પોલેન્ડની NATO સૈનિકોની તૈનાતીની મંજૂરી, યુરોપની રશિયા સાથે યુદ્ધની તૈયારીઓ તેજ!
રશિયા અને યુક્રેન વચ્ચે ચાલી રહેલું યુદ્ધ ફેલાવવાની આશંકા પેદા થઈ ગઈ છે.
વારસૉ: રશિયા અને યુક્રેન વચ્ચે ચાલી રહેલું યુદ્ધ ફેલાવવાની આશંકા પેદા થઈ ગઈ છે. પોલેન્ડ અને રોમાનિયામાં રશિયન ડ્રોનના આગમન બાદ નાટો દેશો આ દિશામાં એક્ટિવ થઈ ગયા છે. પોલેન્ડ સરકારે પોતાની ભૂમિ પર નાટો સૈનિકો તૈનાત કરવાનો નિર્ણય લીધો છે. પોલેન્ડ પછી રોમાનિયામાં રશિયાના 'ડ્રોન ઘૂસણખોરી' બાદ આ પગલું લેવામાં આવ્યું છે. આ ઘટનાક્રમ પર યુક્રેને કહ્યું હતું છે કે આગામી દિવસોમાં યુદ્ધ અન્ય વિસ્તારોમાં પણ ફેલાઈ શકે છે. પોલેન્ડ સહિત રશિયાના પડોશી દેશોની સેનાઓએ એલર્ટ પર રહેવાની વાત કરી છે.
ધ સનના અહેવાલ મુજબ, યુક્રેનના રાષ્ટ્રપતિ વોલોડીમીર ઝેલેન્સકીએ રોમાનિયામાં રશિયાના ડ્રોન ઘૂસણખોરીને યુદ્ધનું વિસ્તરણ ગણાવ્યું છે. આ પછી પોલેન્ડે નાટો સૈનિકો તૈનાત કરવાનો નિર્ણય લીધો છે. રશિયાના ડ્રોન હુમલા બાદ પોલેન્ડના રાષ્ટ્રપતિ કરોલ નવરોકીએ દેશનો મજબૂત રીતે બચાવ કરવાની વાત કરી છે. ઉપરાંત, નાટોની કલમ-4 લાગુ કરવામાં આવી છે. પોલેન્ડે દાવો કર્યો હતો કે તેણે સરહદ નજીક રશિયન ડ્રોનનો સામનો કરવા માટે હેલિકોપ્ટર અને વિમાન તૈનાત કર્યા છે.
રોમાનિયામાં રશિયન ડ્રોન
ગયા અઠવાડિયે મંગળવારે રશિયન ડ્રોન પોલેન્ડ પહોંચ્યા હોવાનું બહાર આવ્યું હતું. આ પછી શનિવારે રોમાનિયન હવાઈ ક્ષેત્રમાં રશિયન ડ્રોન ઉડતા જોવા મળ્યા. આ પછી નાટો દેશોમાં ચિંતા છે. યુક્રેન પર રશિયાના આક્રમણની શરૂઆત પછી નાટોમાં હલચલ હોય તેવું આ પહેલી વાર છે. ઓપરેશન ઇસ્ટર્ન સેન્ટ્રી પોલેન્ડના પ્રદેશમાં નાટો સૈનિકોની તૈનાતીની વાત કરે છે.
રોમાનિયાના સંરક્ષણ મંત્રાલયે શનિવારે કહ્યું હતું કે રશિયાના પડોશી યુક્રેન પર હુમલા દરમિયાન એક ડ્રોન તેની સરહદમાં પ્રવેશ્યું હતું. યુક્રેનિયન રાષ્ટ્રપતિ ઝેલેન્સકીએ કહ્યું કે આ ઘૂસણખોરી ભૂલ નહોતી પરંતુ આ પગલું રશિયા તરફથી યુદ્ધનું સ્પષ્ટ વિસ્તરણ છે. હંગેરીએ પરિસ્થિતિ પર નજર રાખવા માટે બે F-16 વિમાન મોકલ્યા. રશિયન ડ્રોનની સામે F-16 ની તૈનાતી વધતા તણાવને દર્શાવે છે.
યુક્રેનમાં યુદ્ધ શરૂ થયા પછી પહેલીવાર નાટોએ રશિયાનો સીધો સામનો કર્યો છે. અગાઉ, નાટો દેશોના વિમાનો ફક્ત પ્રેક્ટિસ માટે ઉડતા જોવા મળ્યા હતા. જોકે, રશિયાએ નકારી કાઢ્યું છે કે પોલેન્ડ અને રોમાનિયા ગયેલા ડ્રોન રશિયન હતા. મોસ્કોના પ્રવક્તાએ કહ્યું છે કે આ ડ્રોન યુક્રેન દ્વારા તૈનાત કરવામાં આવ્યા હતા.
ટોપ સ્ટોરી
ટ્રેન્ડિંગ સમાચાર
