાન દ્વિપક્ષીય સંબંધોને વ્યૂહાત્મક ભાગીદારીના સ્તરે ઉન્નત કરવામાં આવ્યા હતા. આ પછી જાન્યુઆરી 2018માં નેતન્યાહૂની ભારત મુલાકાત થઈ હતી.
ટોપ સ્ટોરી
ટ્રેન્ડિંગ સમાચાર
