ભારતને મોટો આંચકો આપવાની તૈયારીમાં ડોનાલ્ડ ટ્રમ્પ, વિઝા ફી 90,00,000થી પણ વધુ કરવાનો પ્લાન

અમેરિકાના ડિપાર્ટમેન્ટ ઓફ હોમલેન્ડ સિક્યુરિટી (DHS) દ્વારા નવો પ્રસ્તાવ રજૂ; ખાસ કરીને ભારતીય IT પ્રોફેશનલ્સ પર પડી શકે છે સીધી અને મોટી અસર.

us dhs proposes h1b visa fee increase 103265 impact on indian workers

Source : White house

Show Quick Read

Key points generated by AI, verified by newsroom

• DHS એ H-1B વિઝા ફીમાં $103,265 નો ધરખમ વધારો સૂચવ્યો.
• આ દરખાસ્ત ટ્રમ્પના અગાઉના વિવાદાસ્પદ ફી વધારાના નિર્ણયને ઔપચારિક બનાવશે.
• નવા નિયમ પર આગામી 30 દિવસમાં જાહેર જનતાનો અભિપ્રાય લેવાશે.
• આ પગલાથી ભારતીય IT પ્રોફેશનલ્સ પર નોંધપાત્ર અસર થવાની શક્યતા છે.

h1b visa fee increase 2026: અમેરિકામાં કામ કરવાનું સપનું જોતા અથવા ત્યાં પહેલેથી જ H-1B વિઝા પર રહેતા લોકો માટે એક બહુ જ મોટા અને આંચકાજનક સમાચાર આવ્યા છે. અમેરિકાના 'ડિપાર્ટમેન્ટ ઓફ હોમલેન્ડ સિક્યુરિટી' (DHS) દ્વારા H-1B વિઝા અરજીઓ માટેની ફીમાં ધરખમ વધારો કરવાનો પ્રસ્તાવ મૂકવામાં આવ્યો છે. આ નવા પ્રસ્તાવ મુજબ, વિઝા ફી વધારીને સીધી $103,265 (અંદાજે 86 લાખ રૂપિયાથી વધુ) કરવામાં આવશે. જોકે, રાહતની વાત એ છે કે આ વધેલી ફી માત્ર મર્યાદિત સંખ્યામાં વિઝા અરજીઓ પર જ લાગુ પડશે.

ટ્રમ્પના વિવાદાસ્પદ નિર્ણય પર મહોર?

તમને યાદ હશે કે ગયા વર્ષે પોતાનો બીજો રાષ્ટ્રપતિ કાર્યકાળ સંભાળ્યા પછી, ડોનાલ્ડ ટ્રમ્પે H-1B વિઝા કાર્યક્રમને લઈને એક મોટો અને આશ્ચર્યજનક નિર્ણય લીધો હતો. તેમણે 2025 સુધી H-1B વિઝા અરજદારો માટે ફી વધારીને સીધી $100,000 નક્કી કરી દીધી હતી. તે સમયે આ નિર્ણયનો ભારે વિરોધ થયો હતો.

હવે, DHS દ્વારા યુએસ ફેડરલ રજિસ્ટરમાં આ નવો પ્રસ્તાવ પ્રકાશિત કરવામાં આવ્યો છે. આનો સીધો અર્થ એ છે કે રાષ્ટ્રપતિ ટ્રમ્પ દ્વારા શરૂ કરાયેલ એ વિવાદાસ્પદ ફી વધારો હવે માત્ર એક આદેશ નહીં, પરંતુ એક કાયમી અને ઔપચારિક નિયમ બની જશે. જોકે ટ્રમ્પનો તે જૂનો આદેશ આવતા મહિને (સપ્ટેમ્બરમાં) પૂરો થઈ રહ્યો છે, પરંતુ આ નવા નિયમથી આ તોતિંગ ચૂકવણીઓને કાયમી બનાવવાની તૈયારી થઈ ગઈ છે.

જનતાનો અભિપ્રાય લેવા માટે 30 દિવસનો સમય

DHS દ્વારા રજૂ કરાયેલો આ નવો પ્રસ્તાવિત નિયમ હવે આગામી 30 દિવસ માટે જાહેર જનતા સમક્ષ ખુલ્લો મૂકવામાં આવશે. આ સમયગાળા દરમિયાન અમેરિકન નાગરિકો આ નવા નિયમ પર પોતાના મંતવ્યો અને વાંધા-સૂચનો વ્યક્ત કરી શકશે. લોકોનો અભિપ્રાય જાણ્યા બાદ, હોમલેન્ડ સિક્યુરિટી વિભાગ આ વર્ષના અંત સુધીમાં આ દરખાસ્તને આખરી ઓપ આપી શકે છે.

ભારત પર આની શું અસર પડશે?

ડોનાલ્ડ ટ્રમ્પ વહીવટીતંત્રનું આ મોટું પગલું એવા સમયે આવ્યું છે જ્યારે H-1B વિઝા પ્રોગ્રામના ભવિષ્યને લઈને પહેલેથી જ ઘણી અનિશ્ચિતતા ચાલી રહી છે.

આ નિર્ણયની સૌથી મોટી અસર ભારતીય મૂળના કામદારો અને IT પ્રોફેશનલ્સ પર પડશે, કારણ કે અમેરિકા દર વર્ષે જેટલા H-1B વિઝા આપે છે, તેમાં સૌથી મોટો હિસ્સો (આશરે 70% થી વધુ) ભારતીયોનો હોય છે.

આટલી જંગી ફી વધવાથી અમેરિકન કંપનીઓ વિદેશી કામદારો (ખાસ કરીને ભારતીયો) ને નોકરીએ રાખતા પહેલા સો વાર વિચારશે, જેનાથી અમેરિકા જવાની તકો ઘટી શકે છે.