અફઘાનિસ્તાનથી પ્લેન હાઇજેક થયું હોવાની વાતને લઈ યુક્રેનનો યુ-ટર્ન, કહ્યું- કાબુલ મોકલેલાં દરેક વિમાન પરત આવ્યાં

યુક્રેને અફઘાનિસ્તાનના પાટનગર કાબુલથી પોતાનું વિમાન હાઇજેક કરવામાં આવ્યું હોવાની વાત મુદ્દે હવે યુ-ટર્ન લીધો છે.

યુક્રેને અફઘાનિસ્તાનના પાટનગર કાબુલથી પોતાનું વિમાન હાઇજેક કરવામાં આવ્યું હોવાની વાત મુદ્દે હવે યુ-ટર્ન લીધો છે. આ પહેલાં યુક્રેનના ડેપ્યુટી વિદેશમંત્રી યેવગેની યેનિને કહ્યું હતું કે અફઘાનિસ્તાનની રાજધાની કાબુલમાં યુક્રેનના એક વિમાનને હાઈજેક કરાયું છે. આ વિમાન યુક્રેની નાગરિકોને બહાર કાઢવા અફઘાનિસ્તાન પહોંચ્યું હતું. આ માહિતી યુક્રેનના ડેપ્યુટી વિદેશમંત્રી યેવગેની યેનિને મંગળવારે આપી હતી. 

નાયબ વિદેશ મંત્રી યેવજેની યેનિન દ્વારા દેશના એક વિમાનનું અપહરણ કરીને ઈરાન લઈ જવામાં આવ્યું હોવાનો દાવો કર્યાના કલાકો બાદ યુક્રેનનું વિદેશ મંત્રાલય હવે એ સમાચરને નકારી રહ્યું છે. 

તેમણે કહ્યું હતું કે, ગત રવિવારે કેટલાક લોકોએ અમારા વિમાનને હાઈજેક કર્યું હતું. પ્લેન કેટલાક અજ્ઞાત લોકોએ પોતાના કબજામાં લઈ લીધું છે. યુક્રેન સરકારના ડેપ્યુટી વિદેશમંત્રીએ માહિતી આપી હતી કે રવિવારે જ અમારા પ્લેનને અજ્ઞાત લોકો દ્વારા હાઈજેક કરાયું છે. મંગળવારે આ વિમાનને ઈરાન લઈ જવામાં આવ્યું છે, જેમાં અજ્ઞાત લોકો છે.

યૂક્રેનના નાયબ વિદેશ મંત્રીના જણાવ્યા અનુસાર, યૂક્રેનવાસીઓને બહાર કાઢવા માટે રવિવારે યૂક્રેનનું એક વિમાન કાબુલ પહોંચ્યું હતું. આ પછી કેટલાક સશસ્ત્ર લોકો તેને પકડીને ઈરાન લઈ ગયા. યૂક્રેનના નાયબ વિદેશ મંત્રીનું કહેવું છે કે વિમાન ચોરાઈ ગયું છે. આ ઘટના બાદ વિમાનમાં બાકીના લોકોનું શું થયું તે અંગે પરિસ્થિતિ સ્પષ્ટ કરવામાં આવી નથી. યૂક્રેનના નાયબ વિદેશ મંત્રીએ કહ્યું છે કે પ્લેન હાઇજેકથી બચાવ અને રાહત કાર્યમાં પણ અવરોધ આવ્યો છે.

આ ઘટના પરથી અંદાજ લગાવી શકાય છે કે કાબુલના એરપોર્ટ પર કેવા પ્રકારની અફરાતફરી છે. વિમાન હાઈજેક કરી રહ્યું હોવાના સમાચાર છે. સાથે જ આ મામલે ઈરાનના પ્રતિભાવની પણ રાહ જોવાઈ રહી છે. યૂક્રેનનું આ જહાજ ઈરાન તરફ ગયું છે કે કેમ તે અંગે માહિતી એકઠી કરવામાં આવી રહી છે.