દુનિયાના 218 દેશોમાં કોરોના વાયરસ ફરીથી વકર્યો, છેલ્લા 24 કલાકમાં 6.40 લાખ નવા કેસો નોંધાતા ખળભળાટ, જાણો વિગતે

વર્લ્ડોમીટર વેબસાઇટ અનુસાર, દુનિયામાં અત્યાર સુધી 5 કરોડ 72 લાખ 12 હજાર કોરોના કેસો સામે આવી ચૂક્યા છે. વળી અત્યાર સુદી 13 લાખ 64 હજાર લોકોના મોત થઇ ચૂક્યા છે

પ્રતિકાત્મક તસવીર

નવી દિલ્હીઃ દુનિયામાં કોરોના મહામારીએ ફરી એકવાર માથુ ઉચક્યુ છે. દુનિયાના 218 દેશોમાં કોરોનાએ ફરી એન્ટ્રી કરતા છેલ્લા 24 કલાકમાં દુનિયાભરમાં છ લાખથી વધુ નવા કેસો નોંધાયા છે. રિપોર્ટ પ્રમાણે છેલ્લા 24 કલાકમાં કોરોના વાયરસના 6 લાખ 40 હજારથી વધુ નવા કેસો સામે આવ્યા છે, વળી 10680 લોકોના મોત થયા છે. છેલ્લા દિવસોમાં અમેરિકામાં સૌથી વધુ મોતો થઇ છે, આ પછી ઇટાલી, બ્રાઝિલ, પોલેન્ડ, ભારત, મેક્સિકો, બ્રિટન, રશિયામાં મોતના સૌથી વધુ કેસો છે. વર્લ્ડોમીટર વેબસાઇટ અનુસાર, દુનિયામાં અત્યાર સુધી 5 કરોડ 72 લાખ 12 હજાર કોરોના કેસો સામે આવી ચૂક્યા છે. વળી અત્યાર સુદી 13 લાખ 64 હજાર લોકોના મોત થઇ ચૂક્યા છે. જ્યારે 3 કરોડ 96 લાખ 95 હજારથી વધુ લોકો સાજા થઇને ઘરે પરત ફર્યા છે. 1 કરોડ 61 લાખ 52 હજાર લોકો હજુ પણ કોરોનાથી સંક્રમિત છે, તેમનો ઇલાજ ચાલી રહ્યો છે. કોરોનાથી પ્રભાવિત ટૉપ 10 દેશ અમેરિકા- 12,063,759 કેસ, 258,280 મોત ભારત- 9,004,325 કેસ, 132,202 મોત બ્રાઝિલ- 5,983,089 કેસ, 168,141 મોત ફ્રાન્સ- 2,086,288 કેસ, 47,127 મોત રશિયા- 2,015,608 કેસ, 34,850 મોત સ્પેન- 1,574,063 કેસ, 42,291 મોત યૂકે- 1,453,256 કેસ, 53,775 મોત આર્જેન્ટિના- 1,349,434 કેસ, 36,532 મોત ઇટાલી- 1,308,528 કેસ, 47,870 મોત કોલંબિયા- 1,225,490 કેસ, 34,761 મોત